Jøøn 14:7 - Wëël Jwøk

⁷ Onää a ŋäyu, Wära dou ŋääö thuwø. 'Ba køør man ennø, tïme ni ŋäyu, ni you nø neen.»

Jøøn 14:7 Iomraidhean Croise

Mathiew 11:27

«Jammi bëët onø wëëk Wära aani; ni bäŋ ŋat mo ŋäc Wäädö, 'ba beeye Wuuö keere, ni bäŋe dhaanhø mo ŋäc Wuuö, 'ba beeye Wäädö keere, ki ŋat wø met yi Wäädö ki man nyooth eni jïgø.

Luk 10:22

«Jammi bëët onø wëëk Wära aani, ni bäŋ ŋat mo ŋäc Wäädö, 'ba beeye Wuuö keere, ni bäŋe dhaanhø mo ŋäc Wuuö, 'ba beeye Wäädö keere, ki ŋat wø met yi Wäädö ki man nyooth eni jïgø.»

Jøøn 1:18

Bäŋ dhaanhø aciel mo Jwøk ee neenø, 'ba beeye Wäädö mana näk acielø jï Jwøk na en kö Wuuö na nyooth gøøni.

Jøøn 15:24

Onää a kär öö ni tïïa dïge ki tïïe mo ba doo løny ki man tïïyi ya ŋat mørri jaak, dëëtge doo bäŋ ajäla. 'Ba kawaane aana neenge ni mänge ki aani ki Wära bëët.

Jøøn 16:3

'Ba gïnögø otïïcge kiper na kucge Wuuö ki aani bëët.

Jøøn 17:21

kiper nee tïmge na aciel bëët, kaawat ïïni na Wuuö ni en raa en, ni ena riï, nee tïmge thuwø ni ge ena røgø, kiper nee jø piny jïëcge naa jääŋŋa ïïni.

Jøøn 17:23

ni ena rege, ni enï raa, nee dwätö marge thur kare ni gena aciel, kiper nee ŋäc jø pinynyi naa jääŋŋa ïïni, niï mëër ki geni kaawat mana mëërï ki aani.

Jøøn 17:26

Nyeŋŋï anyoodha jïge, 'ba cäŋa ka nyoothø, kiper nee mëër mana mëërï ki aani ki gø, nee tïme ni ena cwïnyge, ni ena rege.»

Jøøn 17:3

Ni man en beeye kwøw mana näk adïëri mo bäŋ cuŋŋe, niï ŋäcge, ï na näk Jwøk mana näk adïëri keere, ki Jecu Krictø na jääŋŋï.

Jøøn 17:6

«Aani nyeŋŋï anyoodha jï jøøa cïpï jïra ri jø piny. Gena moï, ni cïpï ge jïra, ni luummï ege gwøø.

Jøøn 17:8

Kiper luup moa cïpï jïra, acaana jïge, ni jïëcge ge, ni ŋäcge na adïëri naa käla baŋï. Ni jïëcge naa jääŋŋa ïïni.

Jøøn 6:46

Bäŋ dhaanhø mo Wuuö ee neenø, 'ba beeye eni na käl baŋ Jwøk keere, na neen Wuuö.

Jøøn 8:19

'Ba kanyøgø, gena köö jïre, «?Aŋø, wäru, age eni?» Ni løgi ya Jecu, «Uuni, a kuyu, ni kuyu Wära thuwø. Onää a ŋäyu, Wära dou ŋääö thuwø.»

2 Körin 4:6

Kiper beeye Jwøk na köö, ni «Tar rienye yi muudhö,» na wëëk tar rieny yïth cwïnynyø, nee tay ajiem Jwøk ni en täärnyïm Krictø wëëk ŋäc.

Ibaru 1:3

ŋata joot ajiem Jwøk dëëre, ni kït Jwøk kiree ena dëëre, ŋata bëën jammi bëët ki dwøre na teek. 'Ba eni, kanya nø wëën ajäl raay, ena pï piny bäät cwïï Kwääya dwøŋ ni en maalø.

1 Jøøn 2:13

Naa göönna baŋu, u na wëëe, kiper na ŋäyu eni na nut cøøn. Naa göönna baŋu, u na wøpe, kiper na böötu ŋata raac. Naa göönna baŋu, u no obwöre, kiper na ŋäyu Wuuö.