Jøøn 11:19 - Wëël Jwøk

¹⁹ 'Ba jø Juuth mo thööth oö kuna lïïmge Martha ki Meeri ni cøma cwïnyge kiper thøw cöökge.

Jøøn 11:19 Iomraidhean Croise

Wïlöölö 37:35

Kanyøgø wääte bëët ki nyïïe bëët aöö ki man cømge cwïnye, 'ba ena kweer ki man cøm cwïnye, ni kööe, ni «Jïra bäär, aani a cøøa kar thøø køør wääda naa kïmmö.» Ni ö Jeekapi ni bëëde ni kïmmö kiper wääde.

2 Camiel 10:2

Køøre Deebit aköö, ni «Aani mëër mara nyoodha nyoodhø jï Anun o Naøc, kaawat mana ö wänni na nyooth mëër mare jïra.» Kanyøgønø, Deebit aput jääk baŋ Anun ki jiy nee cwïny Anun cømge kiper thøø mar wänni. 'Ba kanya ö jic Deebiti na pïïcge yi ŋööm jø Amön,

1 Luup Nyeye 10:12

jø leny moa teek bëët gena put tïŋŋö ni pïïcge kunece ni lwørge dëër Cøøl ki dëët wääte ni døøge Iyabic-Gelät, ni koonyge ge tier jaadha dwøŋ na en Jabic-Gelät; ni kweerge ki cam ki nïne abïriiø ni ge kïïna gïr thøwge.

Jööp 2:11

'Ba nyïïawäät Jööp ma adäk, ni beege Elipath nyï Tëman, ki Bildat nyï Cuua, ki Cöpar nyï Nayma, kanya wïnyge gïïa leth bëët na tägö dëër Jööp, gena cïp piny ki cäŋ man røømge yie nee cige kuna cømge cwïny Jööp.

Jööp 42:11

Nyïïmenni bëët moa näk cwøw ki moa näk mään, ki jiy bëët moa ŋäc eni dïkwøŋ, gena öö ni cämge ki eni paare. Ni ö geni ni cømge cwïny gø ni nyoothge mëër marge jïgø ki køør japa leth bëët na käl Wuuö Jwøki bääte, ni ö ŋati man nø dëëtge ni cïpe jïgø ki gwet-bïrö ki gwet ïth mo tïïc ka warkey.

Luup Dïpööy 7:2

Beerra eni ki man lïïmmö paac mo yie da thøø ni kaala man ci paac mo yie da ajwöma, kiper thøø beeye aŋuun dhaanhø; ni jiy moa kwøw gïnögø dege kïtha cwïnyge.

Aydheea 51:19

Gïï na ariiø bëët ii, ööa bäätï, ni beege ränynyö mano raany pou ri leny, ki thøø mano näk jiy ki gø ko opëëllö, ki thøw käc. ?Aŋa nø, noo kïmmi kiperï? ?Na aŋa noo cøm cwïnyï?

Wëël Kïmmö 1:16

«Kiper gïïögø bëët, a bëëdö naa jwöŋö, ni nyeŋŋa kwödö ki pïï, kiper bäŋ ŋat mo cøma cwïnya mo kare cään, mo dwøga jwïëy 'moa kare. Obwöre 'moa ŋäädhe marge aränynyö, kiper nyïïmän gena böödö.»

Wëël Kïmmö 1:2

Eni jwöŋi ni keeya yie ki wäär cooth, ni bëët pï nyeŋŋe ni muulö ki pïte. Eni bäŋ cøm cwïny mo joode baŋ mïëri moa mëëre ki ge, ena nøøn mïëri bëët moa näk ee døøc nyïïawääte, ni tïmge na nyïïmän moe.

Wëël Kïmmö 1:21

«Jiy awïnyge naa cooyø, 'ba bäŋ ŋat moo cøm cwïnya. Nyïïmän 'moa bëët gïr gïïa leth na jwøra awïnyge, ni kanyge kiper mana tïïyï gø. Wui, beerra man kälï cäŋ gïïa leth na näk iï caanø, nee ge tïmge kaamar mara.

Wëël Kïmmö 1:9

Gïna tïïc gø ni ba waany nëënö dëër abïïne, 'ba eni kär cädö kiper yi nyïme. Ena pädhö ki pädhö mo thääŋa ec, ni bäŋ ŋat moo cøm cwïnye. Ni kööe, ni «Wui Wuuö Jwøk, neen caarø mara, kiper nyimän mara böödö eni.»

Wëël Kïmmö 2:13

?Wui, jø Jerucalem, agïnaŋø noo caana kiperu? ?Uuni, u päära gø ki gïnaŋø? ?Wui, jø Dhayan, gïna jwørru päära gø ki ŋø nee lønye ki man cøma cwïnynyu? Kiper ränynyö maru caala ŋwellø mo ree ee luut piny kaamar naama dwøŋ. ?Aŋa ni dwøk bëëtö maru kare?

Luk 10:39

'Ba nyaanøgø jïre da coki ma nyakøø mo nyeŋŋe Meeri, na pï tiet Kwäärö ni wïnynya pwöc mo gø.

Luk 10:42

'Ba da gïrpiny aciel keere na doo manynyø. 'Ba Meeri mana beer ajiere, mo bäŋ ŋat mo doo käla gø wøk cer gø.»

Jøøn 1:19

'Ba man en beeye luumma køp Jøønni na ö jø Juuthi na jääŋge kwääc laam ki tuuŋ jø Libay møøk ki yi Jerucalem kuna pëënyge eni, ni «?Ïïna ŋa?»

Jøøn 11:1

Kanyøgø, da dhaanhø mo tuu mo cwøl ni Ladhara, ma nyï Bethani po Meeri ki coki ma Martha.

Jøøn 11:31

'Ba jø Juuth na en yi øtø ki Meeri ni cøma cwïny gøøni, na jootge Meeri no olaar ö maal ni cøøa wøk, gena läp køøre; ki baŋge ni eni cøøa kuna jwöŋe bäät bwörö.

Jøøn 11:33

'Ba Jecu na joot Meeri ni jwöŋö ki jø Juuth moa öö ki eni na aciel, cwïnye apädhö døc ni kïmme.

Jøøn 11:36

'Ba kanyøgø jø Juuth aköö, «Neennu mëëye ki gø.»

Jøøn 11:45

Kanyøgø jø Juuth mo thööth moa öö ki Meeri, na neenge gïna tïïc Jecu, gena jïëy ki eni ni ŋääthge gø.

Jøøn 11:8

'Ba bääge aköö jïre, «Dïpööy, kany mo cään en jø Juuth caya man këërge ïïni ki kïte. ?Ï doo cäŋa døø kaace këët?»

Wëëlö Mana Göör Pøølli Baŋ Jø Röm 12:15

Yïthu mïnge ki jø wø yïthge met. Ni jwöŋu ki jø wø jwöŋi.

2 Körin 1:4

ŋat wø cøm cwïnywa yïth gïï wø leth bëët ni wø pïï dëëtwa, kiper nee jiy møga mo wø jïti ki gïï mo leth nee cwïnyge cømwa ki cøm cwïny man wø ö Jwøki wø cøm cwïnywa ki gø.

1 Thecalönika 4:18

Kiper manøgø nø, cømmu cwïnynyu keeru ki ri luupögø.

1 Thecalönika 5:11

Kiper manøgønø, cømmu cwïnynyu keeru, ni kääru dëëtu keeru, keda man tïïyu gø enøgø.

1 Camiel 31:13

Køøre geni cuu mo Cøøl ki mo wääte aputge kwany ni koonyge ge tier jaadha dwøŋ na en Jabic-Gelät, ni kweerge ki cam ki nïne abïriiø ni ge kïïna gïr thøwge.