Jøøn 14:26 - Wëël Jwøk

²⁶ 'Ba Dïkunyi na näk Jwïëc Jwøk na en kur keere, ŋato jääŋ Wuue ki nyeŋŋa, uuno pwönynye ki jammi bëët, ni par wïthu ki jammi bëët moa kwøŋa caan jïïu.

Jøøn 14:26 Iomraidhean Croise

Aydheea 54:13

Wäätï bëët geno kwänynyi baŋ Wuuö Jwøk; ni jït obwöre moï ki bëët-mëër mo dwøŋ.

Aydheea 63:10

'Ba gena tïmö ni ge tïïya ageem, ni raanyge cwïny Jwïëy moe na en kur keere. Kiper manøgønø, Wuuö Jwøk ŋääe aløøe ni tïme na nyimän marge, ni ö eni ki dëëre ni këëde ki geni.

Mathiew 1:18

'Ba lwaar mana lwaarø ki Jecu Krictø ki gø, na täge, tägi na ennø nø. Menni ma Meeri onø miek jï Jocep nee nywøme. 'Ba kanya poode ni dëëtge poot kärge joodø, ena joot ni yie da dhaanhø mo cïpa Jwïëc Jwøki na en kur keere.

Mathiew 1:20

'Ba kanya bëëde ni lääŋŋa gïnögø, nyïïatwiel maal mar Wuuö aö bääte ki yïth lääk, ni kööe, ni «Jocep nyikwaar Deebit, kärï lwäyö ki man lwørï cïïï ma Meeri, kiper gïnö ni en yie enøgø, cïpa Jwïëc Jwøki na en kur keere.

Mathiew 28:19

Kiper manøgønø, cou ni tïïyu wïth juurre mo bäät piny bëët na bääŋi 'moa, ni lwøgu geni na nyuudhi ki nyeŋ Wuuö, ki Wäädö, ki Jwïëc Jwøk na en kur keere.

Mathiew 3:11

«Aani, dëëtu lwøa ka pïï na nyuudhi kiper løk cwïny, 'ba ŋato ööi køøra dwøŋŋa eni ki aani, ni këël wac tiete kiree a ba rømi ki man käära ge ki cera. Eni uuno lwøe na nyuudhi ki Jwïëc Jwøk na en kur keere ki maac.

Maak 12:36

Kiper Deebit ki dëëre ena cäänö ki køør mana nyooth Jwïëc Jwøki na en kur keere, ni kööe, «ni ‹Wuuö Jwøk aköö jï Kwääya, ni «Pï bäät cwïïa, këël mano cïba nyïïmännï tietï.» ›

Maak 13:11

'Ba kanyo makge uuni ni kïthge uuni kar løøk, kär dee gïn lääŋŋu kiper gïno caannu. 'Ba wäru caannu gïno wëëk u kanyøca, kiper paa uuni noo cäänö, 'ba beeye Jwïëc Jwøk na en kur keere.

Luk 1:15

Kiper eno tïmö na ŋat mo dwøŋ nyïm Wuuö Jwøk, ni eni ba mädhö ki køøŋ nyïïomøki wala køøŋø mo keec. 'Ba eno bëëdö ni päŋ ki Jwïëc Jwøk na en kur keere, ki mano täge ni ena yi menni.

Luk 1:35

Ni kö nyïïatwiel maalli jïgø, ni «Jwïëc Jwøk na en kur keere öö bäätï, ni ö teek Jwøa Dwøŋ ni en Maal ni rïëp ïïni. Kiper manøgønø, nyilaaro lwaarø ki gø, ocwøl ni ena kur keere na O Jwøk.

Luk 1:41

'Ba na ö Ilidhabethi na wïny määdhe mar Meeri, nyilaal apäär maal yi gø. Ni ö Ilidhabethi ni pääŋe ki Jwïëc Jwøk na en kur keere.

Luk 1:67

Ni ö wänni ma Dhekaraya ni päŋe ki Jwïëc Jwøk na en kur keere, ni caan luumma nyooth Jwøki jïre, ni kööe,

Luk 11:13

?'Ba ni näk u na näk jø raay muuö ŋäyu ki man cïpu ki muuce mo beyø jï nyïïu, a Wääu ni en maal nø, okääŋe nidïï ki man cïp Jwïëc Jwøk na en kur keere jï jø wø pëëny eni?»

Luk 2:25

'Ba kanyøca da ŋat mo ena yi Jerucalem mo nyeŋŋe cwøl ni Cimien. 'Ba ena dhaanhø mo beer ni cwïnye ena køør Jwøk, ni bëëde ni køya ŋato cøm cwïny jø Icriel. Ni Jwïëc Jwøk na en kur keere ena bääte.

Luk 24:49

'Ba kawaane, a wëëga gïna buuk Wära uuni. 'Ba bëëdu paani, këël mano jïtu ki teek mano ööi ki maal.»

Luk 3:22

ni ö Jwïëc Jwøki na en kur keere ni ö bääte ki maal ki dëël mo caala dëër akuuru, ni put dwølli ö ki maal, mo köö, ni «Ïïna Wääda na mëëra ki gø, na met yia ki marï.»

Jøøn 1:33

'Ba aani ki dëëra eni kuua. 'Ba eni na jääŋ aani kuna lööa ki pïï na nyuudhi beeye na caan gø jïra, ni ‹Ŋato jootï Jwïëc Jwøk ni öö ni pïïa bääte ni bëëde, beeye ŋato löö ki Jwïëc Jwøk na en kur keere.›

Jøøn 12:16

'Ba dïkwøŋ tier luummögø kär ci cwïny bääge ni beer. 'Ba na jït Jecu ka ajiem, wïthge aputge par ni gïïa näk ogöörö kipere athur karge.

Jøøn 14:16

'Ba Wuuö okwaa, ni mooc uuni ki Dïkunyi mør, nee bëëde ki uuni na bäre bäre,

Jøøn 14:25

«Moøgø bëët acaana jïïu, kany pooda naa bëëdö ka uuni en.

Jøøn 15:26

'Ba kanyo ö Dïkunyi mano jääŋŋa baŋu ki buut Wuuö, na näk beeye Jwïëc Jwøk ni wø cïp adïëri, noo ööi ki baŋ Wuuö, gïra okøbe.

Jøøn 16:7

'Ba kawaane a cäänna uuni ka adïëri, ni doo beerra eni jïïu ki man aa. Kiper ni näk maa ba aay, Dïkunyi ba ö baŋu. 'Ba ni näk maa aay, eni ojääŋŋa baŋu.

Jøøn 2:22

Kiper manøgønø, kanya tïŋi maal ki yi thøø, bääge wïthge aputge caar, ni luummögø akwøŋ caan, ni jïëcge ki luup moa no ogöörö, ki luup moa caan Jecu.

Jøøn 20:22

'Ba na lønye ki caan gïnögø, ena jwïëy bäätge ki jamø, ni kööe jïge, ni «Jwïëc Jwøk na en kur keere jïëyu nee ci dëëtu.

Jøøn 6:45

'Ba ogöörö yïth luup nyïïkuk Jwøk, ni ‹Geno pwöny Jwøki bëët.› 'Ba jiy bëët mo wø wïny dwør Wuuö ni kwanyge tier gø, ge ööa baŋa.

Jøøn 7:39

'Ba luummögøøni caane kaper Jwïëc Jwøk mano ö bäät jøw ojïëy ki eni ni ŋääthge gø. Kiper kar kaaca Jwïëc Jwøk poot kär cïbö, kiper na poot Jecu ni poot kär jïtö ka ajiem.

Moa Tïïc Nyïïatwieli 1:2

gøøc dïcäŋa lwøri na kïthi maal, køør mana kööm nyïïatwieli moe ki ri Jwïëc Jwøk na en kur keere, jøøa näk ee jierø.

Moa Tïïc Nyïïatwieli 1:4

'Ba eni kanya bëëde ki geni, gena köömme, ni kööe, ni «Käru aay yi Jerucalem, 'ba koorru gïna buuk Wära, kaawat mana wïnynyu gø baŋa,

Moa Tïïc Nyïïatwieli 1:8

'Ba uuno jïti ki teek kanyo ö Jwïëc Jwøki na en kur keere bäätu, ni tïmu ni uuna lïŋŋe 'moa yi Jerucalem, ki yi Judia bäre, ki Cameria, këël yi piny bäre.»

Moa Tïïc Nyïïatwieli 11:16

Ni puta wïïa par ki luum Kwäärö na caane, ni ‹Jøøn löö ka pïï na nyuudhi, 'ba uuno lwøk ki Jwïëc Jwøk na en kur keere.›

Moa Tïïc Nyïïatwieli 13:2

Kanya wøørge Wuuö ni ge lämö ki lam-wödö, Jwïëc Jwøk na en kur keere aköö, ni «Cïbu Barnaba ki Cøøl kur keerge jïra, kiper tïïc mana cöölla geni gø.»

Moa Tïïc Nyïïatwieli 13:4

'Ba kiper mana tïme ni ge jääŋŋa Jwïëc Jwøki na en kur keere, gena aa Celucia, ni lunyge ci Caypara ki jää naam.

Moa Tïïc Nyïïatwieli 15:28

Kiper atïmö ni beer jï Jwïëc Jwøk na en kur keere, ki jïwa thuwø, ki man ba öölwa uuni ki gïï mo thööth, 'ba beege gïï ii keerge na doo beer kiperu,

Moa Tïïc Nyïïatwieli 15:8

'Ba Jwøk ni wø ŋäc cwïny, mare anyoodhe na adïëri kanya wëëk Jwïëc Jwøk na en kur keere geni, kaawat mana tïïe jïïø.

Moa Tïïc Nyïïatwieli 16:6

Ni ö Pøølli ki jøøa en buute ni caathge yïth mïëc Parijia ki Galeecia, kiper mana mäni ya Jwïëc Jwøki na en kur keere ki man køpge luum Jwøk yi Eecia.

Moa Tïïc Nyïïatwieli 2:33

'Ba kawaane kiper na tïŋi maal ni wëëgi ajiem bäät cwïï Jwøk, ni wëëgi Jwïëc Jwøk na en kur keere na buuk Wuue jïre, gïn neennu en ni wïnynyu en awëëk ööny bäätwa.

Moa Tïïc Nyïïatwieli 2:4

Ni pääŋ dëëtge bëët ki Jwïëc Jwøk na en kur keere, ni täkge ki cäänö ki dhøgi møøk, kaa mana ö Jwïëc Jwøki na en kur keere na wëëk ge cäänö.

Moa Tïïc Nyïïatwieli 20:28

'Ba kawaane gwøgu rou, ni gwøgu pïïth bäre, pïïdha cïp Jwïëc Jwøki na en kur keere ceŋŋu ni uuna dïkuye, na acooŋ Jwøk na joode ki køør remme caammu.

Moa Tïïc Nyïïatwieli 20:35

'Ba ki yïth japøgø bëët, a nyuunhnha uuni, ni dhaanhø doo tïïö døc na enøgønø ni køny jøøa can, ni para wïïe ki luupa caan Kwäärö ma Jecu, na kööe, ni ‹Beerra mar ŋat wø cïpi, ni kaala ŋat wø mooc.› »

Moa Tïïc Nyïïatwieli 28:25

Køøre na jït dïge ki pïëm gena aay, køør luumma näk aciel na caan Pøølli, na kööe, ni «Jwïëc Jwøk na en kur keere mare adïëri na caan gø jï kwäyu ki dhi nyikuŋ Jwøk ma Aydheea, na kööe,

Moa Tïïc Nyïïatwieli 5:3

'Ba Piter aköö, na «?Ananaya, aŋø ni ö Ceethanni ni pääŋ cwïnyï en, ki man cäänï ki tööt jï Jwïëc Jwøk na en kur keere, ni kanï thäŋ gwet pwödhö en?

Moa Tïïc Nyïïatwieli 7:51

«U jø wïthu teek en, nou patha odaŋø ki yïth cwïnynyu ki ïthu en, cooth u wø kweeyø ki Jwïëc Jwøk na en kur keere. Keda mana kwøŋ kwäyu tïïc, beeye eni ni tïïyu en thuwø.

Moa Tïïc Nyïïatwieli 7:55

'Ba Ectipen na cwïnye päŋ ki Jwïëc Jwøk na en kur keere, maal anëëne ni joot ajiem Jwøk, ni Jecu cuŋŋa bäät cwïï Jwøk.

Wëëlö Mana Göör Pøølli Baŋ Jø Röm 14:17

Kiper buc Jwøk paa per cam ki maath, 'ba beeye bëëtö mo beer, ki bëët-mëër, ki met ec ki ri Jwïëc Jwøk na en kur keere.

Wëëlö Mana Göör Pøølli Baŋ Jø Röm 15:13

'Ba Jwøk ni wø cïp ŋäädhe, cwïnynyu opääŋe ki met ec mo päl ki mëër ki køør mana jïëyu, kiper nee ŋäädhe maru pälle ki køør teek Jwïëc Jwøk na en kur keere.

Wëëlö Mana Göör Pøølli Baŋ Jø Röm 15:16

naa tïma naa tïnynya Krictø Jecu jï juurre, naa lama tier luumma nyään na met mar Jwøk, kiper nee juurre cïp na jëëdhi man wø jïëc Jwøki, ni wø en kur keere ki køør Jwïëc Jwøk na en kur keere.

Wëëlö Mana Göör Pøølli Baŋ Jø Röm 5:5

'Ba ŋäädhe cwïnynyø bäŋ wø wëëk pädhö. Kiper mëëc Jwøk okïth cwïnynyø ni päl ki køør Jwïëc Jwøk na en kur keere na cïp jïïø.

1 Körin 12:3

Kiper manøgønø, a manynya man ŋäyu gø, ni bäŋ dhaanhø mo cäänö ki ri Jwïëc Jwøk mo köö, ni «Jecu cien.» Ni bäŋ dhaanhø mo maara köö, ni «Jecu beeye Kwäärö,» ni näk ba caan ka ri Jwïëc Jwøk.

1 Körin 6:19

?Aŋø, kuyu ni rïŋ dëëtu beeye øt Jwøk mar Jwïëc Jwøk na en kur keere ni en cwïnynyu, na jootu baŋ Jwøk? Uuni, u ba bëëdö ka wïthu,

2 Körin 13:14

'Ba met yi Kwäärö ma Jecu Krictø, ki mëëc Jwøk, ki dwätö mar Jwïëc Jwøk na en kur keere en bäätu bëët.

2 Körin 6:6

Ni dëëtwa ewa nyoodhø ki køør mana ciilwa ki raay, ki køør ŋäc luup, ki cïp cwïny piny, ki bäth ec, ki køør teek Jwïëc Jwøk na en kur keere, ki mëër mana näk adïëri,

Epeca 1:13

Ni beeye ki køøre na ö uuni thuwø, u na wïny luumma näk adïëri, luumma nyään na met na jootu pïëm ree man piem uuni ki gø, ni jïëyu ni ŋääthu eni, ni mooc uuni ki ŋïï na näk Jwïëc Jwøk na en kur keere, na kwøŋ buuk.

Epeca 1:17

nee Jwøk na näk Jwø Kwääyø ma Jecu Krictø, ni näk Uun ajiem, nee u mooe ki wïdhi mo leer, ki cwïny mou wëëge ka ŋäc eni,

Epeca 4:30

Kär cwïny Jwïëc Jwøk na en kur keere wëëgu ränynyö, ŋata jootu ŋïï ree kiper cäŋo wïïr kwöri mou yie.

1 Thecalönika 4:8

Kiper manøgønø, ŋato taak luummögø, ba taak dhaanhø, 'ba taaga Jwøk, ŋat wø cïp Jwïëye na en kur keere jïïu.

2 Timöthi 1:14

Gwøk gïna näk adïëri na wëëk ïïni, ki køør Jwïëc Jwøk na en kur keere ni bëëdö cwïnynyø.

Tayta 3:5

øøna pieme, ni paa kiper ni da tïïe mo beyø mo yøø tïïö, 'ba ø pieme ka met yie keere, kanya ööe ni lwøk cwïnynyø ni døøc ge mo nyärö, kanya døøc ge mo nyärö ki ri Jwïëc Jwøk na en kur keere,

Ibaru 10:15

'Ba Jwïëc Jwøk na en kur keere, mare akøbe jïïø thuwø, na kööe,

Ibaru 2:4

Ni Jwøk thuwø ojïëy ki mare ki køør nyuuthe ki tïïe mo døøŋŋø døc, ki gïï mo rëëma ec ma teeŋi, ki muuce moa ö ki ri Jwïëc Jwøk na en kur keere, na pääŋŋe kaawat mana manynye keere.

Ibaru 3:7

Kiper manøgønø, kaawat mana caani ya Jwïëc Jwøki na en kur keere, ni «Dïcäŋi, noo wïnynyu dwøre,

Ibaru 9:8

Ni beeye gïn wø ö Jwïëc Jwøki na en kur keere wø nyooth gø, ni jöö mano døny jiyi yi kanya en kur keere na pere letha eni, poot kär jabø, kany poode no oduŋkaara mana en wøgø poot cuŋŋö kare.

1 Piter 1:12

'Ba anyooth jïge, ni ge ba tïny dëëtge, 'ba ge tïnynya uuni kanya cäänge kar kanyaca, 'ba poot na luupögø na køp jøøa caan luumma nyään na met jïïu yïth nïne moi en, ki køør Jwïëc Jwøk na en kur keere na jääŋŋi ki maal, ni beeye gïïa many cwïny nyïïatwiet maalli nee tiet gïïögø neenge.

2 Piter 1:21

Kiper bäŋ gïn mo okøp nyïïkuk Jwøki bäre bäre, mo käla dhi dhaanhø, 'ba ge wø køpa moa käl dhi Jwøk, kanya ö Jwïëc Jwøki na käär geni.

1 Jøøn 2:20

'Ba uuni, uuna jør ŋata en kur keere na näk mar Jwøk ki maaw, ni jammi bëët ŋäyu.

1 Jøøn 2:27

'Ba uuni, jør maaw mana jootu baŋe ena cwïnynyu, ni bäŋe ŋat mo manynyu nou pwönynye, kiper jør maaw mare beeye wø pwöny uuni ki jammi bëët, ni beeye adïëri, ni patha tööt. 'Ba bëëdu ri Krictø, keda mana pwöny uuni.

1 Jøøn 5:7

'Ba beeye Jwïëc Jwøk na näk lïŋi, kiper Jwïëc Jwøk beeye adïëri.

Juut 1:20

'Ba u no omëëya, tëënnu ki ri ŋäädhe maru na en kur keere na pere letha eni ki cwïnynyu bäre, ni lämu ki ri Jwïëc Jwøk na en kur keere.

Mana Nyooth 2:11

«'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, ba doo gwaar thøøe mano en cään.»