Jøøn 15:16 - Wëël Jwøk

¹⁶ Paa uuni na jier aani, 'ba beeye aani na jier uuni, ni kwanya uuni nou cou ni kännu ki nyïëdi, ni tïm nyïëdi mou ni bëëdö. Kiper manøgønø, nee gïn wäro pëënynyu Wuuö ki gø ki nyeŋŋa, nee cïbe jïïu.

Jøøn 15:16 Iomraidhean Croise

Wïlöölö 18:18

Kiper ka adïëri møn Eeberam tïmö na wï jur mo dwøŋ mo teek, ni bee eni no gwïëth wïth juurre mo bäät piny bëët ki køøre.

Pwöc Leec Wïc 11:30

Nyïëdi mo wø joot jøøa marge beer ki køør tïïe moge, beeye jaath kwøw, ni ŋat mo wïïe leer wø jïtö ki jiy mo thööth.

Aydheea 27:6

'Ba noo tïme na yïth nïrögø, Jeekap tiere okëët piny kaamar jaath mo lweete okëët piny, ni ö eni na Icriel ni lødhe, ni ŋøøe, ni ŋweele, ni pääŋ bäät piny bäre ki nyïëdi.

Mikiya 5:7

'Ba nyïïkwaac Jeekap moo dööŋ, geno bëëdö yïthakic wïth juurre mo thööth, ni ge caala thööy man wø cïp Wuuö Jwøki bäät beel. Ni bëëtge kaamar kuunhnhi mo jwøya beel, ni pädhö marge wala bäŋ pädhö marge ba koor man wø caan jiyi.

Mathiew 21:22

Ni näk mo jïïu da ŋäädhe, gïn wäro pëënynyu ki lam, cøøa jïïu.»

Mathiew 7:7

«Pëëu, ocïp jïïu. Cääu, ojootu. Dööŋu, ojap jïïu.

Luk 6:13

'Ba na tïme na amöölla, bääge acwøle, ni jëëde dïge ki jiy apaar kurriiø, jøøa tïïe na nyïïatwieli.

Jøøn 13:18

A ba cäänö kaperu bëët. Aani moa jiera ŋääa. 'Ba mana no ogöörö thura kare, na en nø, ni ‹Eni na cam møga, aana cääbe ko opunye.›

Jøøn 15:19

Onää uuna mo piny, piny doo mëër ki uuni kiper na nägu moe. 'Ba kiper mana nägu paa mo piny, ni jiera u wøk dï mo piny, beeye na män pinynyi ki uuni.

Jøøn 15:5

Beeye aani na jaath, ni uuna bäät jaath. Ŋat wø bëëdö dëëra, ni bëëda ree beeye wø känni ki nyïëdi mo thööth. Kiper bäŋ gïn mo maaru tïïc ni näk maa tøør.

Jøøn 6:70

Ni løgi ya Jecu jïge, na «?Aŋø, paa aani na jier uuni ni uuna apaar kurriiø, ni ö acielli røgu ni jït ree ka anägö?»

Moa Tïïc Nyïïatwieli 1:24

Ni lämge, ni köge, ni «Wui Wuuö, ï ni wø ŋäc cwïny jøw bëët, nyooth ŋata jierï jïwa dëët jøøi na ariiø ii,

Moa Tïïc Nyïïatwieli 1:8

'Ba uuno jïti ki teek kanyo ö Jwïëc Jwøki na en kur keere bäätu, ni tïmu ni uuna lïŋŋe 'moa yi Jerucalem, ki yi Judia bäre, ki Cameria, këël yi piny bäre.»

Moa Tïïc Nyïïatwieli 10:41

'Ba paa jï jiy bëët, 'ba beeye waani na näk ojier Jwøki na lïŋŋe, wa na cämö ni mäthwa ki eni køør duunne wøk ki yi thøø.

Moa Tïïc Nyïïatwieli 22:14

Ni kööe, ‹Jwø kwäyø ïïna jiere ki man ŋäyï mana manynye, ni neenï ŋata mare beer, ni wïnynyï dwøl mana öö ki dhee.

Moa Tïïc Nyïïatwieli 9:15

'Ba Wuuö aköö jïre, ni «Ciï, kiper eni yaa jierø na gïr tïïc mara, nee nyeŋŋa kääre dï juurre ki nyeye ki dï wäät Icriel.

Wëëlö Mana Göör Pøølli Baŋ Jø Röm 1:13

Jaay, nyïïmera, a caya uuni man ŋäyu gø na a wø caya man ööa baŋu cooth, 'ba a poot di gëëŋŋö. 'Ba gïna daa ö baŋu kipere beeye kiper nee luum Jwøk thur kare dïïu, kaawat mana kwøŋa tïïc dï juurre møga.

Wëëlö Mana Göör Pøølli Baŋ Jø Röm 1:5

ŋata jïtwa ki met ec ki køøre ki twiel man tïïcwa jiy nee jïëcge ni ŋääthge, nee nyeŋŋe tïme ni wïnyö dï juurre bëët,

Wëëlö Mana Göör Pøølli Baŋ Jø Röm 15:4

Kiper gïïa kwøŋ göör nïr acääŋŋe, göör kaper nee ø pwönyge, nee ø jïtö ki ŋäädhe ki køør tëënnö ki cøm cwïny man wø joodø yïth weet Jwøk.

Wëëlö Mana Göör Pøølli Baŋ Jø Röm 9:21

?Aŋø, dïcwäc dääe jïre bäŋ teek bäät odhöönh mo ee göölö ki man cwääe ki dääe ariiø ro odhöönhögø na aciel enø? ?Na aciel ee kadø ni mïërö, ni maya ee cwääö na mar tïïc?

1 Körin 10:11

'Ba gïïögø atägö dëëtge na nyuuthe mo köömma geni, ni gööri piny kiper nee ø pwönyge, ø ni bëëdö ni karø cään en ki kanyo cuŋ pinynyi yie.

Galeecia 1:15

'Ba eni na cïp aani kur keera naa poot kär nywølø, na cwøl aani ki met ec mare,

Epeca 2:10

Kiper øøna gïïa tïïe, ni cwääc ka ri Krictø Jecu kiper tïïe moa beyø, moa näk ojiiŋ Jwøki cøøn, nee ø bëëdø ni ø tïïya geni.

Köløcia 1:23

ni näk mou puta bëëtö ri ŋäädhe man nou ba dääŋi, ni putu bëëtö nou teek, ni ba weyu gïna ŋääthu ri luumma nyään na met na wïnynyu. Ni luummögø beeye mana køp jï moa näk ocwääö bëët dï piny bäre, ni put aani tïïc ni aana ŋat tïï gø, a na Pøøl en.

Köløcia 1:6

na ö baŋu, kaawat mana keethe møn yi piny bäre ni känne ki nyïëdi ni nyaae, kaawat mana tïïc dïïu thuwø dïcäŋa wïnynyu gø yie, ni kwanynyu tier met yi Jwøk ka adïëri,

1 Timöthi 2:7

Ni beeye gïna jier aani kipere, naa tïma naa køpa luum Jwøk, ni näga nyïïatwiel, ni aana dïpööy jï juurre, ki man pwönynya geni ki ŋäädhe ka adïëri. 'Ba a caana adïëri, naa ba caan tööt.

2 Timöthi 1:11

Ni beeye luummögø na nyään na met na kwany aani kiper nee køba, ni aana nyïïatwiel ni näga dïpööy.

2 Timöthi 2:2

'Ba mana wïnynyï baŋa buut jøøa thööth na wïny gø, wär wëëk jiy mo iï ŋäädhö mo maara lønyø jïge ki man pwönyge jiy møøk thuwø.

Tayta 1:5

'Ba gïna wiia ïïni Kariit kipere, beeye kiper nee gïïa näk ogwäyö dwøgï karge, ni kwänyï ki jaae kiper acook Jwøk yïth päänye bëët, kaawat mana caana gø jïrï,

Ibaru 11:4

Ni beeye ŋäädhe, na ö Eebelli na cïp olämi mana tïmö ni beerra eni jï Jwøk ki mar Keen, ni beeye na jïëc eni ni eni beer ki køøre, kanya ö Jwøki na jïëe ko olämme moa cïbe. 'Ba këël na thøøe, eni poot luubö ki køør ŋäädhe mare.

Jeemeth 3:18

'Ba jø wø many bëët-mëër, köödhi mo wø piithge ki mëër wø kännö ki bëënynyö.

1 Piter 3:15

'Ba wøørru Krictø ki cwïnynyu, ni beeye Kwäärö. 'Ba cooth bëëdu ni dëëtu you jiiø ki man dwøgu luubö jï ŋat wäro pëëny uuni kiper ŋäädhe manø ni en cwïnynyu enø. 'Ba wär dwøgu jïre nou mwöl ni you wøørø.

1 Piter 3:2

kiper mana neenge bëëtö maru ni beer nou lwäär.

1 Jøøn 4:10

'Ba mëër beeye en, ni patha øøni na mëër ki Jwøk, 'ba beeye eni na mëër ki øøni ni jääŋ Wääde nee tïme no olämi kiper raay moø.

1 Jøøn 4:19

Ø mëër kaper na kwøŋ mëër ki øøni.