Jøøn 14:13 - Wëël Jwøk

¹³ Gïn wäro pëënynyu ki nyeŋŋa, otïïa, kiper nee Wuuö jïte ka ajiem ki ri Wäädö.

Jøøn 14:13 Iomraidhean Croise

Mathiew 21:22

Ni näk mo jïïu da ŋäädhe, gïn wäro pëënynyu ki lam, cøøa jïïu.»

Mathiew 7:7

«Pëëu, ocïp jïïu. Cääu, ojootu. Dööŋu, ojap jïïu.

Maak 11:24

Kiper manøgønø, a caana gø jïïu, ni gïn wäro pëënynyu ki lam wär ŋääthu ni gïnögø cøøa jïïu. 'Ba oci jïïu.

Luk 11:9

«'Ba a cäänna uuni, pëëu, ocïp jïïu. Cääu, ojootu. Dööŋu, ojap jïïu.

Jøøn 10:30

Aani ki Wuuö, waana acielø.»

Jøøn 12:44

'Ba Jecu dwøre atïŋ maal døc ni kööe, ni «Ŋat wø jïëy ki aani ni ŋääth a, ba jïëc aani keere, 'ba jïëya eni na jääŋ aani thuwø.

Jøøn 13:31

'Ba na nø aa Juudac wøk, Jecu aköö, ni «Kawaane, ajiem Wär Dhaanhø aci kare, ni ö Jwøki ni jïte ka ajiem ki ree.

Jøøn 14:14

Noo dee gïn pëënynyu ki nyeŋŋa, otïïa.

Jøøn 14:6

Ni kö Jecu jïre, «Beeye aani na jöö, ni näga adïëri, ni näga kwøw. Ni bäŋ ŋat mo ö baŋ Wuuö ni näk eni ba ööi ka raa.

Jøøn 15:16

Paa uuni na jier aani, 'ba beeye aani na jier uuni, ni kwanya uuni nou cou ni kännu ki nyïëdi, ni tïm nyïëdi mou ni bëëdö. Kiper manøgønø, nee gïn wäro pëënynyu Wuuö ki gø ki nyeŋŋa, nee cïbe jïïu.

Jøøn 15:7

Ni näk mou bëëdö dëëra ni bëët luupa cwïnynyu, gïn wäro manynyu, pëënynyu. Otïïc jïïu.

Jøøn 16:23

'Ba dïcäŋöca bäŋ gïn mo pëënynyu a ki gø. Adïëri møn, a caana gø jïïu, ni gïn wäro pëënynyu Wuuö ki gø ki nyeŋŋa, ocïbe jïïu.

Jøøn 16:26

'Ba dïcäŋöca uuno pëëö ki nyeŋŋa. 'Ba a ba caan gø jïïu, ni Wuuö okwaa kiperu.

Jøøn 16:7

'Ba kawaane a cäänna uuni ka adïëri, ni doo beerra eni jïïu ki man aa. Kiper ni näk maa ba aay, Dïkunyi ba ö baŋu. 'Ba ni näk maa aay, eni ojääŋŋa baŋu.

Jøøn 4:10

Ni løgi ya Jecu jïre, «Onää muu Jwøk ŋäyï, ki ŋat cäänö ki ïïni en, ni ‹Mooc aani ki pïï naa mätha›, eni diï pëënynyö, ni dee cïpö jïrï ki pï kwøw.»

Jøøn 4:14

'Ba ŋato wäro mäthi ki pïïo cïba jïre, ba näk riewi këët. 'Ba pïïo cïba jïre otïmö na jøøro mo kwödö yie, mo kännö ki kwøw mana näk adïëri mo bäŋ cuŋŋe.»

Jøøn 5:19

'Ba Jecu aköö jïge, na «Adïëri møn, a caana gø jïïu, ni Wäädö bäŋ gïn mo dee maara tïïc ki wïïe keere, 'ba gïn wø neene ni wø tïïc Wuue beeye wø tïïe thuwø. Kiper gïn wø tïïc Wuue beeye wø tïïc Wäädö thuwø.

Jøøn 7:37

'Ba na tïme na aŋuun nïr ajwöm-cam, cäŋa näk mo dwøŋŋa eni, Jecu ree athïïŋe ni tïŋ dwøre maal døc ni kööe, «Nee da dhaanhø mo ree da riew, wär eni ö baŋa nee mädhe.

1 Körin 14:13

Kiper manøgø nø, ŋat wäro cäänö ki dhøk mør doo lämö kiper nee jïte ki teek ki man nyooth tier gø.

Epeca 2:18

Ni beeye ki køøre na jïtø ki jöö karøbëët man cøø baŋ Wuuö ki ri Jwïëc Jwøk na näk aciel.

Epeca 3:12

eni na mooc cwïnynyø ki cer ki man ŋääø gø ni jïïø da jöö man cøø nyïm Jwøk ki køør mana ŋäädhø eni.

Epeca 3:14

Kiper manøgønø, cøŋŋa wø këëlla piny nyïm Wuuö,

Pilipay 4:13

'Ba jammi bëët løny jïra ki man tïïa ge ki køør ŋat wø tïïc aani naa teek.

Köløcia 3:17

'Ba jammi bëët moo wäro tïïyu, ni näk luubö wala tïïc, wär tïïyu ki nyeŋ Kwäärö ma Jecu, ni dwøgu met ec jï Jwøk na näk Wuuö ki køøre.

Ibaru 13:15

Kiper manøgønø, beerra man cïpø ki pwøc na muuce cooth jï Jwøk ki ri Jecu, ni beege gïï wø ööi ki dhøgi mo wø jïëc nyeŋŋe.

Ibaru 4:15

Kiper Kwääy Lam Mana Dwøŋ man na marø en, paa ŋat mo cwïnye ba maar pädhö ki gïr jäk marø. 'Ba beeye ŋata päänynyi ki yïth jammi bëët kaamarø, 'ba eni kär pädhö.

Ibaru 7:25

Kiper manøgønø, løny jïre ki man køny jø wø nyänh buut Jwøk ki køøre na bäre bäre, kiper mana bëëde ni kwøw cooth, ni kwaaya Jwøk kiperge.

Jeemeth 1:5

'Ba ni näk da ŋat mo leec wïc mare orëëm dïïu, Jwøk wär pëënynye, ŋat wø cïpi jï jiy bëët ki cwïnye bäre ni ba pëëö, 'ba omëëk eni.

Jeemeth 5:16

Kiper manøgønø, køpu raay mou yïthakiyu keeru, ni lämu kiperu keeru, kiper nee dëëtu wø jöönge. 'Ba lam ŋat mo beer jïre da teek mo dwøŋ døc ki man tïïc jammi ni cööpge karge.

1 Piter 2:5

Ni tïmu nou caala kïte mo kwøw, ni uuno geerø ni uuna øt Jwøk, nou tïmu ni uuna dïlämme moa en kur keerge, nou cïpa cwïnynyu na en køør Jwøk jï Jwøk no olämme mo wø jïëc Jwøki ki køør Jecu Krictø.

1 Jøøn 3:22

ni gïn wäro pëënynyø joodø joodø baŋe, kiper man bëëdø ni ø gwøga gïïa ceme, ni ø tïïya gïï wø met yie ki ge.

1 Jøøn 5:14

Ni man beeye ŋäädhe man wø ŋäädhø eni ki gø, ni ni näk eni pëënynyø pëënynyö ki gïrpiny keda mano manynye, döötø wïnynye wïnynyö.