Jøøn 15:15 - Wëël Jwøk

¹⁵ U ba cwøla ni uuna laaŋe këët. Kiper laŋŋø gïn wø tïïc kwääye kuue. 'Ba uuna cwøla ni uuna nyïïawääta, kiper jammi bëët moa wïnynya baŋ Wära anyoodha jïïu.

Jøøn 15:15 Iomraidhean Croise

Pwöc Leec Wïc 18:24

Da jiy mo manynya køør nyïïawäädi mo thööth, ni ge wø pätha yi ränynyö, 'ba da teeŋ nyawat mo gööga ri dhaanhø døc ni kaala cöögö.

Amøc 3:7

Kiper Wuuö Jwøk bäŋ gïn mo tïïe jaak ni gïna näk ee cooŋø ki cwïnye käre caanø jï laaŋe na näk nyïïkuk moe.

Mathiew 13:11

Ni dwøk gø jïge, ni «Beeye uuni na wëëk ŋäc tiet luup moa näk tietge okwøŋ kan kiper buya käl maal. 'Ba jø møga, tier gïnögø kär cïbö jïge nee ŋäcge.

Luk 10:23

'Ba kanyøgøøni Jecu aluk baŋ bääge, ni cään ge keerge, ni kööe, ni «Gwïëth en røk nyeŋ wø neen gïï wø neennu.

Jøøn 12:26

'Ba ni näk da ŋat mo tïnynya aani, wär eni caath køøra. Ni kanyo ena yie, beeye kanyo en ŋat wø tïny aani yie thuwø. 'Ba ni näk da ŋat mo tïnynya aani, eno røøny Wära.

Jøøn 13:16

Adïëri møn, a caana gø jïïu, ni ŋat tïïc ba dwøŋŋa eni ki kwääye, wala eni na jääŋŋi ba dwøŋŋa eni ki ŋata jääŋ gø.

Jøøn 15:20

Kär wïthu wïl ki luumma caana jïïu, ni ‹Laŋŋø ba dwøŋŋa eni ki kwääye.› Ni näk maa ege caannø, uuno caange thuwø. 'Ba ni näk luumma ege gwøø, luummu ogwøkge thuwø.

Jøøn 16:12

«'Ba jïra poot da luup mo thööth mo daa caanø jïïu. 'Ba ba maar lønyø jïïu ki man wïnynyu gø kawaane.

Jøøn 17:26

Nyeŋŋï anyoodha jïge, 'ba cäŋa ka nyoothø, kiper nee mëër mana mëërï ki aani ki gø, nee tïme ni ena cwïnyge, ni ena rege.»

Jøøn 20:17

'Ba Jecu aköö jïre, «A kär gäämï, kiper a poot kär ci baŋ Wuuö. 'Ba ci baŋ nyïïmera ni caanï gø jïge, na ‹A cøøa baŋ Wära ni näk Wääu, ni beeye Jwøa ni näk Jwøu.› »

Jøøn 4:19

'Ba dhaagø aköö jïre, «Kwäärö, ajooda ni ïïna nyikuŋ Jwøk.

Jøøn 8:26

Aani jïra da luup mo thööth mo caana caanø kiperu, ki mo thööth mo ŋøla piny. 'Ba eni na jääŋ aani beeye adïëri, ni luup moa wïnynya baŋe beeye ni wø caana jï jø piny.»

Moa Tïïc Nyïïatwieli 20:27

Kiper a kär lwäyö ki man caana luup Jwøk bëët jïïu.

Wëëlö Mana Göör Pøølli Baŋ Jø Röm 7:15

Ni gïna tïïa gïï kipere kuua. Kiper a bäŋ wø tïïc gïna daa tïïö, 'ba beeye gïna mäna ki gø kiree ni wø tïïa.

1 Körin 2:16

?Kiper «Aŋa ni wø ŋäc moa en cwïny Wuuö Jwøk nee eni nyuunhnhe?» 'Ba beeye øøni na wëëk moa en cwïny Krictø.

Galeecia 4:6

'Ba kiper mana näk uuna wääte, Jwøk Jwïëc Wääde ajääŋŋe yïth cwïnynyø, ni wø jwöŋi na «Abba, Awuuö.»

Epeca 1:9

'Ba mana manynye na näk ee kwøŋ kan anyuth øøni, kaawat mana kwøŋ gø cooŋ ki cwïnye ni tïïe ka ri Krictø.

Epeca 3:5

gïna näk kär kwøŋ wëëk ŋäc jï jiy yïth beenhnhe moa cääŋŋe, keda mana nyoodhi ennø jï nyïïatwiete na en kur keerge ki nyïïkuk Jwøk ki køør Jwïëc Jwøk.

Köløcia 1:26

luumma näk tiere okwøŋ kan cøøn yïth beenhnhe moa pöödhö, 'ba kawaane anyooth jï jiye.

Piliman 1:16

ni ba bëëdö kaamar laŋŋø këët, 'ba tïmö na cöögö ni wø mëërö ki gø, ni beeye gïna beerra eni. Ni ena coka møn maa mëër ki gø, 'ba kadha marï røk, kiper ena dhaanhnhï, ni beeye cöögu ki ri Wuuö.

Jeemeth 1:1

Aana Jeemeth na laŋ Jwøk ki Kwäärö ma Jecu Krictø. A määtha uuni na tuŋi apaar kurriiø, u no okeethø dï piny.

Jeemeth 2:23

Ni ö wëël Jwøki ni thur kare, ni wø caan, ni «Eeberam Jwøk aŋäädhe, ni ö Wuuö Jwøki ni jïëc Eeberam ni ena dhaanhø mo beer ki køør ŋäädhe mare.» Ni cwøli ni ena nyawat Jwøki.

1 Piter 1:11

Ni pëëge na a teeŋ dhaanhø mo nyïëdi, wala a cäŋa ŋø na cään Jwïëc Krictø na en cwïnyge kiper gø, kanya køpge gïïa leth moo jwør Krictø, ka ajiem mano joode cään.

2 Piter 1:1

Aana Cayman Piter na laŋŋø na nyïïatwiel Jecu Krictø, a määtha uuni, u na wëëk ŋäädhe mo röömi ki marwa ki ri beeny Jwøk marø, ge ki Pïëmi ma Jecu Krictø.

Juut 1:1

Aana Juut cöök Jeemeth, ni aana laŋ Jecu Krictø. A määtha uuni na cwøl, na näk jø wø mëër Jwøki ki geni na näk Wuuö, u na näk ogwøø kiper Jecu Krictø.

Mana Nyooth 1:1

Wëëlö man caana luup gïna nyooth Jecu Krictø, na wëëk Jwøki eni, nee gïïo laar tägö nee nyoodhe jï laage. Ni nyoodhe ka dhi nyïïatwiel maal mare na jääŋŋe baŋ laŋŋe ma Jøøn,