Jøøn 12:32 - Wëël Jwøk

³² 'Ba aani kanyo tïŋ a maal bäät piny, jiy bëët onyïïa baŋa.»

Jøøn 12:32 Iomraidhean Croise

2 Camiel 18:9

'Ba gïna tägö, Abëcëlöm anigäk ki jø leny mo Deebit. 'Ba kar kaagø, Abëcëlöm cäädhi ka bäät gääŋŋö mare. Køøre gääŋŋö areeŋø ni dønye ki tier jaath mo dwøŋ mo bääte onilway piny. Ni ö wï Abëcëlömmi ni puti ya bäät jaadhøgø mak, ni put dööŋŋö ni lïërö kaace. 'Ba gääŋŋö mana cäädhe ki bäät gø aput reeŋø.

Obeec Dudi 1:4

Nyïï aani buutï, nøø putø aay ennø na aciel! Beerra man ö nyeya mara ni kïth aani yi øtø mare. Wa kanynyø kiperï ni yïthwa omïnnö; mëër marï pwøcwa pwøø ni kaala køøŋ nyïïomøki. Wui, mëër mar nyïïakuue ki ïïni kee kare møn!

Aydheea 11:10

Dïcäŋeca lwinh Jeci ocuŋŋi na ŋïï kiper wïth juurre; ni ö wïth juurre ni kuutge ree, ni ö kar bëëtö mare ni pääŋe ka ajiem.

Aydheea 49:6

Ena köö, ni «Bee gïn mo thiinh jaak kipera ki man tïïa ïïni na dhaanhnha, nee wïth tuŋi mo Jeekap tïŋï maal, ni duuï jø Icriel moa no odööŋ ni kwøw. Aani thuwø ï tïïa tïïö ni ïïna tar mar wïth juurre, nee pïëm mara man wø piema jiy ki gø nee pïïe teegi mo piny bäre.»

Odheea 11:4

Gena käära ni ge yaa twöö ki mëër; ni tïma jïge ni beeye ŋata käl tëëra peek wøk göökge, tëër wø caal jaath man wø rïï ŋut dhieŋ ri puur; ni caama geni ni dëëra yaa dwøk piny.

Kwään Jiy 21:9

Ni ö Modhe ni tïïe ki thwör jwïël ni lïër gø bäät jaath mo ocwöth piny; ni ö jøøa näk okaac thwöre bëët ni jïtge ki køny kanya neenge gø.

Jøøn 1:7

Ena öö kiper nee cääne, nee gïr tayøgøøni købe, kiper nee jiy bëët jïëcge ni ŋääthge ki køøre.

Jøøn 12:34

'Ba aløk lwaaki jïre, na «Awïnywa ri ciik Jwøk ni Krictø doo bëëdö na bäre bäre. ?Aŋø na caanï gø, ni Wär Dhaanhø doo tïŋa maal? ?Wär Dhaanhnhøgø aŋa?»

Jøøn 18:32

Manøgø tägi kaper nee luubö mana kwøŋ Jecu caan thur kare, ni nyootha thøø mano thøøe ki gøøni.

Jøøn 19:17

Ni ö dïkuye ni kälge Jecu, ni cøøe, ni käära jaadhe na no odëëdö, ni cøøa kany mo cwøl ni Kar Cuu Wïc, na cwøl ni Gølgøtha ki dhi Ibaru.

Jøøn 3:14

'Ba Wär Dhaanhø ŋaaba maal kaawat mana ö Modhe na ŋaap thwöl maal dï paap,

Jøøn 6:44

Bäŋ dhaanhø mo doo maara ö baŋa ni näk ba nyïï Wära na jääŋ aani. 'Ba eni otïŋa maal yi cäŋo cuŋ pinynyi yie.

Jøøn 8:28

Kanyøgø Jecu aköö, ni «Noo ŋaabu Wär Dhaanhø maal, oŋäyu nø ni beeye aani na eni, ni bäŋ gïn mo tïïa ki wïïa keera, 'ba a wø cäänö keda mana ö Wuue na pwöny aani.

Galeecia 3:13

'Ba Krictø acïëni mana doo en bäätø kiper ciik Jwøk, awëënne, kiper mana tïme ni cien kaperø. Kiper ogöörö, na «Acïëni oen bäät jiy bëët mo wø 'näk no oŋaap bäät jaath.»

1 Timöthi 2:6

ŋata wïïr ree nyeŋ kwöc jiy bëët, ni gïre ocaanø ki kanya näk kare.

Ibaru 2:9

'Ba ø neeta Jecu, ŋata tïïc ni thiinhnha eni ki nyïïatwiet maal ki kany mo thiinh kiper nee thøø bele kiper jiy bëët, ki køør met yi Jwøk. 'Ba ennø, ø neeta eni no orøønyø ka ajiem ki wödö kiper thøwa leth na jwøre.

1 Piter 2:24

'Ba eni ki dëëre raay 'moø akääre ki rïŋ dëëre bäät jaath nee ø ba bëënnø raay, 'ba nee ø bëënnø moa beyø. Ni beeye ŋwiili moe na wëëk dëëtø jöönnö.

1 Piter 3:18

Kiper Krictø thuwø athøw kiper raay yie aciel na bäre bäre, ŋata beer na thuunh jøøa reyø, kiper nee ø kïth baŋ Jwøk, ki køør mana 'näk dëëre ni cäŋi wëëk kwøw ki ri jwïëy.

1 Jøøn 2:2

Ni beeye eni no olämi kiper raay moø, 'ba patha per raay 'moø keerø, 'ba beeye kiper raay mo jø piny bäre.

Mana Nyooth 5:9

Ni wärge ki duut mo nyään, ni köge, ni «Røma ïïni ki lwør wëëlö ni japï möönne moe. Kiper ïïna 'näk, ni wïïrï kwör jiy ki remmï kiper Jwøk, jøøa käl røk tuŋi bëët, ki dhøgi, ki wïth juurre, ki yïth mïëri bëët.