Jøøn 13:8 - Wëël Jwøk

⁸ Ni kö Piterri jïre, «Ïïni tieta ba diï lwøø na bäre.» Ni løgi ya Jecu jïre, «Ni näk ï ba lwøa, jïrï bäŋ karï buuta.»

Jøøn 13:8 Iomraidhean Croise

Wïlöölö 42:38

'Ba Jeekap aköö, «Wääda ba doo aay ki uuni, kiper coki anø thøw, ni bee eni keere na dööŋ. Ni näk da gïn mo leth mo tägö dëëre kanyo aayu ki gø, a na wïïa da lwaar a puta tïmö naa thuunhnha uuni, ni thøøa naa kïmmö.»

2 Camiel 20:1

'Ba da nyen mo wïïe raac mo nut Gëlgela kaace mo nyeŋŋe Cïïba o Bëkri nyï Benjamen. Eni tuuŋ akoodhe ni kööe, «U jø Icriel bëët, ŋati man nø døø paare. Kiper øøni ø ba en ri Deebit, ni øøni bäŋ kurø dëëre, eni na o Jeci enø, kiper eni paa tuuŋø.»

1 Nyeye 12:16

'Ba kanya ö jø Icrielli bëët na jootge gø ni marge kär wïny nyeya, adwøkge jï nyeya, ni köge, «?Aŋø, waani, da kurwa ri Deebit? Waani, kee bäŋ gïn mo dooŋ na kurwa ki røk jap o Jeci. Wui jø Icriel, ŋati man nø døø paare. 'Ba ï na nyikwaar Deebit, dööŋï keerï ki jø dhi ødï.» Kanyøgø jø Icriel gena put døø mïëcge.

Aydheea 4:4

Wuuö Jwøk raay mo määr Dhayan penye penyø, ni peny remø mana køny piny dï Jerucalem ki køør teek ajäla mare ka ajäl maac mano käle ki ri Jwïëye.

Edhikiel 36:25

Aani, dëëtu jøra jørø ki pïï mo tøŋ ni tïmu nou waany; aani, u penya penyø yïth japa reyø bëët na enu yïthge, ki yïth kït gïï wø lammu bëët.

Dhekaraya 13:1

Wuuö Jwøk aköö, ni «Noo tïme na dïcäŋöca jøøro ojap jï dhi øt Deebit ki jø wø bëëdö Jerucalem kiper nee raay moge pïny wøk ni tïïc ge ni waany.»

Mathiew 16:22

'Ba ena kïth Piterri wøk, ni täge ki man jook gø, ni kööe, ni «Kwäärö, gïna caanï enø omän Jwøki. Gïnögø ba tägi dëërï na bäre bäre.»

Mathiew 21:29

Ni dwøgi ya wääde jïre, na ‹A ba cii.› 'Ba køøre cään, wïïe acäŋ caarrø, ni cøøe.

Mathiew 26:33

Ni ö Piterri ni kööe jï Jecu, ni «Këël bääŋi bëët ï dege wiiø kiper gïno tägi dëërï, aani, ï ba wiia na bäre bäre.»

Mathiew 26:35

Ni kö Piterri jïre, ni «Këël maa thøw ki ïïni na aciel, ï bäŋ daa mooŋø.» Ni ö bääŋi bëët ni caange teeŋ gïnögø thuwø.

Jøøn 13:6

Ni ö baŋ Cayman Piter. Ni kö Piterri jïre, na «?Aŋø Kwäärö, tieta diï lwøø?»

Jøøn 13:9

Ni kö Caymanni Piter jïre, «Kwäärö, paa tieta keerge noo lwøgï, 'ba këël ceŋŋa ki wïïa thuwø.»

Jøøn 3:5

'Ba aløk Jecu jïre, na «Adïëri møn, a caana gø jïrï, ni näk mo dhaanhø kär nywølø ki pïï ki Jwïëc Jwøk, eni ba doo maara døny yi buc Jwøk.

Moa Tïïc Nyïïatwieli 22:16

?'Ba kawaane agïnaŋø ni koorï? Ö maal, niï lwøk na nyuudhi, niï penya raayï wøk, niï cwøla nyeŋŋe.›

1 Körin 6:11

'Ba teeŋ bëëtö manøgø beeye bëët jø møøk dïïu na poode. 'Ba uuna lwøk, ni cïp uuni kur keeru, ni uuno jïëö ni maru beer ki nyeŋ Kwäärö ma Jecu Krictø, ki ri Jwïëc Jwøø.

Epeca 5:26

kiper na acooŋ Jwøk døøc mo ena kur keere na mar Jwøk ki køør mana peny gø ki pïï ki luumme ni døøc gø mo waany,

Tiet Ciik 12:12

'Ba yïthu doo mïnnö nyïm Wuuö Jwøk na näk Jwøu, uuni ko obwöre mou moa näk cwøw ki moa näk mään, ki jø tïïc mou moa näk cwøw ki moa näk mään, ki ŋat tuuŋ Libay man nø mo bëëdö ka uuni, jøøa näk bäŋ ŋöömö moo dööŋ jïge na kurge yïthakiyu.

Köløcia 2:18

'Ba kär dee ŋat jääl uuni ni caana gø, ni «Dwøgu rou cään,» ni «Wøørru nyïïatwiet maal,» ni eni ŋäya lääk moe keere, ni eni töödö kiper gïn mo bäŋ tiere, kiper cwïnye na poode køør mo piny,

Köløcia 2:23

Kiper ciik moøgø nëëni keda ena ri leec wïc ma adïëri møn, kany wø lämö ki teeŋ lame møøk, ni dëël okïyö, ni dëël odwøk piny. 'Ba bäŋ gïn kønyge ki man mänge dëël ki gïïa caye.

Tayta 3:5

øøna pieme, ni paa kiper ni da tïïe mo beyø mo yøø tïïö, 'ba ø pieme ka met yie keere, kanya ööe ni lwøk cwïnynyø ni døøc ge mo nyärö, kanya døøc ge mo nyärö ki ri Jwïëc Jwøk na en kur keere,

Ibaru 10:22

beerra man nyiigø kany mo cään ki cwïny ma adïëri, ni ŋäädhe päl cwïnynyø, ni cwïnynyø ojørø ni leer, ni bäŋ raay mo pär cwïnynyø ki ge, ni dëëtø olwøø ki pïï mo tøŋ.

Mana Nyooth 1:5

ki baŋ Jecu Krictø, na näk lïŋi mana näk adïëri, ŋata kwøŋ duu wøk ki yi thøø, eni na wïth nyeye mo piny. Ajiem ki rööny en jïre këël na bäre bäre, ŋata mëër ki øøni, na pät øøni ki remme yïth raay moø,

Mana Nyooth 7:14

Ni dwøga gø jïre, ni «Ŋäyï, kwäärö.» Ni duu gø jïra, ni «Jøøgø beege jøøa ö wøk ki yi gïna leth døc na wäŋŋi. Abïïkge apenyge ni tïïcge ge ni tar ki rem Nyidiel.