Jøøn 15:12 - Wëël Jwøk

¹² «Man beeye dwøra, ni mëërru ki røgu keda mana mëëra ki uuni.

Jøøn 15:12 Iomraidhean Croise

Milkiya 1:2

Wuuö Jwøk aköö, ni «Aana bëëdö naa mëër ki uuni.» 'Ba uuna köö, ni «?Mëër marï iï nyoodhø jïwa nidïï?» Ni kö Wuuö Jwøki, na «?Aŋø, Icøø paa cöök Jeekapi? 'Ba aana bëëdö naa mëër ki Jeekap,

Jøøn 13:34

'Ba a wëëga uuni ciik mo nyään, ni mëërru ki røgu, keda mana mëëra ki uuni, kiper nou tïmu nou mëër ki røgu thuwø.

Jøøn 15:17

Man beeye ni caana jïïu en, ni ‹Mëërru ki røgu.›

Wëëlö Mana Göör Pøølli Baŋ Jø Röm 12:10

Ŋati man nø mëëre ki wati maya ki mëër man wø mëër nyïïmëëe ki gø. Ni ö ŋati man nø ni laar wödö wëëk wati maya.

Epeca 5:2

Ni caathu jöör mëër, kaamar Krictø na mëër ki øøni ni cïp dëëre kiperø na jëëdhi mo ŋwääö ni met no olämi man wø 'näk jï Jwøk.

1 Thecalönika 3:12

'Ba Wuuö mëëyu omeede ni tïme ni päl ni mëërru ki røgu, ki jiy bëët, kaawat mana mëërwa ki uuni.

1 Thecalönika 4:9

'Ba kiper mëër man mëërru ki nyïïmëëe, u ba many ŋat göön baŋu kipere, kiper u ki dëëtu, uuna pwöny Jwøki ki man mëërru ki røgu.

2 Thecalönika 1:3

'Ba nyïïmera, met ec marwa ba maarwa wec ki man dwøkwa gø jï Jwøk cooth kiperu, ni beeye mana beer ki man tïïcwa gø, kiper mana tïm ŋäädhe maru ni päl, ni ö mëërri maru mana mëërru ki røgu ni meet ree.

1 Piter 1:22

'Ba na tïme ni cwïnynyu you døøc mo tar kiper mana leŋŋu adïëri ni jït cwïnynyu ki mëëc nyïïmëëe ma adïëri, putu bëëtö nou mëër ki røgu ki cwïnynyu bäre.

1 Piter 3:8

'Ba luubö mana dööŋ keere nø, uuni bëët, beerra man dwallu cwïnynyu na aciel, ni bëëdu ni cwïnynyu jööt, ni mëërru ki nyïïmëëe, ni cwïnynyu lïëth ki køny, nou bëëdö nou mwöl.

1 Piter 4:8

'Ba dï japøgø bëët, ŋäyu mëër man mëërru ki røgu cooth, kiper mëër beeye wø gëëŋ raay mo thööth.

1 Jøøn 3:23

'Ba gïna ceme beeye en, ni jïëø ki nyeŋ Wääde ma Jecu Krictø, ni mëërø ki røgø keda mana kööm øøni.

1 Jøøn 4:21

'Ba man en beeye dwøl mana jootwa baŋe, ni ŋat wø mëër ki Jwøk, doo mëër ki coki thuwø.

2 Jøøn 1:5

'Ba kawaane a kwaya ïïni, ï na dhaagø, ni paa naa gööra dwøl mo nyään baŋï, 'ba beeye mana en jïïø cøøn, ni mëërø ki røgø.