Jøøn 11:28 - Wëël Jwøk

²⁸ Køøre Martha, na nø caan luummögø, ena cøø ni cwøl coki ma Meeri ni caan gø jï gø mëëth, ni «Dïpööy ena kany, ni pëënynya ïïni.»

Jøøn 11:28 Iomraidhean Croise

Dhekaraya 3:10

Wuuö Jwøk, eni na wïth jammi bëët, aköö, ni «Dïcäŋöca, ŋati man nø dëëtu watge cwøle cwølø ki met ec ni pïge piny ki gø tier jaath omøk mare ki tier olaam mare.»

Mathiew 26:18

Ni kööe, ni «Cou pääny baŋ dhaanhø mør kaace, ni caannu gø jïre ni dïpööy aköö, ni ‹Kanya no owäŋŋö kipera kare acäännö. Cäŋa Pööth Thøøe Yie wøøra wøørø ki bääŋi 'moa paarï.› »

Maak 10:49

Ni cuŋ Jecu, ni kööe, ni «Cwøllu eni.» Ni ö geni ni cwølge ŋata näk cwør, ni köge jïgø, «Mak cwïnyï! Ö maal! Ïïna cwøle.»

Maak 14:14

'Ba kanyo døny yie, wäru kööu jï wää paaci, ni ‹Dïpööy aköö, ni «Øt wëël mara en kaa, mano cäma yie ki cam cäŋ Cäŋa Pööth Thøøe Yie ki bääga?» ›

Luk 22:11

Ni caannu gø jï wää paaci, ni ‹Dïpööy aköö ki ïïni, ni «?Øt wëëlle age, kanyo cäma yie ki cam cäŋ Cäŋa Pööth Thøøe Yie ki bääga?» ›

Jøøn 1:41

Ni cøøe ni kwøŋ coki ma Cayman joot, ni kööe jïgø, «Waani Macaaya ajootwa;» na näk tiere beeye Krictø.

Jøøn 1:45

'Ba Pilip Nathaniel ajoode ni kööe jïgø, «Waani, ŋata gööt Modhe kipere yi wëël Ciik Jwøk na näk da luup thuwø mo ogöör nyïïkuk Jwøki kipere, ajootwa, ni beeye Jecu nyï Nadhareth na näk o Jocep.»

Jøøn 10:3

Ni ö ŋat wø koor dhi kal ni jap gø jïre. Ni ö dïëki ni wïnyge dwøre. Ni eni dïëge wø cøøre cøørø ki nyeŋge, ni bwøth geni wøk.

Jøøn 11:20

'Ba na wïnynyi ya Martha ni Jecu aöö, ena ci kuna røømge ki gø, ni dööŋ Meeri no opï piny yi øtø.

Jøøn 11:29

'Ba na wïnynyi ya Meeri, ena laar ö maal ni ci baŋ gø.

Jøøn 11:30

'Ba Jecu poot kär ci dï paac, 'ba poot ena kanya røømge yie ki Martha.

Jøøn 13:13

A wø cwøllu cwølø ni Dïpööy, ni cwøllu a ni Kwäärö, ni beeye kare, kiper beeye aani.

Jøøn 20:16

Ni kö Jecu jïre, ni «Meeri.» Ni ö dhaaŋŋøgøøni ni put ree løk, ni kööe jïre ki dhi Ibaru, «Rabönay,» na näk tiere beeye Dïpööy.

Jøøn 21:7

'Ba bääŋ mana mëër Jecu ki gøøni aköö jï Piter, ni «Nyie, manøgø beeye Kwäärö.» 'Ba na wïnynyi ya Cayman Piterri ni beeye Kwäärö, eni abïïge akïth dëëre, kiper na bëëde na abïïge ee käl wøk kiper bïth, ni put päär yi naam.

1 Thecalönika 5:11

Kiper manøgønø, cømmu cwïnynyu keeru, ni kääru dëëtu keeru, keda man tïïyu gø enøgø.

Ibaru 12:12

Kiper manøgønø, tïŋu ceŋŋu maal no oniläp yøø, ni wëëgu cøŋŋu moa no ojöönyö tëënnö.