Jøøn 12:43 - Wëël Jwøk

⁴³ Kiper ge mëër ka pwøc jiy, ni kaala pwøc mar Jwøk.

Jøøn 12:43 Iomraidhean Croise

Pwöc Leec Wïc 29:25

Ki man lwäärö ki dhaanhø beeye abïëp jï dhaanhø, 'ba ŋat wø ŋääth Wuuö Jwøk bëëdö no ogwøø.

Mathiew 6:2

«Kiper manøgønø, kanyo wäro cïpï ki jammi jï jøøa can, kär kunhnhï ki tuuŋ, kaawat man wø tïïc jø atade yïth uut acook lam ki uutjïëthe, kiper nee ge pwøc jiyi. Adïëri møn, a caana gø jïïu, ni mana doo ci jïge, anø jootge.

Luk 16:15

'Ba Jecu aköö jïge, ni «Beeye uuni ni wø pwøc dëëtu keeru nyïm jiy nou beyø, 'ba cwïnynyu ŋäc Jwøki. Kiper gïn wø näk wøp døc ki jï jiy, beeye gïna raaca eni ki jï Jwøk.

Luk 19:17

«Ni kööe jïgø, ni ‹Wøp døc, ï na laŋŋø mo beer. Kiper mana tïmï niï maar ka ŋääth ri gïna thiinh, mïëri apaar owëëk ïïni ni tïmge ni ena cerï.›

Jøøn 12:26

'Ba ni näk da ŋat mo tïnynya aani, wär eni caath køøra. Ni kanyo ena yie, beeye kanyo en ŋat wø tïny aani yie thuwø. 'Ba ni näk da ŋat mo tïnynya aani, eno røøny Wära.

Jøøn 5:41

'Ba ajiem mara ba jooda baŋ jiy.

Jøøn 5:44

?Uuno jïëyu nidïï ni näk mou poot caya pwøc dhaanhø mør, nou ba cac pwøc man wø ööi ki baŋ Jwøk na näk aciel keere?

Jøøn 7:18

Ŋat wø cäänö ki wïïe keere, wø cäänö kaper nee eni pwøc. 'Ba ŋat wø many Eni na jääŋ gøøni nee pwøc beeye na adïëri, ni eni bäŋ cwøk jïre.

Jøøn 8:54

Ni løgi ya Jecu, ni «Ni näk maa pwøya dëëra, pwøc mara ba doo thura kare. 'Ba beeye Wära ni wø pwøc aani, ŋat wø gïre caannu ni beeye Jwøk maru.

Wëëlö Mana Göör Pøølli Baŋ Jø Röm 2:29

'Ba dhaanhø wø tïmö ni ena ŋat Juuth ma adïëri kiper man wø en cwïnye. Ni daŋ ma adïëri beeye gïn mo ena cwïny, na gïr jwïëy ni patha gïn mo tïïc ka cenø. Ni pwøc mare ba käl baŋ jiy, 'ba käla baŋ Jwøk.

Wëëlö Mana Göör Pøølli Baŋ Jø Röm 2:7

Ni eno cïpi ki kwøw mana näk adïëri mo bäŋ cuŋŋe jï jøw wø tïïc gïïa beyø ni cwïnyge ege cïp piny, ni ge caya ajiem, ki wödö, ki kwøw mana näk bäŋ thøø ree.

1 Körin 4:5

Kiper manøgønø, käru ŋut piny ni kanya wäŋŋi poodi, ni Kwäärö poot kär öö, ŋato wëëk jammi nëënne, moø no okanø yi muudhö yøø, ni nyooth tiet luup moa en cwïny jiy. 'Ba kanyøgø jiy bëët ojïti ki pwøc mano wëëk Jwøki geni.

2 Körin 10:18

Kiper paa ŋat wø nyooth dëëre ni wø jïëc, 'ba beeye ŋat wø nyooth Wuue.

1 Thecalönika 2:6

Ni bäŋ pwøc mo ewa manynyø baŋ jiy, nee uuni wala jø møøk,

1 Piter 3:4

'Ba wøp maru wär tïme na mööl ki lïŋŋe ni en cwïnynyu ni wø ba ränynyi, ni beege ni mïërö ki waŋ Jwøk.

1 Camiel 15:30

Køøre Cøøl aköö, ni «Aana bääyö møn; 'ba ennø, a kwaya ïïni, tïïc aani naa wøør nyïm jø døøk powa, këël jø powa ma jø Icriel bëët, nøø aa ki ïïni na aciel, nee Wuuö Jwøk, Jwøk marï, nee wøøra.»

1 Camiel 2:30

«Kiper manøgønø, Wuuö Jwøk Jwø Icriel mare acaane ni kööe, ni ‹Ka adïëri møn, aana köö ni dhi øtø marï ki dhi øt kwaru doo bëëdö ni tïïö geni na dïlämme nyïma cooth;› 'ba ennø, Wuuö Jwøk mare acaane ni kööe, ni ‹Gïnögø ba tïïa këët, kiper jø wø wøør aani, ge wøøra wøørø; 'ba jø wø taak aani, ge tïmö ni geno taaø thuwø.