Jøøn 11:25 - Wëël Jwøk

²⁵ Ni kö Jecu jïgø, ni «Beeye aani wø tïŋ jiy maal ki yi thøø ni näga kwøw. Ŋat wø jïëy ni ŋääth aani, këël doo thøw, eni doo cäŋa kwøwø.

Jøøn 11:25 Iomraidhean Croise

Aydheea 26:19

Jiy moï moa thøw geno cäŋ kwøwø, ni ö rïŋ dëëtge ni cäŋge ö maal. Wui, u na näk obutö yïth bwör, päyu ni ööu maal ni kwöŋŋu ki met ec. Kiper Wuuö Jwøk jiy moa no othøw wëëge kwøw, kaa man wø ö thööy wø jwøc bäät piny ka amöölla.

Aydheea 38:16

Wui, Kwäärö Wuuö Jwøk, jiy wø bëëdö ni kwøw ki køør køny marï, ni beeye tiere thuwø ni kwøw jwïëy 'moa en. Wui, jööt dëël mara adwøgï kare ni wëëgï a kwøw.

Luk 23:43

Ni løk gø jïgø, na «Adïëri møn, a cäänna ïïni, ni dïcäŋi en, ïïno en kany mo beer ki aani na aciel.»

Jøøn 1:4

Ni kwøw ena ree, ni kwøwøgøøni beeye na cïp tar jï jiy.

Jøøn 14:19

Ki kany mo thiinh a ba neen jø pinynyi këët, 'ba aano neennu. 'Ba kiper na kwøa, uuno kwøw thuwø.

Jøøn 14:6

Ni kö Jecu jïre, «Beeye aani na jöö, ni näga adïëri, ni näga kwøw. Ni bäŋ ŋat mo ö baŋ Wuuö ni näk eni ba ööi ka raa.

Jøøn 3:16

«Kiper Jwøk mëër ki jø piny døc, ni beeye na cïp Wääde ma aciel, kiper nee ŋato wäro jïëy ki eni ni ŋääth gø nee kwøe ki kwøw mana näk adïëri mo bäŋ cuŋŋe, nee ba ränynye.

Jøøn 3:36

'Ba ŋat wø jïëy ki Wäädö ni ŋääth gø, ree da kwøw mana näk adïëri mo bäŋ cuŋŋe. 'Ba ŋat wø ba leŋ dwør Wäädö, kwøw ba dee joodø, 'ba ajäla mar Jwøk bëëdö bääte.»

Jøøn 5:21

Kiper kaawat man wø ö Wuue wø tïŋ jøøa no othøw maal ni mooc ge ki kwøw, këël Wäädö thuwø cïpö ki kwøw jï jø wø manynye.

Jøøn 5:26

Kiper kaawat man bëët Wuue ni kwøw ena cere, Wäädö thuwø teek kwøw awii cere.

Jøøn 6:35

'Ba Jecu aköö jïge, ni «Beeye aani na møk kwøw. 'Ba ŋat wø ö baŋa doo bäŋ käc ree, ni ŋat wø jïëy ni ŋääth aani doo bäŋ riew ree na bäre bäre.

Jøøn 6:44

Bäŋ dhaanhø mo doo maara ö baŋa ni näk ba nyïï Wära na jääŋ aani. 'Ba eni otïŋa maal yi cäŋo cuŋ pinynyi yie.

Moa Tïïc Nyïïatwieli 3:15

ni 'nägu ŋat wø cïp kwøw; 'ba ena tïŋ Jwøki maal ki yi thøø. Ni waani, waana lïŋŋe kiper gïnögø.

Wëëlö Mana Göör Pøølli Baŋ Jø Röm 4:17

kaawat mana gööri, ni «Ïïna tïïa na kwar juurre mo thööth.» Ni ena kwarø bëët nyïm Jwøk, ŋata ŋäädhe ni wø cïp kwøw jï jøøa näk othøw, ŋat wø wëëk jammi mo bäŋgø, tägö ni tïmge na jammi.

Wëëlö Mana Göör Pøølli Baŋ Jø Röm 8:2

Kiper kwøw mana cïp Jwïëc Jwøki ki ri Krictø Jecu, aana päde cer raay ki thøø.

1 Körin 15:18

Ni ö jøøgø thuwø na thøw ni ena kur Krictø ni ränyge.

1 Körin 15:29

?'Ba ni näk patha enøgønø, aperŋø ni wø ö jø møøki wø lwøk dëëtge na nyuudhi ki kur jøøa näk othøw? ?A ni näk jøøa näk othøw ba tïŋ maal na bäre bäre, aŋø ni wø ö jø møøki wø lwøk dëëtge ki kurge?

2 Körin 4:14

Ni ŋäcwa ni ŋata tïŋ Kwäärö ma Jecu maal, waano tïŋ maal thuwø ki Jecu, ni kïth waani nyïme ki uuni na aciel.

Pilipay 1:23

Gïï na ariiø ii a ege diyø døc. 'Ba a doo naa manynya man aa ni cøøa buut Krictø, kiper beeye mana beerra eni døc.

Pilipay 3:10

kiper naa tïma naa ŋäya eni, ki teek duunne wøk ki yi thøø, naa tïma naa nywaaga gïïa leth na jwøre, ni tïma kaamare ri thøwe;

1 Thecalönika 4:14

Kiper mana jïëø ni Jecu athøw ni cäŋi tïŋ maal ki yi thøø, kaawat manøgø thuwø yøø jïëø, ni ki køør Jecu, Jwøk jøøa näk othøw okäle ki eni na aciel.

Mana Nyooth 1:18

Ni beeye aani ni kwøw. Kiper aana thøw møn, 'ba kawaane aana cäŋ kwøwø, këël na bäre bäre. Ni muktääe mo thøø ki kar bëët jwïëc jøøa näk othøw ena cera.

Mana Nyooth 20:5

'Ba jøøa näk othøw møga, kär cäŋ kwøw këël mana thum cwiiya näk kuma. Manøgø beeye duun wøk ki yi thøø mano kwøŋ tägö.

Mana Nyooth 21:4

ni pooc pï nyeŋge bëët, ni ö thøøe ni bäŋe gø këët. Ni bäŋ kïmmö, wala oduuru mo di gøø, wala rääm këët. Kiper japa dïkwøŋ oaay.»

Mana Nyooth 22:1

Kanyøgøøni naam pï kwøw anyoodhe jïra, mo tøŋ døc keda wïlli, ni kwönni ka ri wäl Jwøk ge ki Nyidiel,

Mana Nyooth 22:17

'Ba Jwïëc Jwøk ki Dhaagø thiinh ge cäänö, ni «Ööï.» Ni ŋat wø wïny gø wär kööe, ni «Ööï.» Ni ŋato dëëre da riew wär ööe, ni ŋato many man lwöte ri pï kwøw wär lwöte jaak ni bäŋ ŋïëw.