Jøøn 15:19 - Wëël Jwøk

¹⁹ Onää uuna mo piny, piny doo mëër ki uuni kiper na nägu moe. 'Ba kiper mana nägu paa mo piny, ni jiera u wøk dï mo piny, beeye na män pinynyi ki uuni.

Jøøn 15:19 Iomraidhean Croise

Mathiew 10:22

Ni ö jiyi bëët ni mänge ki uuni kiper nyeŋŋa. 'Ba ŋato jïëny gïïögø këël aŋuunne, opiem.

Mathiew 24:9

«Kanyøca uuno kïthge dhøk gïï mo leth, ni nääŋge uuni. Ni ö wïth juurre bëët ni mänge ki uuni kiper nyeŋŋa.

Luk 6:32

«?'Ba ni näk mou mëër ka jø wø mëër ki uuni keerge, agïnaŋø ni beer noo pwøc uuni kipere? Kiper këëlla jø raay kiree wø mëër ka jø wø mëër ki geni.

Jøøn 13:18

A ba cäänö kaperu bëët. Aani moa jiera ŋääa. 'Ba mana no ogöörö thura kare, na en nø, ni ‹Eni na cam møga, aana cääbe ko opunye.›

Jøøn 15:16

Paa uuni na jier aani, 'ba beeye aani na jier uuni, ni kwanya uuni nou cou ni kännu ki nyïëdi, ni tïm nyïëdi mou ni bëëdö. Kiper manøgønø, nee gïn wäro pëënynyu Wuuö ki gø ki nyeŋŋa, nee cïbe jïïu.

Jøøn 6:70

Ni løgi ya Jecu jïge, na «?Aŋø, paa aani na jier uuni ni uuna apaar kurriiø, ni ö acielli røgu ni jït ree ka anägö?»

Jeemeth 4:4

?Nyie, u ni wø kwier luum Jwøk en, kuyu ni ŋat wø näk nyïïawäädi ki piny, mare män ki Jwøk? Kiper manøgønø, ŋat wø many piny nee tïme na nyawatge, wø tïïya ree ni ena nyimän Jwøk.

1 Piter 4:3

Wär yïthu thumge nø ki nïra pöödhö na wara tïïyu gïï wø met yïth juurre ki ge ni wø tïïcge, keda man bëëtge ni geno nieŋ dëët gïï mo patha karge, ni cwïnyge ena køør raay, ki maath, ki wïïrö kwör kwøŋ, ki meeye, ki wøør juu møøk na reyø døc.

1 Jøøn 3:12

ni ba tïmø kaamar Keen, eni na dhaanh ŋata raac na 'näk coki. ?Aperŋø na 'näk gø? Nääe kaper tïïe moe na reyø, ni ö mo coki ni becge.

Mana Nyooth 12:17

Kanyøgø thwörögø awëër ki dhaagø, ni ci kuna këëde ki nyïïkwaac dhaaŋŋøgø møga, jø wø gwøk gïïa cem Jwøki, ni wø køp gïr Jecu.

Mana Nyooth 12:9

Ni ö thwöra dwøŋ ni lëëŋi piny. Ni beeye thwöra cääŋŋe cøøn, na cwøl na anägö ni näk Ceethan, na näk dïcuuy mar piny bäre. Ena lëëŋ piny, ni ö nyïïatwiet maalli moe ni lëëŋi piny ki eni na aciel.