Jøøn 13:22 - Wëël Jwøk

²² Ni ö bääge ni neetge nyeŋge, ni ŋata cääne kipere kucge.

Jøøn 13:22 Iomraidhean Croise

Wïlöölö 42:1

'Ba na wïnynyi ya Jeekapi ni Ijep yie da beel, ena köö jï wääte, na «?Aŋø ni raŋŋu nyeŋŋu jaak en?»

Mathiew 26:21

'Ba kanya cämge, Jecu aköö, na «Adïëri møn, a caana gø jïïu, ni dhaanhø aciel dïïu aano cïp ceŋ nyïïmän.»

Mathiew 26:22

Ni ö bääge ni bwøk cwïnyge døc, ni täkge ki man pëënyge eni no oceele oceele, ni «?Beeye aani, Kwäärö?»

Maak 14:18

'Ba kanya enge kar cam ni ge cämö, Jecu aköö, na «Adïëri møn, a caana gø jïïu, ni dhaanhø aciel dïïu aano cïp ceŋ nyïïmän, ŋat mo wa cämö ki gø ennø.»

Maak 14:19

Ni bwøk cwïnyge, ni täkge ki man pëënyge eni no oceele oceele, na «?Aŋø, beeye aani?»

Luk 22:21

'Ba neennu, ŋato cïp aani ceŋ nyïïmän, cere okuut yi cam ki aani na aciel ennø.

Luk 22:23

Kanyøgø bääŋi dëëtge apëënyge keerge, na «?Aŋa dïïø noo tïïc gïnögø?»

Jøøn 13:18

A ba cäänö kaperu bëët. Aani moa jiera ŋääa. 'Ba mana no ogöörö thura kare, na en nø, ni ‹Eni na cam møga, aana cääbe ko opunye.›

Jøøn 13:21

'Ba na løny Jecu ki caan luummögø, cwïnye apädhö, ni put dwøre caan, ni kööe, na «Adïëri møn, a caana gø jïïu, ni dhaanhø aciel dïïu aano cïp ceŋ nyïïmän.»