Jøøn 12:13 - Wëël Jwøk

¹³ Kanyøgø gena käädö ki bäät tuue ni cige kuna røømge ki eni, ni ge rëëdö, ni «Odhaana! Pwøc en jï Jwøk! Gwïëth en ri ŋat ööi en ki nyeŋ Wuuö Jwøk, ni beeye na Nyeny jø Icriel.»

Jøøn 12:13 Iomraidhean Croise

Aydheea 44:6

'Ba man beeye dwør Wuuö Jwøk, eni na nyeny Icriel, na wïïl jø Icriel wøk, ni bee eni na Wuuö Jwøk, eni na wïth jammi bëët, ena köö, «Bee aani na wïlöölö ni näga aŋuudi, ni bäŋ Jwøk mør këët ni näk mo paa aani.

Odheea 3:5

'Ba noo tïme na køør gïïögø, jø Icriel geno duui ni manyge Wuuö Jwøk, Jwøk marge, ni manyge nyeya marge ma nyikwaar Deebit. Geno duu baŋ Wuuö Jwøk ni dëëtge kwanynyi ki lwär kiper gwïëth mare mano en ya aŋuun nïne.

Ciik Kiper Dïlämme 23:40

'Ba noo tïme ni dïcäŋ mana dïkwøŋ, wär lwötu ki nyïïjenni mo mïërö, ki bäät twöe, ki bäät jenni moa bøøge moge thööth, ki bäät jera no otuy waŋ naam. Køøre nø, wäru bëëdu ni yïthu met ki nïne abïriiø nyïma, a na Wuuö Jwøk, Jwøk maru.

Jepaniya 3:15

Wuuö Jwøk ajäla marï mana dee ï jäälö ki gø akäl wøk bäätï, ni dwøk nyïïmän moï ŋäthge. Wuuö Jwøk, ni beeye nyeny Icriel, nut buutï; bäŋ gïn mo leth mo lwäärï këët.

Mathiew 23:39

Kiper a cäänna uuni, naa ba jootu këët, këël mano kööu, ni ‹Gwïëth en jï ŋat ööi en ki nyeŋ Wuuö Jwøk.› »

Mathiew 27:42

ni «Eni wø kønya jø møøk, 'ba dëëre ba maar køny. Ni näk mo ena nyeny jø Icriel, eni ö piny ki bäät jaadha no odëëdö ennø, nee wa jïëcwa ki eni.

Jøøn 1:49

Ni løgi ya Nathanielli jïre, «Dïpööy, beeye ïïni na O Jwøk, na näk Nyeya mar Icriel.»

Jøøn 12:14

'Ba na ö Jecu na joot nya arëën, ena pï bäät gøøni kaa mana gööri,

Jøøn 12:15

ni «Kärï lwäyö, Dhayan. Raŋï, nyeya marï ööa baŋï, ni ena bäät nya arëën.»

Jøøn 19:15

'Ba gena rëëdö døc, ni köge, «Aayï ki gø, aayï ki gø, ni gurï gø bäät jaadha no odëëdö!» 'Ba Paylat aköö jïge, «?Aŋø, nyenynyu daa gurö bäät jaadha no odëëdö?» Ni løgi ya kwääc laammi, ni «Waani jïwa bäŋ nyeya mør, 'ba beeye Cidhar keere na nyeya marwa.»

Mana Nyooth 15:3

Ni ge wära duut Modhe, na näk laŋ Jwøk, ki duut Nyidiel, ni ge köö, ni «Ï na Kwäärö Wuuö Jwøk na en teeki jïrï, Nyeny piny bäre, tïïe moï døøŋŋø, ni beege gïï mo rëëma ec. Ni luup moï beyø ni näkge adïëri.

Mana Nyooth 19:16

'Ba ra abïïne ki ya awaye ogöönnö ki nyeŋ, ni köö, ni «Nyeny nyeye ni näk Kwääc kwääri.»

Mana Nyooth 7:9

Køør gïïögø aana nëënnö, ni jooda lwaak mo päl døc, mo bäŋ ŋat mo maar lønyø jïre ki man kwaan geni, ni ööi ki yïth mïëri bëët, ki røk tuŋi bëët, ki røk jiy bëët, ki teeŋ dhøgi bëët, ni ge cuŋŋa nyïm wälu ki nyïm Nyidiel, ni geno ruyö ka abïïe mo tar, ni ceŋge da bäät twöe.