Jøøn 12:40 - Wëël Jwøk

⁴⁰ ni «Nyeŋge awëëk Jwøki cøørø, ni tïïc cwïnyge ni teek, kiper nee ba neenge ki nyeŋge, ni ba kwanyge tier gø ki cwïnyge, nee rege ba cäŋge luu baŋa nee ge kønya.»

Jøøn 12:40 Iomraidhean Croise

1 Nyeye 22:20

Ni kö Wuuö Jwøki, na ‹?Aŋa noo maaŋ wï Akap ni wëëk gø ciin Ramöth-Gelät nee 'näk?› Ni ö ŋati man nø ni caan man nø.

Bwøth Wøk 10:1

Køøre Wuuö Jwøk aköö jï Modhe, ni «Ci baŋ Peerø, kiper cwïnye ki cwïny jø kööre moe døøya aani mo teek, kiper nee ŋïïce moi na 'moa ii nee tïïa dïge;

Bwøth Wøk 11:10

'Ba Modhe ka Aran gïï mo rëëma ec moøgø atïïcge nyïm Peerø; 'ba Wuuö Jwøk cwïny Peerø poot døøye mo teek, ni ö Peerø ni män jø Icriel ki man aacge paare.

Bwøth Wøk 14:17

'Ba aani cwïny jø Ijep odøøya mo teek møn ni lämge køør jø Icriel; 'ba aani teek mara onyoodha ki ri Peerø ki lwaak mar leny mare bäre, ki jïëthe moe mo wø tut okwëënyi, ki jø okwëënyi moe.

Bwøth Wøk 14:4

Køøre aani cwïny Peerø odøøya mo teek, ni läm køøru. 'Ba aani teek mara onyoodha ki ri Peerø ki lwaak mar leny mare bäre; ni ö jø Ijepi ni putge gø ŋäc møn ni beeye aani na Wuuö Jwøk.» Ni ö jø Icrielli ni døøge ŋäthge keda mana caani ya Wuuö Jwøki jïge.

Bwøth Wøk 14:8

Ni ö Wuuö Jwøki ni døøc cwïny Peerø nyeny Ijep mo teek, ni ö Peerø ni läp køør jø Icriel, ni jø Icriel cäädhi ni cwïnyge da cer.

Bwøth Wøk 4:21

Ni cäŋ Wuuö Jwøki köö jï Modhe, ni «Kanyo døøï Ijep, nyuuthe bëët moa cïba teek marge jïrï nee tïïyï, wär tïïyï nyïm Peerø; 'ba aani cwïny Peerø odøøya mo teek nee jø Icriel mäne ki man aacge.

Bwøth Wøk 7:13

'Ba Peerø cwïnye poot bëëdö ni teek, ni käre luumge wïnynyö, kaawat mana kwøŋi ya Wuuö Jwøki caan jï Modhe.

Bwøth Wøk 7:3

'Ba aani cwïny Peerø odøøya mo teek, ni tïïa ŋïïce ki gïï mo rëëma ec 'moa ni thööth yi ŋööm Ijep.

Bwøth Wøk 9:12

'Ba Wuuö Jwøk cwïny Peerø adøøc mo teek, ni ö Peerø ni käre luumge wïnynyö, kaawat mana kwøŋi ya Wuuö Jwøki caan jï Modhe.

Aydheea 26:11

Wui Wuuö Jwøk, cerï atïŋï maal ni kärge gø joodø. Nyooth këëyö marï jïge kiper jiyï, ni wëëgï ge lään wïc. Wui, beerra man ö maaci ni thöör nyïïmän moï.

Aydheea 29:10

Kiper Wuuö Jwøk akän bäätu ki jwïëc niine mo thööth, ni wëëk nyeŋŋu nijïïm, u na nyïïkuk Jwøk, ni cïëk wïthu, u na jø wø joot jammi ki køør man wø nyooth Jwøki jïïu.

Aydheea 53:5

'Ba eni, dëëre ajïtö ki ŋwiili ki køør japa reyø na tïïø, eni gïï mo leth apïï dëëre kiper raay moø. Gïïa tägö dëëre beeye na jïtø ki bëët-mëër ki køørge; ni bee ŋwiili moa pïï dëëre na jöön dëëtø en.

Aydheea 6:10

Tïïc cwïny jøøgø ni teek, ni cïëgï ïthge, ni meyï nyeŋge, nee tïme ni ba løny ki man nëënge ki nyeŋge, ni ba wïnyge ki ïthge, ni ba ci luupi cwïnyge, ni ba duuge baŋ Jwøk ki man jïtge ki køny.»

Aydheea 6:9

Køøre ena köö, «Ciï, ni caanï gø jï jøøgø ni kööï, «ni ‹Bëëdu ni ïthu you ciiø, 'ba tiere ba kwanynyu; bëëdu nou räŋö, 'ba tiere ba ci cwïnynyu.›

Jeremaya 3:22

'Ba Wuuö Jwøk aköö, ni «U na jiya na näk cwïnynyu ogaa wøk, duu baŋa, uuno tïïa nee cwïnynyu ba gaage wøk këët.» Ni köge, ni «Ka adïëri møn, waani, wa duua baŋï, kiper beeye ïïni na Wuuö Jwøk, Jwøk marwa.

Jeremaya 5:21

ni ‹Wïnynyu gïn, u na bøøre na wïthu bäŋ acaara, u na jïïu da nyeŋŋi, 'ba u ba nëënö; u na jïïu da ïdhi, 'ba u ba wïnyö.

Edhikiel 12:2

ni «Wär dhaanhø, ï ena dï jiy ma jø ageem. Gena jiy mo da nyeŋ jïge mo raŋ, 'ba ge ba rääŋö; ni da ïdhi jïge mo wïnynyö, 'ba ge ba wïnyö; kiper gena jø ageem.

Edhikiel 14:9

« ‹'Ba ni näk mo nyikuŋ Jwøk ocøøgø ni tïme ni cara luup tööt, bee a na Wuuö Jwøk na wëëk gø cøøgø. Aani cera tïŋa maal bääte ni jääla gø ni raanynya gø yïthakic jiya ma jø Icriel.

Odheea 14:4

Wuuö Jwøk aköö, ni «Jiya 'duua baŋa, ni nyoodha mëër mara jïge ni yia met jaak, kiper wëër mara anø paanya bäätge.

Odheea 6:1

«Ööu, nøø døø baŋ Wuuö Jwøk, kiper eni, øøna tøye møn na thäŋi, 'ba ø cäŋe ka kønynyø. Eni, dëëtø amooe møn ki ŋwiili, 'ba ŋwiili 'moø cäŋe ka bäyö.

Mathiew 15:14

Wiiu geni karge. Geni, ge caala cööye mo ge pieya cööye. Ni näk ŋat ma cwør pieya cwørri mør, ge pätha yi buur karge riet.»

Maak 4:12

« ‹kiper nee neenge møn, 'ba tier gø ba jootge. Ni wïnyge gø møn, 'ba tier gø ba kwanyge. Kiper kanymør dëëtge dege løø ni wëën geni.› »

Maak 6:52

Kiper gïr muunni kär ci cwïnyge døøc. 'Ba cwïnyge wø poot teek.

Luk 4:18

ni «Jwïëc Wuuö Jwøk ena bääta, kiper aana jiere nee luumma nyään na met caana jï jøøa can. Ni jääŋ aani nee pät mar jøøa näk otwöö køba jïge, ki døøn nyeŋ karge jï cööye, ni päda jøøa näk odïïmö,

Luk 8:10

ena köö, ni «Beeye uuni na wëëk ŋäc tiet luup moa näk tietge okwøŋ kan kiper buc Jwøk. 'Ba ki jï jø møga, luupögø caan kaamar leer, kiper noo neenge gø, ba jootge; ni wïnyge gø, 'ba tiere ba kwanyge.

Jøøn 12:39

Ni beeye na kärge jïëy, kaawat mana cäŋ Aydheea caannø,

Jøøn 9:39

Ni kö Jecu, ni «Aani, a ö piny kaper nee luup jiy ŋøla, nee jøøa bäŋ nyeŋ, nee nëënge, ni tïm jøøa da nyeŋ na cööye.»

Moa Tïïc Nyïïatwieli 15:3

Køøre gena aay ni ge jääŋŋa acooŋ Jwøki, ni cørge Pönicia ki Cameria ni ge caana luum løk røk mar juurre, ni ö cwïny nyïïmëëe mo thööth ni døøcge ge mo met.

Moa Tïïc Nyïïatwieli 28:26

«ni ‹Ci baŋ jøøgø, ni kööï, no «Owïnynyu møn, ni ba maaru tiere kwany, ni nëënu møn, 'ba bäŋ gïn jootu.

Moa Tïïc Nyïïatwieli 3:19

Kiper manøgø nø, cäŋu wïthu caarrø ni løgu cwïnynyu, kiper nee moa bayu puu wøk, nee yïthu cäŋge mïnnö kiper Wuuö Jwøk noo en buutu,

Wëëlö Mana Göör Pøølli Baŋ Jø Röm 9:18

Kiper manøgønø, eni wø kønya ŋat wø kønye kaa mana manynye, ni ŋat wø cwïny gø døøc mo teek, wø døøye mo teek kaawat mana manynye.

Tiet Ciik 29:4

'Ba këël dïcäŋi en Wuuö Jwøk u käre mooø ki cwïny ki man ŋäyu tiet gïïa tägö, wala waŋ mo neennu ge ki gø, wala ïth mo wïnynyu ge ki gø.

Jøcua 11:20

'Ba beeye Wuuö Jwøk na tïïc cwïny jøøgø ni teek, nee öge baŋ leny ki jø Icriel, nee wïthge put dïïr na bäre bäre ni bäŋ bäth ec mo onyoodhø jïge; 'ba wïthge aput dïïr, kaawat mana ö Wuuö Jwøki na kööm Modhe.