Jøøn 11:55 - Wëël Jwøk

⁵⁵ 'Ba kanyøgøøni ajwöm-cam Cäŋa Pööth Thøøe Yie mar jø Juuth kare ocäännö. Ni ö jiyi mo thööth ki dï paac ni cige yi Jerucalem, kanya poot cäŋ Cäŋa Pööth Thøøe Yie ni poodi, kuna jiiŋge dëëtge.

Jøøn 11:55 Iomraidhean Croise

Wïlöölö 35:2

Kanyøgø Jeekap aköö jï jø paare ki jøøa en buute bëët, ni «Wetu juuga path na en dïïu, ni døøyu dëëtu mo waany, ni wiillu abïïe mou.

Jööp 1:5

'Ba kanyo pööth nïr ajwöma, Jööp wø jääga baŋge nee dëëtge døøcge mo waany, ni ö Jööpi ni päny maal ka amöölla ni cïpe ko olämme mo wø waaŋ bäre ki nyeŋ nyïïe bëët, kiper ena cädö ni kööe, «Kanymør obwöre 'moa geno tïïö ki raay ni janyge Jwøk ki yïth cwïnyge.» 'Ba manøgø beeye bëëtö mar Jööp cooth.

Bwøth Wøk 19:10

Ni cäŋ Wuuö Jwøki köö jï Modhe, ni «Ci baŋ jø Icriel ni døøyï ge mo waany dïcäŋ man ki dïcäŋ mar diøø, ni penyge abïïe moge;

Kwään Jiy 9:10

ni «Caanï jï jø Icriel: Ni ni näk da dhaanhø rou wala røk nyïïkwaayu mo dëëre da läbö ki køør mana gut dëër dhaanhø mo othøw, wala dhaanhø mo ree ojïtö ki wääth kany mo bäär, eni ajwöm Cäŋa Pööth Thøøe Yie poot dee wøørø thuwø jï Wuuö Jwøk.

Kwään Jiy 9:6

'Ba da jiy mo dëëtge da läp kiper mana gutge dëër dhaanhø mo othøw, ni käre løny jïge ki man wøørge ajwöm Cäŋa Pööth Thøøe Yie dïcäŋeca. 'Ba ki dïcäŋeca gena put ö nyïm Modhe ka Aran.

Mathiew 26:1

'Ba kanya ö Jecu na thöör luupögø bëët ki caan, ena köö jï bääge,

Mathiew 26:2

ni «Ŋäyu ni noo tïme na køør nïne ariiø beeye cäŋ mano wøør cäŋ Cäŋa Pööth Thøøe Yie. 'Ba Wär Dhaanhø ocïp ceŋ jiy nee 'näk bäät jaadha no odëëdö.»

Maak 14:1

'Ba kanyøgø oløny ni dööŋŋa nïne ariiø kiper cäŋ Cäŋa Pööth Thøøe Yie, ka ajwöm-cam mar Møga Näk Ree Bäŋ Thømmø. 'Ba kwääc laam ki dïpööye mo ciik Jwøk ge caya jöö man makge Jecu ki gø mëëth ki piny, nee 'näkge.

Luk 22:1

'Ba kanyøgø ajwöm-cam mar Møga Näk Ree Bäŋ Thømmø na cwøl ni cäŋ Cäŋa Pööth Thøøe Yie, kare acäännö.

Jøøn 12:1

'Ba kanya poode ni dööŋŋa nïne abïciel kiper ajwöm-cam Cäŋa Pööth Thøøe Yie, Jecu aö yi Bethani, kanya bëët Ladhara yie, ŋata tïŋ Jecu maal ki yi thøø.

Jøøn 13:1

'Ba kanya cään kar ajwöm-cam Cäŋa Pööth Thøøe Yie, aŋäc Jecu ni kanyo aae pinyi en noo ci baŋ Wuuö kare acäännö. Ni eni mëër ki jiye na en piny, ni bëëdö ni mëër ki geni këël aŋuun kwøw mare.

Jøøn 18:28

Kanyøgø jø Juuth Jecu akälge wøk ki yi øt Keepa ni kïthge gø øt bura mar kwäärö ma Paylat, ni piny poot cøl. 'Ba geni ki dëëtge ge kär døny yi ødøgø, kiper nee ba tïmge ni ge ba waany, kiper nee cam Ajwöma Mar Cäŋa Pööth Thøøe Yie camge.

Jøøn 2:13

'Ba ajwöm-cam Cäŋa Pööth Thøøe Yie mar jø Juuth kare ocäännö, ni ö Jecu ni ci yi Jerucalem.

Jøøn 2:6

'Ba kaace da dääe abïciel mo otïïc jø Juuthi na mo wø jiiŋge dëëtge ki geni, na aciel yie da rumme ariiø wala adägö.

Jøøn 5:1

'Ba na tïme na køør manøgøøni Jecu aci yi Jerucalem baŋ ajwöm-cam mar jø Juuth.

Jøøn 6:4

'Ba kanyøgø ajwöm-cam mar cäŋ Cäŋa Pööth Thøøe Yie mar jø Juuth kare ocäännö.

Moa Tïïc Nyïïatwieli 21:24

Käl jøøgøøni ni døøyï dëërï mo waany ki geni na aciel, ni coolï gweta dege cïbö, kiper nee wïthge gwäärge wøk. Kanyøgø nø, oŋäc jøw bëëti ni gïïa caan jïge kiperï, bäŋ tietge, 'ba oŋäcge ni ïïni ki dëërï ï bëëdö ni ciik Jwøk iï gwøø.

Moa Tïïc Nyïïatwieli 21:26

'Ba na tïme na aruunnø man, Pøøl jøøgø na aŋween yøø akäle, ni døøc dëëre mo waany ki geni na aciel, ni ci Øt Jwøk Mana Dwøŋ kuna caan cäŋ mano thum nïr døøc dëël mo waany marge yie, ki kanyo cïp olämme kiperge bëët.

Moa Tïïc Nyïïatwieli 24:18

'Ba kanya tïïa gïnögø, aana jootge yi Øt Jwøk ni dëëra yaa døøc mo waany, ni bäŋ lwaak buuta wala dïlweel.

1 Körin 11:28

'Ba ŋati man dëëre wär caare keere. Køøre eno luuny cam ki møgøgø ni mäthe ya athöönhnhögø.

Jeemeth 4:8

Nyiigu buut Jwøk, 'ba eno nyänh buutu. Lwøgu ceŋŋu, u na jø raay, ni døøyu cwïnynyu mo leer, u ni luup oriewi cwïnynyu en.

1 Camiel 16:5

'Ba ena köö, «Yaa, mara öö jaak; aani, a ööi kaper naa cïpa ko olämi jï Wuuö Jwøk. Ennø, cïbu dëëtu kur keeru ni waany, ni ööu ni bëëdu nou nut buuta kanyo cïba olämi.» Kanyøgønø Camiel, Jeci ki wääte acïp kur keerge ni waany, ni cwøl ge nee nutge kanyo cïp olämi.