Jøøn 13:5 - Wëël Jwøk

⁵ Køøre pïï akøny ya athäänh ni täge ki man lwøk tiet bääge, ni pooc geni ki puunhnha näk ee dwøl dëëre.

Jøøn 13:5 Iomraidhean Croise

Wïlöölö 18:4

kiper naa känna ki pïï mo thenh kiper nee tietu lwøgu ki ge, ni jwömmu dëëtu tier jaadhi en;

Wïlöölö 19:2

Ni kööe, ni «Wëëga, beerra man gääu paac mana näk mar laŋŋø maru, nou butu yie wääni, nee tietu lwøgu; køøre nø uuno møøl ni pööthu kuna cou yie.» Ni köge, ni «Bäŋ gïre, waani wa buta bura wääni.»

Wïlöölö 43:24

Ni ö nyenøgø ni kïth jøøgø po Jocep ni mooc geni ki pïï, ni lwøkge tietge; ni ö eni ni mooc arëëni moge ki cam.

2 Nyeye 3:11

'Ba Jøcapat aköö, na «?Aŋø, bäŋ nyikuŋ Wuuö Jwøk mo ena kany mo pëënynyø dwør Wuuö Jwøk ki gø?» 'Ba aløk dhaanhø acielli røk jø kööre mo nyeny Icriel ni kööe, ni «Ilaaca o Capath ena kany, ŋata wara bëëdö buut Ilaaja ni tïnynya gø.»

Bwøth Wøk 29:4

Køøre Aran ki wääte diï käla dho oduŋkaany røømmø, ni lwøgï geni ki pïï.

Aydheea 1:16

«Lwøgu dëëtu, ni tïïyu dëëtu ni waany, ni ö tïïe mou moa reyø ni daagu ge nyïma. Weyu tïï jammi moa reyø,

Edhikiel 36:25

Aani, dëëtu jøra jørø ki pïï mo tøŋ ni tïmu nou waany; aani, u penya penyø yïth japa reyø bëët na enu yïthge, ki yïth kït gïï wø lammu bëët.

Ciik Kiper Dïlämme 14:8

«'Ba ŋato luum waany mare caan, abïïe moe wär penye, ni lïël jïëye wøk bëët, ni lwøk dëëre ki pïï. Køøre eni dööŋ ni waany. Køøre nø, eni ööa yi twïër. 'Ba eni wär bëëde wøk ki nïne abïriiø ni ba døny yo oduŋkaara mare.

Dhekaraya 13:1

Wuuö Jwøk aköö, ni «Noo tïme na dïcäŋöca jøøro ojap jï dhi øt Deebit ki jø wø bëëdö Jerucalem kiper nee raay moge pïny wøk ni tïïc ge ni waany.»

Luk 7:38

ni cuŋŋe ŋää gø kany mo cään ni jwöŋö, ni tïm pï nyeŋŋe ni cwïëra bäät tiet Jecu, ni pooc gø ki jïëye, ni nuum tiet gø, ni wïïr ge ki maarøgø.

Luk 7:44

'Ba køøre ree aløø baŋ dhaaŋŋøgø, ni kööe jï Cayman, «?Dhaaŋŋi en ajootï? Aana duny ødï, ni kärï a mooø ki pïï kiper tieta, 'ba eni tieta atïïe ni thec ki pï nyeŋŋe, ni pooc ge ki jïëye.

Jøøn 13:10

Ni kö Jecu jïre, ni «Ŋat mo onø lwøk, ba many lwøk këët, 'ba beeye tiete keerge na dee lwøø, kiper dëëre bäre waany. Ni uuni, dëëtu waany, 'ba paa u bëët.»

Jøøn 13:6

Ni ö baŋ Cayman Piter. Ni kö Piterri jïre, na «?Aŋø Kwäärö, tieta diï lwøø?»

Jøøn 13:8

Ni kö Piterri jïre, «Ïïni tieta ba diï lwøø na bäre.» Ni løgi ya Jecu jïre, «Ni näk ï ba lwøa, jïrï bäŋ karï buuta.»

Jøøn 19:34

'Ba dhaanhø aciel dëët jø tøŋ tier-buut Jecu acwøbe ki tøŋ, ni put remø ki pïï ö wøk.

Moa Tïïc Nyïïatwieli 22:16

?'Ba kawaane agïnaŋø ni koorï? Ö maal, niï lwøk na nyuudhi, niï penya raayï wøk, niï cwøla nyeŋŋe.›

1 Körin 6:11

'Ba teeŋ bëëtö manøgø beeye bëët jø møøk dïïu na poode. 'Ba uuna lwøk, ni cïp uuni kur keeru, ni uuno jïëö ni maru beer ki nyeŋ Kwäärö ma Jecu Krictø, ki ri Jwïëc Jwøø.

Epeca 5:26

kiper na acooŋ Jwøk døøc mo ena kur keere na mar Jwøk ki køør mana peny gø ki pïï ki luumme ni døøc gø mo waany,

1 Timöthi 5:10

'Ba eni wär tïme na dhaagø mo wøp mare ee nyoodhø kiper tïïe moa beyø ni wø tïïe, na ŋat mo piitha obwöre, mo pänhnha jiy, mo lwøga tiet jø Jwøk, mo kønya jøøa näk dëëtge da gïï mo leth, mo puta tïmö ni tïïya gïï wø beyø ki yïth jammi bëët.

Ibaru 10:22

beerra man nyiigø kany mo cään ki cwïny ma adïëri, ni ŋäädhe päl cwïnynyø, ni cwïnynyø ojørø ni leer, ni bäŋ raay mo pär cwïnynyø ki ge, ni dëëtø olwøø ki pïï mo tøŋ.

1 Jøøn 1:7

'Ba ni näk mo ø cäädha yi tar, kaawat mare ni en yi tar, øøno dwätö karøbëët, ni rem Jecu na näk Wääde penya øøni yïth raay bëët.

1 Jøøn 5:6

'Ba eni na Jecu Krictø beeye na öö ki pïï ki remø, ni eni kär öö ki pïï keerge, 'ba beeye ki pïï ki remø.

Mana Nyooth 1:5

ki baŋ Jecu Krictø, na näk lïŋi mana näk adïëri, ŋata kwøŋ duu wøk ki yi thøø, eni na wïth nyeye mo piny. Ajiem ki rööny en jïre këël na bäre bäre, ŋata mëër ki øøni, na pät øøni ki remme yïth raay moø,

Mana Nyooth 7:14

Ni dwøga gø jïre, ni «Ŋäyï, kwäärö.» Ni duu gø jïra, ni «Jøøgø beege jøøa ö wøk ki yi gïna leth døc na wäŋŋi. Abïïkge apenyge ni tïïcge ge ni tar ki rem Nyidiel.

Pïëmme 19:21

Kanyøgønø, jaal manøgø jøøgø aput kïth paare, ni mooc arëëni ki gïï wø cam lääyi, ni ö jøøgø ni lwøkge tietge ni cämge ni mäthge.

1 Camiel 25:41

Kanyøgønø, Abigël aput ö maal ni këël cøŋŋe piny ni kuul wïïe piny ni kööe, ni «Ka adïëri møn, a na ŋat tïïc maru, yia met ki man bëëda naa lwøga tiet jic kwääya ma Deebit.»