15 «Ni näk mou mëër ki aani, luupa dou gwøø.
Kiper ena bëëdö ni eno göök ri Wuuö Jwøk, ni køør Wuuö Jwøk ba wiie ki caath, ni bëëde ni gwøga ciik Wuuö Jwøk moa ö Wuuö Jwøki na kööm Modhe ki ge.
'Ba ŋato mëër ki wänni wala menni ni kaala mëër man mëëre ki aani, ba rømi ki man tïme na dhaanhnha. Ni ŋato mëër ki wääde wala nyaare ni kaala mëër man mëëre ki aani, ba rømi ki man tïme na dhaanhnha.
Ni kö Jecu jïge, «Onää Jwøk beeye Wääu, u doo mëër ki aani, kiper Jwøk beeye na käla baŋe. A kär öö ki wïïa a keera, 'ba beeye eni na jääŋ aani.
'Ba nee da dhaanhø mo ba mëër ki Kwäärö, ŋatøca, acïëni oen bääte. Wui, Kwääcwa, laar öö!
'Ba ki jï jø wø en dëër Krictø Jecu, daŋ wala bäŋ daŋ bäŋ gïn tïïcge, 'ba gïn mo pere leth beeye ŋäädhe ni wø tïïö ki køør mëër.
Met ec bëëde bäät jø wø mëër ki Kwääyø ma Jecu Krictø ki mëër mo ba jøøl.
'Ba u mëër ki eni, këël na käru gø neenø, ni jïëyu ni ŋääthu eni, këël na ba neennu gø, ni mïn yïthu ki met ec mo päl døc mo ba løny ki par.
'Ba mëër beeye ki man caadhø køør gïïa cem. Ni mana ceme beeye en, keda mana wïnynyu gø cøøn, nou doo caatha køør mëër.
