Jøøn 15:10 - Wëël Jwøk

¹⁰ 'Ba ni näk luupa you gwøø, uuno bëëdö ni mëëya ena bäätu, keda mana gwøa luup Wära ni bëët mëëye bääta.

Jøøn 15:10 Iomraidhean Croise

2 Camiel 22:22

Kiper aana bëëdö ni luupï yaa gwøø, ï na Wuuö Jwøk; ni bäŋ gïn mo raac mo yaa tïïö mo pää aani ki ïïni, ï na Jwøa;

2 Nyeye 18:6

Kiper ena bëëdö ni eno göök ri Wuuö Jwøk, ni køør Wuuö Jwøk ba wiie ki caath, ni bëëde ni gwøga ciik Wuuö Jwøk moa ö Wuuö Jwøki na kööm Modhe ki ge.

Bwøth Wøk 7:6

Ni ö Modhe ka Aran ni tïïcge gø kaawat mana caani ya Wuuö Jwøki jïge, ni putge gïnögø tïïc møn.

Aydheea 50:5

Kwäärö Wuuö Jwøk ïtha ajabe, ni kära kweer ki man wïnynya luumme, naa kär døø ŋääa.

Jøøn 10:18

Ni bäŋ dhaanhø mo doo käl gø wøk cera, 'ba cïpa a keera ki wïïa. Jïra da teek ki man cïba gø, ki teek man cäŋa gø lwørrø. 'Ba luummögø jooda baŋ Wära.»

Jøøn 12:49

Kiper aani, a ba caan luup mo käla wïïa, a keera. 'Ba Wuuö ki dëëre na jääŋ aani beeye na cïp luubö mano caana ki mano looba.

Jøøn 14:15

«Ni näk mou mëër ki aani, luupa dou gwøø.

Jøøn 14:21

'Ba ŋat wø ŋäc luupa ni gwøk geni beeye ŋat wø mëër ki aani. 'Ba ŋat wø mëër ki aani, Wära omëëyi ki gø, ni ööa ni mëëya ki eni ni nyoodha raa jïre.»

Jøøn 14:23

Ni løgi ya Jecu jïre, ni «Ni näk mo dhaanhø mëër ki aani, luumma gwøe gwøø, ni ö Wära ni mëëye ki gø, ni öwa baŋe ni bëëtwa ki eni na aciel.

Jøøn 14:31

'Ba a tïïya mana caan Wära jïra, kiper nee ŋäc jø pinynyi naa mëër ki Wuuö. Ööu, cøø aa.»

Jøøn 17:4

Ïïna jiema piny ni thööra tïïc mana cïpï jïra nee tïïa.

Jøøn 4:34

Ni kö Jecu jïge, ni «Cam mara beeye ki man tïïa mana many Ŋata jääŋ aani ni thööra tïïc mare.

Jøøn 8:29

'Ba eni na jääŋ aani, ena buuta. Naa käre wiiø a keera, kiper a wø tïïya gïï wø mïn yie ki ge cooth.»

Jøøn 8:55

'Ba eni kuyu. 'Ba aani, eni ŋääa. Onää yaa caanø, ni eni kuua, a doo tïmö ni aana twöt kaawat maru. 'Ba aani eni ŋääa, ni luumme yaa gwøø.

1 Körin 7:19

Kiper daŋ wala bäŋ daŋ bäŋ gïn tïïcge, 'ba beeye gwøk luup moa cem Jwøki keerge.

1 Thecalönika 4:1

'Ba nyïïmera, mana dööŋ keere nø, wa kwaya uuni ni wa köömma uuni ki ri Kwäärö ma Jecu, nou bëëdu ki bëëtö mana dou bëëdö ki gøøni, ni tïïyu gïïa met yi Jwøki ki ge, kaawat mana kwanynyu gø baŋwa. Ni putu gø tïïc ni cäätha nyïm kaawat man tïïyu gø enøgø.

Ibaru 7:26

Kiper teeŋ Kwääy Lam Mo Dwøŋ ma enøgønø, orømø ki can marø, ŋata en kur keere, ni bäŋ ajäla dëëre, ni bäŋ gïn mo jøøŋŋi ree, ni ba en dï jø raay, no orøønyø ni dwøŋŋa eni maalø bäre.

2 Piter 2:21

Kiper doo naa beerra eni ki mana ba dege jöör adïëri kwanyø ki man cäŋge døø ŋäthge ni wecge ciik mana en kur keere na näk mar Jwøk na käl baŋge.

1 Jøøn 2:3

Ni näk luup moa cem Jwøki yøø gwøø, beeye noo ŋääø gø ni eni ŋääø.

1 Jøøn 2:5

'Ba ŋat wø gwøk luumme, ŋatøca mëëc Jwøk othur kare cwïnye na adïëri. Ni beeye gïnögø noo ŋääø gø ni ø ena dëëre.

1 Jøøn 2:6

'Ba ŋat wø köö ni eni bëëdö ree doo cäädhö ki jööra cääth Jecu ki yie.

1 Jøøn 5:3

'Ba mëër ki Jwøk beeye ki man gwøø gïïa ceme. Ni gïïa ceme dhaanhø ba ööle.

Mana Nyooth 22:14

«Gwïëth en jï jø wø penya abïïkge, kiper nee marge beere ri jaadha näk jaath kwøw, ni dønyge yi paanøgø ki dhøk kiir.