Jøøn 13:1 - Wëël Jwøk

¹ 'Ba kanya cään kar ajwöm-cam Cäŋa Pööth Thøøe Yie, aŋäc Jecu ni kanyo aae pinyi en noo ci baŋ Wuuö kare acäännö. Ni eni mëër ki jiye na en piny, ni bëëdö ni mëër ki geni këël aŋuun kwøw mare.

Jøøn 13:1 Iomraidhean Croise

Pwöc Leec Wïc 8:31

ni yia met ki piny mare bäre, naa kanynyø kiper jiy bëët.

Jeremaya 31:3

Wuuö Jwøk ree anyoodhe jïge cøøn kany mo bäär, ni kööe, ni «Aana bëëdö naa mëër ki uuni ki mëër mo bäŋ cuŋŋe; kiper manøgønø, uuna nyïïa buuta ki køør mëër mara ni wø ba jøøl.

Mathiew 26:45

Køøre ena duu baŋ bääŋi moe ni kööe jïge, na «?Aŋø, u poot ni uuno butö, nou jwöma rou en? Neennu, kanya wäŋŋi kare acäännö, ni Wär Dhaanhø cïba ceŋ jø raay ennø.

Mathiew 28:20

Ni pwönynyu geni ki man gwøkge gïïa caana jïïu bëët. 'Ba aani, aano en buutu cooth këël kanyo ŋuut pinynyi yie.»

Luk 22:53

Kany wø bëëda ki uuni cooth yi kal mar Øt Jwøk Mana Dwøŋ, ceŋŋu käru kïth dëëra. 'Ba beeye karu ennø, ni beeye kar teek muudhö.»

Luk 9:51

'Ba Jecu, kanya cään kar nïne moe ki man dwøgi maal, cwïnye atïmö ni lääŋŋa ciin yi Jerucalem.

Jøøn 11:55

'Ba kanyøgøøni ajwöm-cam Cäŋa Pööth Thøøe Yie mar jø Juuth kare ocäännö. Ni ö jiyi mo thööth ki dï paac ni cige yi Jerucalem, kanya poot cäŋ Cäŋa Pööth Thøøe Yie ni poodi, kuna jiiŋge dëëtge.

Jøøn 12:23

Ni løgi ya Jecu jïge, ni «Kanyo jiem Wär Dhaanhø yie kare acäännö.

Jøøn 13:29

'Ba jø møøk acädö ni Jecu caana gø jïre, ni «Ci ŋëëwï ki gïï wø manynyi kiper ajwöm cam,» wala caana gø nee ci kuna cïpe ki gïrpiny jï jøøa can, kiper mana näk opïr gwel ena cere, e na Juudac.

Jøøn 13:3

Jecu na ŋäc gø ni jammi bëët ocïp Wuue cere, ni eni ööi ka baŋ Jwøk, ni eni cäŋa døø baŋ Jwøk,

Jøøn 13:34

'Ba a wëëga uuni ciik mo nyään, ni mëërru ki røgu, keda mana mëëra ki uuni, kiper nou tïmu nou mëër ki røgu thuwø.

Jøøn 14:28

Awïnynyu na kööa jïïu, na ‹A aay, ni duua baŋu.› Onää u mëër ki aani, yïthu doo mïnnö, kiper a cøøa baŋ Wuuö. Kiper Wuuö dwøŋŋa eni ki aani.

Jøøn 14:31

'Ba a tïïya mana caan Wära jïra, kiper nee ŋäc jø pinynyi naa mëër ki Wuuö. Ööu, cøø aa.»

Jøøn 16:28

A käla baŋ Wuuö møn, ni ööa piny en. 'Ba a cäŋa aay piny ni døøa baŋ Wuuö.»

Jøøn 17:1

Kanyøgø na løny Jecu ki caan luupögøøni, ena lwïthö maal ni läme, ni kööe, na «Awuuö, kanya wäŋŋi aöö. Jiem Wäädï, niï jiem Wäädö,

Jøøn 17:16

Ge ba en ri mo piny, kaawat mara na ba ena ri mo piny.

Jøøn 17:26

Nyeŋŋï anyoodha jïge, 'ba cäŋa ka nyoothø, kiper nee mëër mana mëërï ki aani ki gø, nee tïme ni ena cwïnyge, ni ena rege.»

Jøøn 17:5

'Ba kawaane, Wuuö, jiem aani buutï ka ajiem mana kwøŋï aani jiem ki gø na pooda buutï, ni piny poot kär cwääö.

Jøøn 18:4

'Ba Jecu kiper na ŋäc japo pïï dëëre, ena ci nyïm ni kööe jï jøøgø, na «?Aŋa ni cayu?»

Jøøn 19:28

Køør manøgø na ŋäyi ya Jecu ni jammi bëët anø thur karge, ena köö, ni «Raa da riew.» Manøgø acaane nee luumma en yi Wëël Jwøk thur kare.

Jøøn 2:13

'Ba ajwöm-cam Cäŋa Pööth Thøøe Yie mar jø Juuth kare ocäännö, ni ö Jecu ni ci yi Jerucalem.

Jøøn 6:4

'Ba kanyøgø ajwöm-cam mar cäŋ Cäŋa Pööth Thøøe Yie mar jø Juuth kare ocäännö.

Jøøn 7:30

Kanyøgø gena tïmö ni ge manynya man makge gø, 'ba bäŋ ŋat mo cere ee rwaak baŋ gø, kiper na poot caa mare ni kär öö.

Jøøn 7:6

Ni løgi ya Jecu jïge, «Caa mara poot kär öö, 'ba uuni, caae bëët beyø kiperu.

Jøøn 8:20

Luupögøøni caane buut kar gïn wø cïp muuce yie, kanya pööe yi kal mar Øt Jwøk Mana Dwøŋ. 'Ba bäŋ dhaanhø aciel mo omak gø, kiper na poot caa mare ni poot kär öö.

Wëëlö Mana Göör Pøølli Baŋ Jø Röm 8:37

Jïre bäär. 'Ba ki yïth gïïögø bëët teeka øøni ki køør ŋata mëër ki øøni, ni bäŋ gïn mo maarge tïïc.

1 Körin 1:8

ŋato käär uuni këël aŋuun nïne, ni bäŋ ajäla dëëtu dïcäŋo näk dïcäŋ Kwääyø ma Jecu Krictø.

Ibaru 3:14

Kiper ø dwäti ka Krictø, ni näk gïna kwøŋø ŋääth yøø maa cwïnynyø møn këël cuŋŋe;

Ibaru 3:6

'Ba Krictø Øt Jwøk agwøe ni ena wäädö. 'Ba beeye øøni na øde, ni näk mo ø puta bëëtö ni cwïnynyø yøø maa ki mana jïëø ki gø, ni ø jeemma ŋäädhe marø.

Ibaru 6:11

Ni wa manynya man ö ŋati man nø dïïu, ni put cwïnye cïp køør ŋäädhe mare mar yi nyïm ki teeŋ jöörögø, ni put gø ŋäc na adïëri ki kare bäre, këël cuŋŋe,

1 Piter 1:13

Kiper manøgønø, caarru wïthu døøc ni magu wïthu, ni ŋääthu met ec ki cwïnynyu bäre, mano jootu yi cäŋo nyooth Jecu Krictø yie.

1 Jøøn 4:19

Ø mëër kaper na kwøŋ mëër ki øøni.

Mana Nyooth 1:5

ki baŋ Jecu Krictø, na näk lïŋi mana näk adïëri, ŋata kwøŋ duu wøk ki yi thøø, eni na wïth nyeye mo piny. Ajiem ki rööny en jïre këël na bäre bäre, ŋata mëër ki øøni, na pät øøni ki remme yïth raay moø,