Jøøn 14:2 - Wëël Jwøk

² Kiper po Wära da uudi mo thööth. ?Onää bäŋ tiere daa caana jïïu naa cøøa kuna jiiŋŋa karu?

Jøøn 14:2 Iomraidhean Croise

Luk 14:22

Ni kö laŋŋøgø, ni ‹Kwäärö, gïna caanï anø tïïc, 'ba poot da kany mo laac.›

Jøøn 13:33

Nyïïobwöre, a poot en buutu ka kany mo thiinh. Aani, aano cayu, 'ba kanyo cøøa yie, u ba doo maara ö yie, kaawat mana caana gø jï jø Juuth. Ni beeye ni caana jïïu en.

Jøøn 13:36

'Ba Cayman Piter aköö jïre, ni «?Kwäärö, a kaa ŋø noo ciï yie?» Ni løgi ya Jecu, ni «Kanyo cøøa yie en, ï ba doo ööa køøra. 'Ba ïïno läm køøra cään.»

Jøøn 14:28

Awïnynyu na kööa jïïu, na ‹A aay, ni duua baŋu.› Onää u mëër ki aani, yïthu doo mïnnö, kiper a cøøa baŋ Wuuö. Kiper Wuuö dwøŋŋa eni ki aani.

Jøøn 16:4

'Ba luup moi bëët acaana jïïu, kiper kanyo täk gïnögø, nee wïthu parru, ni gïïögøøni yaa kwøŋ caan jïïu. «'Ba dïkwøŋ luummögøøni kära kwøŋ caan jïïu, kiper na pooda naa ena buutu.

Jøøn 17:24

Awuuö, a manynya geni thuwø, ge na cïpï jïra, nee bëëtge ki aani na aciel kanyo ena yie, na ajiem mana cïpï jïra nee neenge, kaawat mana mëërï ki aani, ki mana täge ni piny poot kär caa.

Moa Tïïc Nyïïatwieli 9:16

'Ba eno nyutha gïï mo thööth mo jwøre jwørø kiper nyeŋŋa.»

2 Körin 5:1

Kiper ŋäcwa ni ni näk abïl bëëtwa yie pinyi en onyaaø, jïwa da øtø baŋ Jwøk, mo ba tïïc ka ceŋ, ni beeye øtø mana näk adïëri na en maal ni wø bëëdö na bäre bäre.

1 Thecalönika 5:9

Kiper ø kär mëëŋ Jwøki wëër, 'ba beeye kiper nee pïëm man piem øøni ki gø nee joodø ki køør Kwääyø ma Jecu Krictø,

Tayta 1:2

kiper mana ŋääthge kwøw mana näk adïëri mo bäŋ cuŋŋe mana buuk Jwøki cøøn, eni na kuc tööt.

Ibaru 11:10

Kiper eni neeta pääny mana näk ogeerø na adïëri, na näk dïgëëdi mare ki ŋata tïïc gø beeye Jwøk.

Ibaru 13:14

Kiper jïïø bäŋ pääny mo ruu kany, 'ba ø manynya pääny mano ööi.

Ibaru 6:20

kanya ci Jecu yie na kwøŋ pïï kiperø, kiper mana tïme ni ena Kwääy Lam Mana Dwøŋ këël na bäre bäre, ni caala Melkidhedek.

Ibaru 9:8

Ni beeye gïn wø ö Jwïëc Jwøki na en kur keere wø nyooth gø, ni jöö mano døny jiyi yi kanya en kur keere na pere letha eni, poot kär jabø, kany poode no oduŋkaara mana en wøgø poot cuŋŋö kare.

Mana Nyooth 1:5

ki baŋ Jecu Krictø, na näk lïŋi mana näk adïëri, ŋata kwøŋ duu wøk ki yi thøø, eni na wïth nyeye mo piny. Ajiem ki rööny en jïre këël na bäre bäre, ŋata mëër ki øøni, na pät øøni ki remme yïth raay moø,

Mana Nyooth 21:2

Ni jooda paana en kur keere na näk Jerucalem mana nyään, ni öö ki maal baŋ Jwøk, no ojiiŋŋø keda dhaagø thiinh mo dëëre orunynyö ki coole kiper cwøre.

Mana Nyooth 3:12

'Ba ŋato böödö, eno tïïa na werø yi Øt Jwøk Mana Dwøŋ mar Jwøa. Ni ba ö wøk yi gø bäre bäre. 'Ba nyeŋ Jwøa ogööra dëëre, ki nyeŋ pääny Jwøa, ni beeye Jerucalem mana nyään noo ööi ki maal ki baŋ Jwøa, ni gööra nyeŋŋa mo nyään dëëre.

Mana Nyooth 3:21

«'Ba ŋato böödö, owëëga pïïn piny bäät wälla, keda mara na bööda, ni pïïa kanya ciel ki Wära bäät wälle.