Jøøn 12:20 - Wëël Jwøk

²⁰ 'Ba da jø Gïrïïk dï jøøa ci baŋ lam yi kar ajwöm-cam Cäŋa Pööth Thøøe Yie.

Jøøn 12:20 Iomraidhean Croise

Aydheea 11:10

Dïcäŋeca lwinh Jeci ocuŋŋi na ŋïï kiper wïth juurre; ni ö wïth juurre ni kuutge ree, ni ö kar bëëtö mare ni pääŋe ka ajiem.

Maak 7:26

'Ba nyijøøgø beeye nyi jø Gïrïïk, mo nywølla Cayröpönicia. Ni ö nyijøøgø ni kwac Jecu kiper nee anägö riem wøk dëër nyaare.

Jøøn 12:1

'Ba kanya poode ni dööŋŋa nïne abïciel kiper ajwöm-cam Cäŋa Pööth Thøøe Yie, Jecu aö yi Bethani, kanya bëët Ladhara yie, ŋata tïŋ Jecu maal ki yi thøø.

Jøøn 12:19

'Ba kanyøgøøni jø Paricith acäänö yïthakicge keerge, ni «Käru joodø, uuni, bäŋ gïn mo maaru tïïc! Neennu, dhaanhø bäre aci køøre!»

Jøøn 7:35

'Ba jø Juuth acäänö yïthakicge keerge, ni köge, ni «?Ŋati, a kanya ŋø cøøn noo ci yie, ni eni ba joodø en? ?Aŋø, eni manynya man ci baŋ jø Juuth moa näk okeethø dï jø Gïrïïk, nee jø Gïrïïk pwönynye?

Moa Tïïc Nyïïatwieli 14:1

'Ba Barnaba ki Pøøl, kanya bëëtge yi Ayköniem, gena døny yi øt acooŋ lam mar jø Juuth, ni pööge, ni ö jiyi mo thööth ni jïëcge ni ŋääthge, ni beege jø Juuth ki jø Gïrïïk.

Moa Tïïc Nyïïatwieli 16:1

'Ba Pøøl ki Cayla gena öö Derbe ki Litara thuwø. 'Ba kaace da bääŋ mo nyeŋŋe Timöthi, ma o nyakøøn jø Juuth mo ojïëy. 'Ba wänni ŋat Gïrïïk.

Moa Tïïc Nyïïatwieli 17:4

'Ba møøk dïge gena jïëy ni dwätge ki Pøøl ki Cayla. 'Ba jø Gïrïïk mo thööth moa näk cwïnyge ege cïp køør Jwøk, gena jïëy thuwø, ki mään mo ba nøk moa näk kwör cwøwge døøŋŋø.

Moa Tïïc Nyïïatwieli 20:21

naa cäänna jø Juuth ki jø Gïrïïk bëët kiper løk cwïny baŋ Jwøk, ki ŋääth Kwääyø ma Jecu Krictø.

Moa Tïïc Nyïïatwieli 21:28

ni ge rëëdö, ni «Jø Icriel, kunynyu! Ŋati en beeye nyena pwöny jiy bëët bäät piny bäre ki man taakge luup jø pøø, ki ciik Jwøk, ki Øt Jwøk marø man en, ni käl jø Gïrïïk yie thuwø, ni tïïc kany ni en kur keere na mar Jwøk en ni ba waany.»

Moa Tïïc Nyïïatwieli 8:27

Ni ö maal ni aae. 'Ba kanyøgø da nyï Ithiöpia mo odïnö mo tïnynya nyijøøa cwøl ni Kandace, ma nyeny jø Ithiöpia, na en jape bëët cere, mo oöö yi Jerucalem kuna wøør Jwøk.

Wëëlö Mana Göör Pøølli Baŋ Jø Röm 1:16

Kiper aani, wïïa ba laay ki luumma nyään na met, kiper beeye teek Jwøk ki man piem jiy bëët mo wø jïëy ni ŋääthge, ni tägi ka jø Juuth, këël mano këët baŋ jøw mo patha jø Juuth.

Wëëlö Mana Göör Pøølli Baŋ Jø Röm 10:12

Kiper bäŋ ajeeny yïthakic jø Juuth ki jøw mo patha jø Juuth. Kiper Uunögø na aciel enø beeye Wääge bëët, ni jap kwärö moe na thööth wø mëëge jø wø cøør nyeŋŋe bëët.

Galeecia 2:3

'Ba Tayta na bëëdö buuta, këël na näk ŋat Gïrïïk, kär maa ki teek nee daŋ.

Galeecia 3:28

'Ba kawaane bäŋ ŋat Juuth wala ŋat Gïrïïk këët, ni bäŋe laŋŋø wala ŋat mo bëëdö ka wïïe keere, ni bäŋe thwønh wala maath, kiper uuna tïmö ni uuna aciel dëër Krictø Jecu.

Köløcia 3:11

'Ba ki ri bëëtö manøgø, bäŋ ŋat mo jeeny ni ena ŋat Gïrïïk, wala ŋat Juuth, wala ŋat mo odaŋø, wala ŋat mo kär daŋø, wala jur, wala jøw mo otaaø, wala laŋŋø, wala ŋat mo bëëdö ka wïïe; 'ba Krictø ena wïth jøøgø bëët, ni en cwïnyge bëët.