Jøøn 11:4 - Wëël Jwøk

⁴ 'Ba na wïnynyi ya Jecu, ena köö, ni «Täwögøøni ba cööp ri thøø, 'ba beeye noo käl ajiem jï Jwøk, kiper nee O Jwøk jiem ri gøøni.»

Jøøn 11:4 Iomraidhean Croise

Bwøth Wøk 16:7

noo tïme na amöölla thuwø, ajiem mar Wuuö Jwøk neennu neenø; kiper ŋurö maru mana ŋuru dëëre ki gøøni awïnynye. ?Aŋø, ni ŋuru dëëtwa en, waana ŋaani cøøn?»

Jøøn 10:38

'Ba ni näk maa tïïya geni, këël u bäŋ doo jïëy ni ŋääthu aani, jïëyu ki tïïe, kiper nee ŋäyu ni ci cwïnynyu ni Wuuö ena raa, ni ena ri Wuuö.»

Jøøn 11:40

Ni kö Jecu jïre, «?Aŋø, kära caana jïrï, ni ‹Ni näk ïïno jïëy ni ŋäädhï, ajiem Jwøk diï neenø›?»

Jøøn 12:28

Awuuö, jiem nyeŋŋï.» Køøre dwøl aput öö ki maal, ni kööe, na «Anø jiema, ni cäŋa ka jiemmø.»

Jøøn 17:1

Kanyøgø na løny Jecu ki caan luupögøøni, ena lwïthö maal ni läme, ni kööe, na «Awuuö, kanya wäŋŋi aöö. Jiem Wäädï, niï jiem Wäädö,

Jøøn 17:10

ni 'moa bëët beege moï, ni moï bëët beege 'moa, ni aano jiemø rege.

Jøøn 17:5

'Ba kawaane, Wuuö, jiem aani buutï ka ajiem mana kwøŋï aani jiem ki gø na pooda buutï, ni piny poot kär cwääö.

Jøøn 2:11

Manøgø beeye ŋïï mana tïïc Jecu dïkwøŋ yi Keena yi Galili, ni nyootha ajieme. Ni ö bääge ni jïëcge ki eni ni ŋääthge gøøni.

Jøøn 5:23

kiper nee jiy bëët tïmge ni ge wøøra Wäädö, kaawat man wø wøørge Wuuö. 'Ba ŋat wø ba wøør Wäädö, Wuuö na jääŋ eni ba wøøre thuwø.

Jøøn 8:54

Ni løgi ya Jecu, ni «Ni näk maa pwøya dëëra, pwøc mara ba doo thura kare. 'Ba beeye Wära ni wø pwøc aani, ŋat wø gïre caannu ni beeye Jwøk maru.

Jøøn 9:24

Kanyøgø ŋata näk ocøør acäŋge cwøllø ri rietge ni köge jïre, ni «Pwøc ka Jwøk. Ŋäcwa ni nyenøgø ŋat raay.»

Jøøn 9:3

Ni løgi ya Jecu, ni «Paa kiper ni nyenøgø obääyö, wala jøøa nywøl gø, 'ba beeye kiper nee tïïe mo Jwøk nyooth ki ree.

Wëëlö Mana Göör Pøølli Baŋ Jø Röm 11:11

?Kiper manøgønø, a pëëö, ?Jø Icriel, tietge acwanyge ni päthge na bäre bäre? Ba doo løny. 'Ba beeye dhal luubö marge na tïm pïëmmi man piem jiy ki gø ni pïï baŋ juurre, kiper nee jø Icriel døøc mo këëö.

Pilipay 1:11

nou bëëdu ni cwïnynyu päŋ ki nyïï bëënynyö mo wø ööi ki køør Jecu Krictø, nee Jwøk jiem ni pwøi ki køøru.

Pilipay 1:20

Kiper yaa ŋäädhø døc ni wïïa ba doo lää bäre bäre, 'ba cwïnya yaa maa døc kawaane kaawat man wø bëëda cooth, nee Krictø wøør ki dëëra, nee mara kwøw wala thøø.

1 Piter 1:21

'Ba beeye ki køøre na tïmu nou ŋäätha Jwøk, eni na duu Krictø wøk ki yi thøø, ni mooc gø ka ajiem. Kiper manøgønø, jïëy maru ki ŋäädhe maru ena ri Jwøk.

1 Piter 4:11

'Ba noo näk da ŋat mo cäänö, wär cääne ni ena dhaanhø mo køpa luup Jwøk. Ni ŋat wäro tïny jø møøk wär tïïe ni ena dhaanhø mo tïïö ka teek man wø cïp Jwøki, kiper nee Jwøk jiem ki yïth jammi bëët ki køør Jecu Krictø. 'Ba ajiem ki rööny en jïre, këël na bäre bäre. Enøgønø.

1 Piter 4:14

'Ba ni näk mo u di caannø kiper nyeŋ Krictø, uuno gwïëdhö, kiper Jwïëy ajiem na näk mar Jwøk bëëdö bäätu.