Jøøn 12:28 - Wëël Jwøk

²⁸ Awuuö, jiem nyeŋŋï.» Køøre dwøl aput öö ki maal, ni kööe, na «Anø jiema, ni cäŋa ka jiemmø.»

Jøøn 12:28 Iomraidhean Croise

Mathiew 11:25

Kanyøgø Jecu aköö, ni «Ïïna pwøa, Awuuö, ï na Kwääc maal ki piny, kiper mana mänï gïï ki jøøa wïthge leer na ŋäc jammi, ni nyoothï geni jï obwöre moa mar.

Mathiew 11:26

Kiper beeye mana manynyï ki met yiï, ï na Wuuö.

Mathiew 17:5

'Ba kanya poode ni cäänö, pöölö mo tar anijïïm bäätge. Ni ö dwølli ki yi pööllögø, ni caana gø, ni «Man beeye Wääda na mëëra ki gø, na met yia ki mare. Wïnynyu luumme.»

Mathiew 26:42

Ni cäŋ døøgø ri rietge ni läme ni kööe, na «Awuuö, ni näk maath athöödhi man ba maar pöödhö, ni ba kääŋi ki man mädha ki gø, tïïc mana manynyï.»

Mathiew 3:17

Ni put dwølli öö ki maal ni kööe, ni «Man beeye Wääda na mëëra ki gø, na met yia ki mare.»

Maak 1:11

Ni ö dwølli ki maal, ni kööe, ni «Ïïna Wääda na mëëra ki gø, na met yia ki marï.»

Maak 14:36

Ni kööe, «Abba, Awuuö, jammi bëët lønynya jïrï. Wëëk maath athöödhi man pöödhö bääta. 'Ba paa ki køør mana manynya, 'ba beeye ki køør mana manynyï.»

Maak 9:7

Ni ö pöölö ni neejïïm bäätge. Ni ö dwølli ki yi pööllögø ni kööe, ni «Man beeye Wääda na mëëra ki gø. Wïnynyu luumme.»

Luk 3:22

ni ö Jwïëc Jwøki na en kur keere ni ö bääte ki maal ki dëël mo caala dëër akuuru, ni put dwølli ö ki maal, mo köö, ni «Ïïna Wääda na mëëra ki gø, na met yia ki marï.»

Luk 9:35

Ni ö dwølli ki yi pööllögø, ni kööe, ni «Man beeye Wääda na näk yaa jierø. Wïnynyu luumme.»

Jøøn 11:4

'Ba na wïnynyi ya Jecu, ena köö, ni «Täwögøøni ba cööp ri thøø, 'ba beeye noo käl ajiem jï Jwøk, kiper nee O Jwøk jiem ri gøøni.»

Jøøn 18:11

'Ba Jecu aköö ki Piter, ni «Dwøk opëëllö marï yi købe. ?Aŋø, athöönhnha cïp Wära jïra ba daa maadhø?»

Jøøn 9:3

Ni løgi ya Jecu, ni «Paa kiper ni nyenøgø obääyö, wala jøøa nywøl gø, 'ba beeye kiper nee tïïe mo Jwøk nyooth ki ree.

Epeca 2:7

kiper nee met yie na päl na bäŋ teeŋe nee nyoodhe jïïø ki bäth ec ki ri Krictø Jecu yi piny mano ööi.

Epeca 3:10

nee leec wï Jwøk na päl wëëk ŋäc ennø ki køør acooŋ Jwøk jï moa näk ocuumö maalø ki moa jïge da teek maalø.

Epeca 3:21

Ajiem en jïre ki ya acooŋ Jwøk ki ri Krictø Jecu ki yïth beenhnhe bëët këël na bäre bäre. Enøgønø.

2 Piter 1:17

Kiper kanya ö eni na wëëgi wøør ka ajiem mana käl baŋ Jwøk na näk Wuuö, kanya ö dwøra öö ki baŋ Kwääy ajiem na bäŋ teeŋe na caan gïn kipere, ni «Man beeye Wääda, ŋata mëëra ki gø, na met yia ki mare,»