Jøøn 10:21 - Wëël Jwøk

²¹ 'Ba møøk aköö, ni «Luupi ba doo caan dhaanhe mo ree da anägö. ?Aŋø, anägö nyeŋ dhaanhø ma cwør dee jabø?»

Jøøn 10:21 Iomraidhean Croise

Bwøth Wøk 4:11

Ni kö Wuuö Jwøki jïgø, na «?Aŋa na cwääc dhi dhaanhø? ?Wala aŋa ni wø tïïc dhaanhø ni ba cäänö, wala na miiŋ, wala ni nyeŋŋe nëënö wala na cwør? ?Aŋø, paa aani, a na Wuuö Jwøk?

Bwøth Wøk 8:19

Køøre ajuuk aköö jï Peerø, ni «Gïnögø beeye gïn mo tïïya Jwøki.» 'Ba cwïny Peerø poot bëëdö ni teek ni kweere ki man wïny mana caan Modhe ka Aran, kaawat mana kwøŋi ya Wuuö Jwøki caan jï Modhe.

Pwöc Leec Wïc 20:12

Ïth mo wïnyö ki waŋ mo räŋö ge tïïya Wuuö Jwøki karge riet.

Mathiew 11:5

ni cööye nyeŋge adøø karge, ni ö ŋööte ni cääthge, ni ö jøøa näk dëëtge da dhøøbø ni døø dëëtge karge, ni ö meŋŋe ni wïnyge luup, ni ö jøøa näk othøw ni tïŋ ge maal ki yi thøø, ni ö jøøa canni ni køp luumma nyään na met jïge.

Mathiew 4:24

Kanyøgønø, gïre awïnyö dï Ciria bäre, ni kälge jiy bëët moa tuu baŋe, jøøa no omaaŋ täwe ma teeŋi ki ŋwiili ma teeŋi mo rämö, ki jøøa dëëtge da anäge, ki jøøa dëëtge da cet, ki moa näk obäp. Ni køny geni.

Jøøn 10:22

'Ba kar kanyøgøøni beeye nïr ajwöma yi Jerucalem, ni beeye ajwöm par wïc kiper kanya cïp Øt Jwøk Mana Dwøŋ kur keere.

Jøøn 9:6

'Ba kanya caan gïnögø, ena ŋuut piny ki laaw, ni bïl døødø ki laawøgøøni, ni rwøth døødø nyeŋ ŋata näk cwør,