Jøøn 11:38 - Wëël Jwøk

³⁸ Kanyøgø cwïny Jecu acäŋ pädhö døc, ni ci bäät bwörö. 'Ba bwöyögøøni beeye kany mo ŋaam yi kïdi. Ni da kïdi mør mo oŋiel dhee.

Jøøn 11:38 Iomraidhean Croise

Wïlöölö 23:19

Køøre nø, Eeberam cïïe ma Ceera akan yi kään kïnna en Makpila na näk dïët ki Mamrë, na näk Keeprön na en yi ŋööm Keenan.

Aydheea 22:16

na ‹?Aŋø, da teek jïrï kany? ?Da tuuŋu kany, ni tïme ni bwörö marï iï jiiŋŋø kany en, ni iï tïïö kany mo ena maal, ni iï tieŋø yi kïdi na kar jwöm røk jïrï?

Edhikiel 21:6

«Kiper manøgønø, ï na wär dhaanhø, guyï nyïmge, ni cwïnyï opädhö ni yiï iï keeyø døc.

Edhikiel 9:4

Kanyøgø Wuuö Jwøk aköö jïre, ni «Ciï ni wïrï dï pääny Jerucalem bäre, ni kïthï täärnyïm jiy ki ŋïï, ni beege jøøa näk cwïnyge opädhö ni wø bëëdö ni ge cooyø ki jammi moø ni reyø ni tïïc yie yøø.»

Mathiew 27:60

ni pïël gø yi bwörö mare kiree mo poot nyään, mo ee nø løøt yi kïdi. Ni ŋïël kïdi mør mo dwøŋ døc dhi bwörö manøgø, ni aae.

Mathiew 27:66

Kanyøgø gena aay ni dëëtge dhi bwörö manøgø, ni moocge dëër kïnnögø ki ŋïï. Ni wecge jø tøŋ ni kurö.

Maak 15:46

Ni ö Jocepi ni ŋëëe ka abïïn koony, ni käl dëër Jecu piny, ni bøøny gø ka abïïnögø, ni pïël gø yi bwöya näk mare, e na Jocep, na näk onø løøt yi kïdi. Ni ŋïël kïdi mør dhi bwöyögø.

Maak 8:12

Ni ö Jecu ni jwïëe døc ki yie bäre, ni kööe, na «?Aŋø ni ö beenhnhø man ni many ŋïï en? Adïëri møn a caana gø jïïu, bäŋ ŋïï mo nyooth jïge.»

Luk 24:2

Ni jootge kïdi no oŋiel wøk ki dhi bwörö.

Jøøn 11:33

'Ba Jecu na joot Meeri ni jwöŋö ki jø Juuth moa öö ki eni na aciel, cwïnye apädhö døc ni kïmme.

Jøøn 20:1

'Ba na tïme na täk tïïc ka amöölla cøøn ni piny poot cøl, Meeri Magdalin amøøl bäät bwörö ni joot kïdi no odaa dhi bwörö.