Jøøn 11:2 - Wëël Jwøk

² 'Ba Meeri manøgø beeye Meeri mana wïïr Kwäärö ki maaw ni pooc tiet gø ki jïëye, ni beeye coki ma Ladhara na tuu.

Jøøn 11:2 Iomraidhean Croise

Maak 14:3

'Ba kanya en Jecu yi Bethani po Cayman, ŋata kwøŋ bëëtö ni dëëre da dhøøbø, ni eni ena kar cam, dhaagø mør aö baŋe ni käädö ki riia mo ena yi wïlli mo ŋeew ka gwel mo thööth døc. Ni ö dhaaŋŋøgø ni jap dhi gø, ni køny gø wï gø.

Luk 7:13

'Ba na ö Kwäärö na joot nyijøøgø, cwïnye apädhö ki gïr gø, ni kööe jïgø, «Kärï jwöŋö.»

Luk 7:19

Ni ö Jøønni ni cwøl bääge ariiø baŋe, ni jääŋ geni baŋ Kwäärö ki man pëënyge gø, ni «?Bee ïïni, ŋata wäŋŋi ni öö, wala cäŋwa dhaanhø mør neetø?»

Jøøn 11:21

Ni kö Martha jï Jecu, «Kwäärö, onää ï ena kany, coka ba doo thøw.

Jøøn 11:3

'Ba kanyøgøøni nyïïmii Ladhara na tuu gena jääk baŋ Jecu, ni ge caana gø, ni «Kwäärö, ŋata mëërï ki gø tuu.»

Jøøn 11:32

Kanyøgø na pïïc Meeri kanya en Jecu yie ni joot gø, ena päth tiet gø, ni kööe jïgø, «Wui Kwäärö, onää ï ena kany, coka ba doo thøw.»

Jøøn 12:3

Ni ö Meeri ni lwöte ki maaw mo ŋeew ka gwel mo thööth, ni wïïr tiet Jecu ki gøøni, ni pøc gø ki jïëye. Ni ö øte bäre ni pääŋe ki ŋwääny maaw manøgø.

Jøøn 13:13

A wø cwøllu cwølø ni Dïpööy, ni cwøllu a ni Kwäärö, ni beeye kare, kiper beeye aani.

Jøøn 13:14

Ni näk aani na näk Kwääyu, ni näga Dïpööy, tietu yaa lwøø, uuni thuwø ŋati man nø tiet watge dee lwøø.