Jøøn 14:21 - Wëël Jwøk

²¹ 'Ba ŋat wø ŋäc luupa ni gwøk geni beeye ŋat wø mëër ki aani. 'Ba ŋat wø mëër ki aani, Wära omëëyi ki gø, ni ööa ni mëëya ki eni ni nyoodha raa jïre.»

Jøøn 14:21 Iomraidhean Croise

2 Nyeye 18:6

Kiper ena bëëdö ni eno göök ri Wuuö Jwøk, ni køør Wuuö Jwøk ba wiie ki caath, ni bëëde ni gwøga ciik Wuuö Jwøk moa ö Wuuö Jwøki na kööm Modhe ki ge.

Bwøth Wøk 33:18

Køøre Modhe aköö, «Wui, Awuuö Jwøk, akwaya ïïni, nyooth ajiem marï jïra.»

Pwöc Leec Wïc 8:17

A mëër ki jø wø mëër ki aani, ni jø wø many aani ki cwïnyge bäre a wø jootge joodø.

Jeremaya 31:31

Wuuö Jwøk aköö, ni «Ka adïëri møn, da nïne mo öö, maa tudö ki luubö mo nyään ki jø Icriel ki jø Juuda,

Jepaniya 3:17

Wuuö Jwøk, Jwøk marï, nut buutï; ena ŋat leny mo teek man wø böödö. Eni yie omïnni ki ïïni ki met ec mo dwøŋ, ni wëëk ïïni nikïïl yi mëër mare; yie mïnnö bäätï ni kwöŋŋe ki met ec.»

Luk 11:28

'Ba aløøe ni kööe, ni «Gwïëth doo ena ri jø wø wïny luum Jwøk ni gwøkge gø.»

Jøøn 14:15

«Ni näk mou mëër ki aani, luupa dou gwøø.

Jøøn 14:18

«U ba wiia ni uuna kïïe. A duua baŋu.

Jøøn 15:14

Uuna nyïïawääta ni näk mana caana jïïu tïïyu tïïö.

Jøøn 16:14

'Ba aano jieme, kiper gïno näk mara olwøre ni køp gø jïïu.

Jøøn 16:27

Kiper Wuuö ki dëëre mëër ki uuni, kiper na mëërru ki aani ni jïëyu naa käla baŋ Wuuö.

Jøøn 17:23

ni ena rege, ni enï raa, nee dwätö marge thur kare ni gena aciel, kiper nee ŋäc jø pinynyi naa jääŋŋa ïïni, niï mëër ki geni kaawat mana mëërï ki aani.

Moa Tïïc Nyïïatwieli 22:18

Ni neena Jecu ni kööe ki aani, ni ‹Ö maal ni laarï aa wøk ki yi Jerucalem, kiper ge ba maar jïëy ki marï na diï caanø kipera.›

2 Körin 12:8

'Ba Wuuö akwaaya kwöre adäk kiper nee gïnögø aae dëëra.

2 Körin 3:18

Ni øøni bëët, ø neeta ajiem Wuuö ni bäŋ abïï mo orïëp wïthø, ni øøno røø ni ø caala kïte ni øøno wëëk koor ajiem man nø ni cøøø baŋ man nø. Ni gïnögø wø ööi ka baŋ Wuuö na näk Jwïëc Jwøk.

2 Körin 4:6

Kiper beeye Jwøk na köö, ni «Tar rienye yi muudhö,» na wëëk tar rieny yïth cwïnynyø, nee tay ajiem Jwøk ni en täärnyïm Krictø wëëk ŋäc.

Tiet Ciik 11:13

«'Ba ni näk mo ciik moi ni köömma uuni ki geni dïcäŋi en you leŋø na karge, ni ciik moøgø beege ki man mëërru ki Wuuö Jwøk na näk Jwøu, ni tïnynyu gø ki cwïnynyu bäre ki jwïëyu bäre,

Tiet Ciik 7:13

Ni bëëde ni mëër ki uuni ni gwïëth uuni ni wëëk uuni nyaay; obwöre mou moo nywøllu ogwïëdhe, ni gwïëth caammi moo ciek yïth ŋøøm mou, ni gwïëth dhäk mou ki dïëk mou, ni tïmge ni thööth yi ŋöömma kööŋe kipere jï kwäyu nee cïbe jïïu.

2 Thecalönika 2:16

'Ba kawaane, Kwääyø ma Jecu Krictø ki dëëre, ki Jwøk na näk Wääø, ŋata mëër ki øøni, na mooc øøni ki cøm cwïny mo bäŋ cuŋŋe, ki ŋäädhe ma wøp mar nyïm ki køør met yie,

2 Timöthi 4:22

'Ba Wuuö bëëde cwïnyï, ni bëët met eci bäätu.

1 Jøøn 2:5

'Ba ŋat wø gwøk luumme, ŋatøca mëëc Jwøk othur kare cwïnye na adïëri. Ni beeye gïnögø noo ŋääø gø ni ø ena dëëre.

1 Jøøn 3:1

Neennu a mëër mo nyïëdi na wëëk Wuue øøni, ki man cwøl øøni ni øøna nyïï Jwøk, ni näk adïëri. 'Ba gïn wø ö pinynyi wø kuc øøni, beeye kiper mana kuc eni.

1 Jøøn 5:3

'Ba mëër ki Jwøk beeye ki man gwøø gïïa ceme. Ni gïïa ceme dhaanhø ba ööle.

2 Jøøn 1:6

'Ba mëër beeye ki man caadhø køør gïïa cem. Ni mana ceme beeye en, keda mana wïnynyu gø cøøn, nou doo caatha køør mëër.

Mana Nyooth 2:17

«'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, owëëga cam meena mana näk okanø, ni mooa gø ki kïdi mo tar, mo nyeŋ mo nyään ogöör bääte mo bäŋ ŋat mo ŋäc gø, 'ba beeye ŋato cï jïre keere noo ŋäc gø.»

Mana Nyooth 22:14

«Gwïëth en jï jø wø penya abïïkge, kiper nee marge beere ri jaadha näk jaath kwøw, ni dønyge yi paanøgø ki dhøk kiir.

Mana Nyooth 3:20

'Ba neenï, a cuŋŋa dhi øtø, naa dööŋö. 'Ba ni näk da ŋat mo wïnynya dwøra, ni jap dhi øtø, a cøøa baŋe, ni cäma ki eni, ni ö eni ni cäme ki aani.