Jøøn 13:27 - Wëël Jwøk

²⁷ 'Ba køør møgøgø, Ceethan aput døny cwïnye. Ni kö Jecu jïre, «Gïno tïïyï, laar tïïc nø.»

Jøøn 13:27 Iomraidhean Croise

1 Nyeye 18:27

'Ba kanya tïme na dhöör, gena buu Ilaaja ni kööe, ni «Kwayu ni döötu ena maal. ?Aŋø, eni paa jwøk maru? Kanymør wïïe ena baŋ luubö mør, wala eno aa wøk ŋää kiir, wala eni cäädhö jöö, wala kanymør eno butö ni manynya man jiec eni.»

Pwöc Leec Wïc 1:16

Kiper tietge wø ŋwieya køør gïïa reyø, ni ge wø lääta baŋ køny rem jiy piny.

Luup Dïpööy 9:3

Gïn wø raac ni wø tägi tier cäŋ piny kany beeye man wø tïm jiyi bëët ni cøra jöörögø na aciel enø. Maya thuwø, cwïny jiy bëëdö ni päŋ ki gïï mo reyø, no okiera bëëdö ni ena cwïnyge ki ri bëëtö marge bäre. 'Ba ya aŋuudi ge poot thøw bëët.

Daniel 2:15

Ni pëëny Aryök, ŋat wø käär teek nyeya, na «?Aperŋø na ö nyeya na käl teeŋ ciik manøgø wøk ni teek enø?» Køøre Aryök tier gïnögø alame jï Daniel.

Mathiew 12:45

Køøre nø, eni wø aay ni känne ki juu abïriiø møøk mo kadha rääö marge ki mare, ni dønyge yie, ni putge bëëtö kaace. Ni ö bëët ŋatøca ni tïme ni raac døc ni kaala mana dïkwøŋ. Beeye gïnögø thuwø noo tägi dëët jø pinyi ni reyø ii.»

Mathiew 4:10

'Ba Jecu aköö jïre, ni «Daak riï, Ceethan, kiper ogöörö, «ni ‹Ï doo wøøra Wuuö Jwøk na näk Jwøï, ni beeye eni keere na diï tïnynyö.› »

Maak 6:25

Ni put døny baŋ nyeya ni rwäänhnhö ni pëëny gø ni kööe, na «A manynya ïïni man mëëgï a wï Jøøn na näk dïlööy na nyuudhi kany ennø, ni ena ya athäänh.»

Luk 22:3

Kanyøgønø, Ceethan aci cwïny Juudac na cwøl ni Ickarïët, ni beeye dhaanhø aciel ki røk bääge na näk apaar kurriiø.

Jøøn 13:2

'Ba kanya pootge ni ge ena kar cam, na anägö gïn mør ee nø kïth cwïny Juudac Ickarïët na näk o Cayman nee Jecu cïbe ceŋ nyïïmänne,

Jøøn 13:28

'Ba bäŋ dhaanhø aciel kar cam mo oŋäc tier gïna caane jï ŋatøgø.

Jøøn 6:70

Ni løgi ya Jecu jïge, na «?Aŋø, paa aani na jier uuni ni uuna apaar kurriiø, ni ö acielli røgu ni jït ree ka anägö?»

Moa Tïïc Nyïïatwieli 5:3

'Ba Piter aköö, na «?Ananaya, aŋø ni ö Ceethanni ni pääŋ cwïnyï en, ki man cäänï ki tööt jï Jwïëc Jwøk na en kur keere, ni kanï thäŋ gwet pwödhö en?