Jøøn 12:41 - Wëël Jwøk

⁴¹ Luummögø acaan Aydheea kiper na joot ajiem Jecu, ni cääne kiper gø.

Jøøn 12:41 Iomraidhean Croise

Luk 24:27

Ni par luup bëët jïge moa en yïth weet Jwøk na näk ocaanø kipere, ni tääe ka luup Modhe këël mo nyïïkuk Jwøk bëët.

Jøøn 1:14

Ni ö Dwørøgøøni ni tïme na dhaanhø ni bëëde dïïø, ni mëër ka adïëri okääthö jïre. Ni waani ajiem mare ewa neenø, ajiema en jï Wäädö na näk aciel jï Wuuö.

Jøøn 1:18

Bäŋ dhaanhø aciel mo Jwøk ee neenø, 'ba beeye Wäädö mana näk acielø jï Jwøk na en kö Wuuö na nyooth gøøni.

Jøøn 14:9

Ni kö Jecu jïre, «?Aŋø, a kär bëëdö ki uuni ki kany mo bäär? ?A poot kuyï en, Pilip? Ŋat maa ee neenø, Wuuö ee nø neen. ?Aŋø ni kööï, ni ‹Nyuth wa Wuuö›?

Jøøn 5:39

U wø määnyö yïth weet Jwøk, kiper you caarø ni yïth luupögø beeye noo jootu kwøw mana näk adïëri mo bäŋ cuŋŋe. Ni beege geni ni wø køp gïra.

Moa Tïïc Nyïïatwieli 10:43

Ni beeye eni na gïre caan nyïïkuk Jwøki bëët, ni jiy bëët moo jïëy ki eni ni ŋääthge gø, raacge owec ki køør nyeŋŋe.»

2 Körin 4:6

Kiper beeye Jwøk na köö, ni «Tar rienye yi muudhö,» na wëëk tar rieny yïth cwïnynyø, nee tay ajiem Jwøk ni en täärnyïm Krictø wëëk ŋäc.

Ibaru 1:3

ŋata joot ajiem Jwøk dëëre, ni kït Jwøk kiree ena dëëre, ŋata bëën jammi bëët ki dwøre na teek. 'Ba eni, kanya nø wëën ajäl raay, ena pï piny bäät cwïï Kwääya dwøŋ ni en maalø.

1 Piter 1:11

Ni pëëge na a teeŋ dhaanhø mo nyïëdi, wala a cäŋa ŋø na cään Jwïëc Krictø na en cwïnyge kiper gø, kanya køpge gïïa leth moo jwør Krictø, ka ajiem mano joode cään.

Mana Nyooth 19:10

Kanyøgøøni aana päth tiete nee wøøra. 'Ba ena köö jïra, ni «Gïnögø kär tïïyï, kiper aana laŋŋø ki ïïni na aciel ki nyïïmeru, ni beege jø wø en gïr Jecu cwïnyge. Wøør Jwøk.» Kiper gïr Jecu wø køp beeye luup wø køp nyïïkuk Jwøki thuwø.