Jøøn 12:27 - Wëël Jwøk

²⁷ «Kawaane ennø cwïnya opädhö. ?'Ba agïnaŋø noo caana? ?A doo köö, na ‹Awuuö, wëëk a pöödhö ki yi gïn›? Patha eni, kiper beeye kanya wäŋŋi en na öönynya.

Jøøn 12:27 Iomraidhean Croise

Aydheea 38:15

«?'Ba agïne noo caana nø? Kiper Wuuö Jwøk anø cäänö ki aani, ni ö eni ki dëëre kiree ni nø tïïc mare. Aano bëëdö ni dëëra yaa dwøk piny ki yïth cwiiri 'moa bëët, kiper gïna leth na jwøra ki cwïnya.

Aydheea 53:3

'Ba ena bëëdö no otaaø no okwier jiyi, ni bëëdö ni kïmmö ni ena yi bëëtö mo leth. Jiy bëëdö ni täärnyïmge løøge wøk ki eni, kaamar dhaanhø mo dëëre da täw mo raac. Ena bëëdö no otaaø, ni kärø cädö døc kipere.

Mathiew 11:25

Kanyøgø Jecu aköö, ni «Ïïna pwøa, Awuuö, ï na Kwääc maal ki piny, kiper mana mänï gïï ki jøøa wïthge leer na ŋäc jammi, ni nyoothï geni jï obwöre moa mar.

Mathiew 11:26

Kiper beeye mana manynyï ki met yiï, ï na Wuuö.

Mathiew 26:42

Ni cäŋ døøgø ri rietge ni läme ni kööe, na «Awuuö, ni näk maath athöödhi man ba maar pöödhö, ni ba kääŋi ki man mädha ki gø, tïïc mana manynyï.»

Mathiew 26:45

Køøre ena duu baŋ bääŋi moe ni kööe jïge, na «?Aŋø, u poot ni uuno butö, nou jwöma rou en? Neennu, kanya wäŋŋi kare acäännö, ni Wär Dhaanhø cïba ceŋ jø raay ennø.

Luk 22:44

'Ba kiper mana tïme ni cwïnye opädhö døc, ena lämö døc ki cwïnye bäre. Ni ö kwäk mare ni tïme kaamar remø ni tøøna piny.

Luk 22:53

Kany wø bëëda ki uuni cooth yi kal mar Øt Jwøk Mana Dwøŋ, ceŋŋu käru kïth dëëra. 'Ba beeye karu ennø, ni beeye kar teek muudhö.»

Jøøn 11:41

Kanyøgø kïdi adaakge. Ni ö Jecu ni lwïthe maal ni kööe, «Awuuö, a duua met ec jïrï kiper na wïnynyï mara.

Jøøn 12:23

Ni løgi ya Jecu jïge, ni «Kanyo jiem Wär Dhaanhø yie kare acäännö.

Jøøn 13:21

'Ba na løny Jecu ki caan luummögø, cwïnye apädhö, ni put dwøre caan, ni kööe, na «Adïëri møn, a caana gø jïïu, ni dhaanhø aciel dïïu aano cïp ceŋ nyïïmän.»

Jøøn 18:37

Ni kö Paylati jïre, «?Aŋø, ïïna nyeya nø?» Ni løgi ya Jecu jïre, na «Acaanï na kare ni aana nyeya. Ni beeye na nywöl a kipere, ni beeye gïna ööa piny kipere, naa køpa gïr adïëri. 'Ba jiy bëët mo wø en ra adïëri, dwøra wø leŋge leŋø.»

1 Timöthi 1:15

'Ba luubö man en beeye adïëri møn mo doo jïëö, ni Krictø Jecu aö piny kuna piem jø raay. 'Ba beeye aani na näk wïth jø raay.

Ibaru 2:14

Kiper manøgønø, na tïme ni jøøgø beege jic dëël ki remø, eni ki dëëre, ena tïmö na dhaanhø kaamarge, kiper nee ŋata en teek thøø cere na näk anägö, nee raanynye ki køør thøwe,

Ibaru 5:7

'Ba yïth nïne moa bëët Jecu bäät piny, Jecu alämö ni kwac Jwøk, ni jwöŋe ki pï nyeŋ ki dwøl mo päl, ni jwönna ŋata näk løny jïre ki man piem gø nee ba thøøe, ni wïny mare kiper mana leŋ luup mo Jwøk.