Jøøn 13:34 - Wëël Jwøk

³⁴ 'Ba a wëëga uuni ciik mo nyään, ni mëërru ki røgu, keda mana mëëra ki uuni, kiper nou tïmu nou mëër ki røgu thuwø.

Jøøn 13:34 Iomraidhean Croise

Ciik Kiper Dïlämme 19:18

« ‹Kär kwörï coolï, ni ba bëëdï niï män ki jø pou, 'ba mëërï ki ŋat mør kaawat man wø mëërï ki dëërï. Beeye aani na Wuuö Jwøk.

Ciik Kiper Dïlämme 19:34

Wëëllö mo path mo bëëdö dïïu wär raŋŋu kaamar ŋat pou, ni mëërru ki eni kaawat man wø mëërru ki dëëtu. Kiper uuna bëëdö na wëëlle yi ŋööm Ijep. Beeye aani na Wuuö Jwøk, Jwøk maru.

Mathiew 5:44

'Ba aani, a caana gø jïïu, ni mëërru ki nyïïmännu, ni lämu kiper jø wø caan uuni,

Jøøn 15:17

Man beeye ni caana jïïu en, ni ‹Mëërru ki røgu.›

Jøøn 17:21

kiper nee tïmge na aciel bëët, kaawat ïïni na Wuuö ni en raa en, ni ena riï, nee tïmge thuwø ni ge ena røgø, kiper nee jø piny jïëcge naa jääŋŋa ïïni.

Wëëlö Mana Göör Pøølli Baŋ Jø Röm 12:10

Ŋati man nø mëëre ki wati maya ki mëër man wø mëër nyïïmëëe ki gø. Ni ö ŋati man nø ni laar wödö wëëk wati maya.

Wëëlö Mana Göör Pøølli Baŋ Jø Röm 13:10

Mëër bäŋ gïn mo raac mo tïïe dëër ŋat mør. Kiper manøgønø, mëër beeye wø thöör ciik Jwøk.

Wëëlö Mana Göör Pøølli Baŋ Jø Röm 13:8

Kär dee pïïdö mar ŋat mør bäätu, 'ba tïme ni beeye mëër keere ki man mëërru ki røgu. Kiper ŋat wø mëër ki ŋat mør, ciik Jwøk ee thöörö.

Galeecia 5:22

'Ba nyïëdi mo wø ööi ki ri Jwïëc Jwøk, beege mëër, ki met ec, ki bëët-mëër, ki bäŋ jøømø, ki bäth ec, ki køny, ki ŋääth dhaanhø,

Galeecia 5:6

'Ba ki jï jø wø en dëër Krictø Jecu, daŋ wala bäŋ daŋ bäŋ gïn tïïcge, 'ba gïn mo pere leth beeye ŋäädhe ni wø tïïö ki køør mëër.

Galeecia 6:10

Kiper manøgønø, kaawat man bëëdö ni da jöö jïïø en, beerra man tïïø ki gïï mo beyø jï jiy bëët. 'Ba jøøa døø kønyø røk beege nyïïmëëe moa näk jø Jwøk.

Galeecia 6:2

Beerra man ö ŋati man nø ni køny watge maya ki gïïa peek na kääre, nee ciik Krictø thur kare jïïu na enøgønø.

Epeca 5:2

Ni caathu jöör mëër, kaamar Krictø na mëër ki øøni ni cïp dëëre kiperø na jëëdhi mo ŋwääö ni met no olämi man wø 'näk jï Jwøk.

Köløcia 1:4

Kiper awïnywa ni uuno jïëy ni ŋääthu Krictø Jecu, ni wïnywa mëër maru, nou mëër ki jø Jwøk bëët,

1 Thecalönika 3:12

'Ba Wuuö mëëyu omeede ni tïme ni päl ni mëërru ki røgu, ki jiy bëët, kaawat mana mëërwa ki uuni.

2 Thecalönika 1:3

'Ba nyïïmera, met ec marwa ba maarwa wec ki man dwøkwa gø jï Jwøk cooth kiperu, ni beeye mana beer ki man tïïcwa gø, kiper mana tïm ŋäädhe maru ni päl, ni ö mëërri maru mana mëërru ki røgu ni meet ree.

Ibaru 13:1

Bëëdu nou mëër ki dëëtu ki mëëc nyïïmëëe.

Jeemeth 2:8

'Ba ni näk mou tïïya ciik Jwøk møn na caal ciik nyeya keda man en yi wëël Jwøk, «Mëërï ki ŋat mør kaawat man wø mëërï ki dëërï,» nou tïïyu gø na enøgønø, u tïïya gïna beer na doo tïïö.

1 Piter 1:22

'Ba na tïme ni cwïnynyu you døøc mo tar kiper mana leŋŋu adïëri ni jït cwïnynyu ki mëëc nyïïmëëe ma adïëri, putu bëëtö nou mëër ki røgu ki cwïnynyu bäre.

2 Piter 1:7

ni kuurru bëët jöör Jwøk ki mëëc nyïïmëëe, ni kuurru mëëc nyïïmëëe ki mëër.

1 Jøøn 3:11

'Ba man beeye dwøra wïnynyu cøøn, ni ø doo mëër ki røgø,

1 Jøøn 3:23

'Ba gïna ceme beeye en, ni jïëø ki nyeŋ Wääde ma Jecu Krictø, ni mëërø ki røgø keda mana kööm øøni.

1 Jøøn 4:21

'Ba man en beeye dwøl mana jootwa baŋe, ni ŋat wø mëër ki Jwøk, doo mëër ki coki thuwø.

2 Jøøn 1:5

'Ba kawaane a kwaya ïïni, ï na dhaagø, ni paa naa gööra dwøl mo nyään baŋï, 'ba beeye mana en jïïø cøøn, ni mëërø ki røgø.