Jøøn 15:11 - Wëël Jwøk

¹¹ Moi bëët a caana jïïu, kiper nee met ec mara bëëde cwïnynyu, ni ö met eci maru ni kadhe.

Jøøn 15:11 Iomraidhean Croise

Aydheea 53:11

Wuuö Jwøk aköö, ni «Køør gïïa jwøre ki cwïnye, yie omïnni kanyo joot gïno beer. Eni na dhaanhnha na mare beer, ki køør leec wïc mare, jiy mo thööth ojïëe ni marge beer ki køør mana käär raay moge.

Aydheea 62:4

Køør man ï ba cwøl këët ni ïïna pääny mo okwierø, ni bäŋ ŋat mo köö këët ni ŋöömö marï bäŋ gïrpiny yie. 'Ba ïïno cwøl Wuuö Jwøki ni Dhaaŋŋa Met Yia Ki Gø, ni ö eni ni cwøl nyeŋ ŋöömö marï ni Dhaaŋŋa Nywøma; kiper Wuuö Jwøk yie met ki ïïni; eno mëëyi ki ŋöömö marï kaawat man wø nywøm dhaagø.

Jeremaya 32:41

Aani, a bëëdö ni yia met ki geni naa tïïya gïn mo beer jïge, ni këëlla tietge piny døøc yi ŋöömmi en, ni tïïa ki cwïnya bäre ki jwïëya bäre.

Jeremaya 33:9

Køøre nyeŋŋa tïmö ni wïnyö, ni jïta ki met ec ki pwøc, ka ajiem ki køør pääny man nyïm wïth juurre bëët mo bäät piny, moo wïny gïïa beyø bëët moo tïïa kiper jø pääny man, ni thäŋ yïthge ni rïïŋ dëëtge kiper bëët bëënynyö ki bëët mëër mano tïïa kiper pääny man.

Jepaniya 3:17

Wuuö Jwøk, Jwøk marï, nut buutï; ena ŋat leny mo teek man wø böödö. Eni yie omïnni ki ïïni ki met ec mo dwøŋ, ni wëëk ïïni nikïïl yi mëër mare; yie mïnnö bäätï ni kwöŋŋe ki met ec.»

Luk 15:23

Ni kälu rwaadha näk olør, ni 'nägu gø, nee ø cämø ni mïn yïthø.

Luk 15:32

'Ba beeye gïn ma wøp ki man kwäägø ni mïn yïthø, kiper coku man en athøw, 'ba acäŋ kwøwø. Ni rwäänye, ni cäŋi jootø.› »

Luk 15:5

'Ba noo joot gø, tïŋe ŋute ni yie met.

Luk 15:9

'Ba kanyo joot gø, nyïïawääte cwøle cwølø bëët ki jø wø en buut paare, ni kööe, ni ‹Yïthu mïnge ki aani na aciel, kiper gwella rwäänyö dëëra, ajooda.›

Jøøn 16:24

'Ba kawaane poot bäŋ gïn mo you pëënynyö ki nyeŋŋa. Pëëu, ocïp jïïu, nee met ec maru kääthe.

Jøøn 16:33

Man en a caana jïïu, nee bëët-mëër nee jootu baŋa. Uuni, gïï mo leth ojwørru yi pinyi en. 'Ba magu cwïnynyu, kiper piny yaa nø böötö.»

Jøøn 17:13

'Ba kawaane a ööa baŋï, naa caana gïï ii kany pooda naa ena piny, nee met ec mara thur kare jïge.

Jøøn 3:29

'Ba ŋat wø nyöömmi beeye na wää dhaagø thiinh. 'Ba lwöm wää nywömmi ni wø cuŋŋi ni wïnynya mare, yie wø mïnnö døc kany wø wïny dwør wää nywömmi. Ni beeye na mïn yia døøc kawaane.

Wëëlö Mana Göör Pøølli Baŋ Jø Röm 15:13

'Ba Jwøk ni wø cïp ŋäädhe, cwïnynyu opääŋe ki met ec mo päl ki mëër ki køør mana jïëyu, kiper nee ŋäädhe maru pälle ki køør teek Jwïëc Jwøk na en kur keere.

2 Körin 1:24

Ni patha ni ŋäädhe maru bëënna waani, 'ba marwa tïïc ki uuni na aciel nee yïthu mïnge, kiper u cuŋŋi nou teek ki ri ŋäädhe maru.

Epeca 5:18

Käru meeyø ki kwøŋ, kiper beeye wø käl bëëtö mo raac, 'ba cwïnynyu päŋge ki Jwïëc Jwøk,

Pilipay 1:25

'Ba gïnögø ŋääa døc, ni ŋääa ni aano ruu naa bëëdö dïïu, kiper nou tëënnu, nee yïthu mïnge ri ŋäädhe man,

1 Thecalönika 5:16

Yïthu mïnge ki yïth nïne bëët.

1 Piter 1:8

'Ba u mëër ki eni, këël na käru gø neenø, ni jïëyu ni ŋääthu eni, këël na ba neennu gø, ni mïn yïthu ki met ec mo päl døc mo ba løny ki par.

1 Jøøn 1:4

Ni luupi ii göörwa kaper nee met cwïny marwa thur kare.

2 Jøøn 1:12

'Ba këël na dee luup mo thööth mo gööra baŋu, a ba many man gööra gø yi warakata ki peen, 'ba yaa ŋäädhö naa ööa kuna neena uuni, ni cäänø ni ø raŋŋa nyeŋŋø, kiper nee met ec marø thur kare.