Jøøn 10:28 - Wëël Jwøk

²⁸ Ni cïpa jïge ki kwøw mana näk adïëri mo bäŋ cuŋŋe. 'Ba ge ba doo maara ränynyö, ni bäŋ ŋat mo doo gwëën ge wøk cera.

Jøøn 10:28 Iomraidhean Croise

Jööp 17:9

'Ba dhaanhø mo bëëtö mare tiir nyïm Jwøk, bëëtö mare oput mak; ni ö ŋat mo ceŋŋe waany ni put cääth nyïm ni teek.

Pwöc Leec Wïc 24:16

kiper ŋata mare beer këël doo pädhö kwöre abïriiø, eni wø cäŋa duu maal, 'ba ŋata raac wø puta pädhö na bäre bäre yïth gïï wø leth ni wø pïï bääte.

Pwöc Leec Wïc 4:18

'Ba jöör bëët jøøa beyø caala man wø ö tiet øwi, ni wø rïënyi ni tar mare cäänhnha maal këël mano pïïe ya aŋuun tar mar dïcäŋ.

Aydheea 27:3

Aani, a na Wuuö Jwøk, beeye noo gwøk gø. Aani, a bëëdö naa jøøya gø ki pïï cooth. Aani, a bëëdö naa koora gø ki waŋcäŋ ki wäär, nee bäŋe ŋat mo raanynya gø.

Aydheea 45:17

'Ba Icriel onø piem Wuuö Jwøki, ki pïëm mo bäŋ cuŋŋe. Eni wïïe ba lääy ni waŋe ba tïmö ni law këët ki yïth cwiiri bëët na bäre bäre.

Aydheea 54:17

Bäŋ gïr leny mo di thäädhö kiper ränynyö marï mo thura kare. Jiy bëët moo kïth luup bäätï kar løøk böötï böötö. Manøgø beeye muuy mana cïp jï jic Wuuö Jwøk, ni beeye na tïmö ni bëënynyö marge mana cïba jïge. Luummögø caana aani, a na Wuuö Jwøk.»

Aydheea 55:3

Wïnynyu mara, ni ööu baŋa; cegu ïthu nou bëëdu nou kwøw. Aani a tudö ki luubö ki uuni mo bëëdö na bäre bäre, ki køør mëër mara na näk adïëri na nyoodha jï Deebit.

Jeremaya 23:4

Ni mooa geni ki dïkwääye mo käär geni, ni ge ba lwäyi këët, ni ge ba bööi, ni bäŋ aciel mo rwäänyi rege.» Luummögø caana Wuuö Jwøki.

Jeremaya 31:3

Wuuö Jwøk ree anyoodhe jïge cøøn kany mo bäär, ni kööe, ni «Aana bëëdö naa mëër ki uuni ki mëër mo bäŋ cuŋŋe; kiper manøgønø, uuna nyïïa buuta ki køør mëër mara ni wø ba jøøl.

Jeremaya 31:34

Ni këël doo bëëdö ni bäŋ ŋat pwöny watge ki coki, ni ‹Bëëdï niï ŋäya Wuuö Jwøk,› geno bëëdö naa ŋäcge bëët, ni tägi ka jiy moa kwörge therø këël jiy moa kwörge døøŋŋø; kiper gïïa bacge wiia wiiø, ni ba para wïïa ki raay moge këët.» Luummögø caana Wuuö Jwøki.

Jeremaya 32:40

Ni ööa ni tuda ki luubö ki geni mo bëëdö na bäre bäre, ni beeye ni gïn mo beer ba wiia ki man tïïa gø jïge. Ni mooa cwïnyge ki lwär, ni bëëtge ni ge lwäär ki aani cooth, naa ba wecge.

Maak 13:22

Kiper Kricte mo patha adïëri ki nyïïkuk Jwøk mo patha adïëri, rege othïïŋge ni tïïge ki ŋïïce ki gïï mo rëëma ec ni maaŋge wïth jøøa näk ojierø ni näk mo løny jïge.

Luk 23:46

'Ba kanyøgø Jecu aköök ki dwøl mo päl, na «Awuuö, jwïëya acïba cerï.» 'Ba na nø caan luummögø, ena jwïëy ka aŋuudi.

Jøøn 10:29

Wära na cïp geni jïra, dwøŋŋa eni ki jammi bëët, ni bäŋ ŋat mo doo maara lønyø jïre ki man gwëën ge wøk cer Wära.

Jøøn 11:25

Ni kö Jecu jïgø, ni «Beeye aani wø tïŋ jiy maal ki yi thøø ni näga kwøw. Ŋat wø jïëy ni ŋääth aani, këël doo thøw, eni doo cäŋa kwøwø.

Jøøn 14:19

Ki kany mo thiinh a ba neen jø pinynyi këët, 'ba aano neennu. 'Ba kiper na kwøa, uuno kwøw thuwø.

Jøøn 17:2

kaa mana wëëgï gø teek bäät jiy bëët, kiper nee cïpe ki kwøw mana näk adïëri mo bäŋ cuŋŋe jï moa cïpï jïre bëët.

Jøøn 18:9

Manøgø tägi kaper nee luumma kwøŋ Jecu caan thur kare, na kööe, ni «Jøøa cïpï jïra, bäŋ dhaanhø aciel mo yaa rwäänyö rege.»

Jøøn 3:36

'Ba ŋat wø jïëy ki Wäädö ni ŋääth gø, ree da kwøw mana näk adïëri mo bäŋ cuŋŋe. 'Ba ŋat wø ba leŋ dwør Wäädö, kwøw ba dee joodø, 'ba ajäla mar Jwøk bëëdö bääte.»

Jøøn 4:14

'Ba ŋato wäro mäthi ki pïïo cïba jïre, ba näk riewi këët. 'Ba pïïo cïba jïre otïmö na jøøro mo kwödö yie, mo kännö ki kwøw mana näk adïëri mo bäŋ cuŋŋe.»

Jøøn 5:24

Adïëri møn, a caana gø jïïu, ni ŋat wø wïny luumma ni jïëe ki eni na jääŋ aani, ree da kwøw mana näk adïëri mo bäŋ cuŋŋe. Ni eni ba doo cøøa kar ŋøl luup. 'Ba eno nø ö wøk ri thøø ni ci yi kwøw.

Jøøn 6:27

Kär røgu ööllu kiper cam man wø ränynyi, 'ba tïïu kiper cam mano bëëdö, ni beeye mano këët ri kwøw mana näk adïëri mo bäŋ cuŋŋe, mano cïp Wär Dhaanhe jïïu. Kiper beeye eni na ö Jwøki na näk Wuuö na jïëe ki eni ni kïth ŋïï mare dëër gø.»

Jøøn 6:37

'Ba jiy mo wø cïp Wära jïra bëët ööa baŋa. 'Ba ŋat wø ö baŋa, ba riemma.

Jøøn 6:47

Adïëri møn a caana gø jïïu, ni ŋat wø jïëy ni ŋäädhe, ree da kwøw mana näk adïëri mo bäŋ cuŋŋe.

Jøøn 6:68

Ni løgi ya Cayman Piterri jïre, «?Wui Kwäärö, waano ciwa baŋ ŋa? Luum kwøw mana näk adïëri na näk bäŋ cuŋŋe ena baŋï.

Moa Tïïc Nyïïatwieli 7:59

'Ba kanya pootge ni ge këëra Ectipen, Ectipen alämö, ni kööe, ni «Kwäärö Jecu, lwør jwïëya.»

Wëëlö Mana Göör Pøølli Baŋ Jø Röm 5:17

'Ba ni näk thøø odïmö ki køør luumma näk aciel na dhal dhaanhe acielli, a teeŋ kwøw mo nyïëdi noo kwøw jø wø ci met yi Jwøki mana päl jïge ki bëënynyö mana cïp ki køør ŋatøgø na aciel enø, na näk Jecu Krictø!

Wëëlö Mana Göör Pøølli Baŋ Jø Röm 5:2

Ni beeye ki køøre na jïtø ki karø ri met ec man ni cuŋŋø ree en, ni kanynyø kiper mana ŋäädhø noo nywaaø ajiem mar Jwøk.

Wëëlö Mana Göör Pøølli Baŋ Jø Röm 5:21

kiper nee met yi Jwøk tïme ni dwøŋŋa eni ki køør bëënynyö mano cööp ri kwøw mana näk adïëri mo bäŋ cuŋŋe ki køør Jecu Krictø na näk Kwääyø, kaawat mana ö raayi na dïïm jiy dïkwøŋ na känne ki thøø.

Wëëlö Mana Göör Pøølli Baŋ Jø Röm 5:9

?'Ba kawaane na tïme ni øøno jïëö ni marø beer ki køør remme, a teeŋ pïëm mo nyïëdi noo piem øøni ki wëëc Jwøk?

Wëëlö Mana Göör Pøølli Baŋ Jø Röm 6:23

Kiper gïï wø mak cer raay beeye thøø, 'ba muuy mana cïp Jwøki beeye kwøw mana näk adïëri mo bäŋ cuŋŋe ki ri Krictø Jecu na näk Kwääyø.

Wëëlö Mana Göör Pøølli Baŋ Jø Röm 8:1

Kiper manøgønø, kawaane bäŋ ajäla bäät jø wø en dëër Krictø Jecu.

Wëëlö Mana Göör Pøølli Baŋ Jø Röm 8:29

Kiper jøøa ŋääe cøøn, ee miiø thuwø ki man tïmge ni kïtge caala kït Wääde, kiper nee eni tïme na kaa dï nyïïmëëe mo thööth.

Tiet Ciik 33:3

Ka adïëri møn, Wuuö Jwøk mëër ki jiy; nyïïatwieli moe bëët na en kur keerge bëëdö ni ena cere. Dëëtge ege cooŋ buute, ni ge wïnynya pwöc moe.

Pilipay 1:6

'Ba ŋääa ni eni na nø tägö ki tïïc mo beer dëëtu, oput tïïö këël mano thur kare dïcäŋo näk cäŋ Jecu Krictø.

2 Thecalönika 2:13

'Ba nyïïmera, u na mëër Wuue ki uuni, met ec marwa ba maarwa wec ki man dwøkwa gø jï Jwøk cooth kiperu. Kiper u jiera Jwøki cøøn wïlöölö nou pieme, kaawat mana tïïc uuni nou ena kur keeru ki køør Jwïëc Jwøk, ni ŋääthu gïna näk adïëri.

1 Timöthi 1:16

'Ba aana køny, a na näk wïth jø raay, kiper nee Jecu Krictø nee cwïnye na näk ee cïp piny ki kare bäre, nee nyoodhe ki raa, nee tïme na jöö jï jø wø jïëy ni ŋäätha eni kiper kwøw mana näk adïëri mo bäŋ cuŋŋe.

2 Timöthi 1:12

Ni beeye ni jwøra gïï ni leth ii. 'Ba wïïa ba doo lääö, kiper ŋata ŋäädha ŋääa, ni ŋääa ni løny jïre ki man gwøk gïna wëëga eni këël mano këët cäŋöca.

Ibaru 7:25

Kiper manøgønø, løny jïre ki man køny jø wø nyänh buut Jwøk ki køøre na bäre bäre, kiper mana bëëde ni kwøw cooth, ni kwaaya Jwøk kiperge.

1 Piter 1:5

u na näk ogwøk Jwøki ki teege ki køør ŋäädhe, nee pïëm man piem u ki gø mana näk onø jiiŋŋø noo nyooth kanyo cuŋ pinynyi yie nee jootu.

1 Jøøn 1:2

'Ba kwøw manøgø anyooth, ni neenwa gø, ni wa wø køpa gïre, ni beeye kwøw mana näk adïëri mo bäŋ cuŋŋe na køpwa jïïu ennø, kwøwa nut ki Wuuö na nyooth jïwa.

1 Jøøn 2:19

Gena aay dïïø, 'ba ge ba en dëëtø cøøn. Onää ge ena dëëtø, ge doo puta bëëtö ki øøni. 'Ba gena aay dïïø, kiper nee ge ŋäc ni ge ba en dïïø cøøn.

1 Jøøn 2:25

'Ba gïna buue jïïø beeye kwøw mana näk adïëri mo bäŋ cuŋŋe.

1 Jøøn 5:11

'Ba lïŋ mana køp beeye en, ni øøna mooc Jwøki ki kwøw mana näk adïëri mo bäŋ cuŋŋe, ni kwøwøgø ena ri Wääde.

Juut 1:1

Aana Juut cöök Jeemeth, ni aana laŋ Jecu Krictø. A määtha uuni na cwøl, na näk jø wø mëër Jwøki ki geni na näk Wuuö, u na näk ogwøø kiper Jecu Krictø.

Juut 1:21

Ni bëënnu mëëc Jwøk, nou koora køny mar Kwääyø ma Jecu Krictø mano cööp ri kwøw mana näk adïëri mo bäŋ cuŋŋe.

Juut 1:24

'Ba pwøc en jï ŋat wø løny jïre ki man gwøk uuni ki pädhö, ni bwøth uuni kar ajieme, ni bäŋ gïn mo jøøŋŋi dëëtu ni yïthu met.

1 Camiel 2:9

Eni jøøa näk bëëtge beyø, na näk moe, di gwøø, 'ba jø raay bëëdö ni geno nikïïl jaak yi muudhö; kiper teek mar dhaanhø keere bäŋ gïn kønye.