Jøøn 10:16 - Wëël Jwøk

¹⁶ 'Ba jïra da dïëk møøk mo tøør ri pïïth man. 'Ba geni käla kälö thuwø, ni wïnyge dwøra. Køøre geno tïmö na pïïth aciel ki dïkwääy aciel.

Jøøn 10:16 Iomraidhean Croise

Wïlöölö 49:10

Athøc kwär ba aay cer Juuda, ni kwär ba aay dhi øde, këël mano ö ŋat ma athøc kwär dööŋ jïre; ni tïm jiyi bëët ni leŋa ciik moe.

Luup Dïpööy 12:11

Luup jøøa wïthge leer caala jaath man wø kwør lääc paac ki gø, ni kany wø cooŋ geni caala mucumääre mo ogurö ni teek. Ni luupögø cïpa dïkwääyi mana näk aciel ni beeye Jwøk.

Aydheea 11:10

Dïcäŋeca lwinh Jeci ocuŋŋi na ŋïï kiper wïth juurre; ni ö wïth juurre ni kuutge ree, ni ö kar bëëtö mare ni pääŋe ka ajiem.

Aydheea 43:6

Caana caanø jï wï-piny, ni kööa, ni ‹Cïp geni!› Ni caana gø jï tier-piny, ni kööa, ni ‹Ge kär mänï. Duu wääta ki kwöra enge yie na bäär, ni duuï nyïïa ki yïth teegi mo piny,

Aydheea 49:6

Ena köö, ni «Bee gïn mo thiinh jaak kipera ki man tïïa ïïni na dhaanhnha, nee wïth tuŋi mo Jeekap tïŋï maal, ni duuï jø Icriel moa no odööŋ ni kwøw. Aani thuwø ï tïïa tïïö ni ïïna tar mar wïth juurre, nee pïëm mara man wø piema jiy ki gø nee pïïe teegi mo piny bäre.»

Aydheea 52:10

Wuuö Jwøk teek bade na en kur keere di nyoodhø, ni nëënö jï wïth juurre bëët, ni ö jø wø en teegi bëët bäät piny ni raŋge pïëm mare man piem jiy ki gø, eni na Jwøk marø.

Aydheea 56:8

Kwäärö Wuuö Jwøk, eni ni wø cooŋ jø Icriel moa no okeethø, aköö, ni «Poot da jiy møøk mo cooŋa bäät jiy moa no onø cooŋ.»

Edhikiel 34:12

Kaawat man wø ö dïkwääyi wø gwøk pïïth dïëk moe ki dïcäŋ ni ena yïthakic dïëk mo okeethø, aani thuwø dïëk 'moa gwøa gwøø, ni piema geni kwöra enge yïthge na näk geno keethø yïthge dïcäŋo näk cäŋ jwør gïï mo leth mano caal pöölö ki muudhö.

Edhikiel 34:23

Ni cïpa bäätge ki dïkwääy aciel, ni beeye dhaanhnha ma Deebit. Eni, geno caame; eni ki dëëre geno caame ni put tïmö ni ena dïkwääy marge.

Edhikiel 34:6

Pïïth dïëk 'moa gena thääyö bäät kïte bëët, ki bäät thuuri moa bäyö bëët. Gena keethø bäät piny bäre ni bäŋ ŋat moo many geni›.

Edhikiel 37:22

ni tïïa geni na wï jur aciel yi ŋöömge, ni beeye bäät kïte mo Icriel. Geno tïmö bëët ni ge käära nyeya acielli, ni ba bëëtge këët ni gena wïth juurre ariiø wala ki man bëëtge ni geno pääŋŋö na buc nyeye ariiø.

Edhikiel 37:24

« ‹Dhaanhnha ma Deebit otïmö na nyeya marge, ni tïmge ni ge ena tier dïkwääy aciel bëët. Geni, køør ciik 'moa ocaathge, ni bëëtge ni luup 'moa gwøkge gwøø ni kïthge ge bäät tïïc.

Odheea 1:10

'Ba kwään jø Icriel poot tïmö ni caala akwöny deŋ naama dwøŋ ni wø ba løny ki røm wala ki kwaan; ni købi ki geni, ni «Uuna wäät Jwøa kwøw;» yi paac mana wara købi jïge yie, no «U patha jiya.»

Dhekaraya 2:11

'Ba noo tïme na dïcäŋeca, wïth juurre mo thööth geno ö baŋ Wuuö Jwøk, ni tïmge na jiy 'moa thuwø. Ni bëëda dïïu ni putu gø ŋäc ni bee Wuuö Jwøk, eni na wïth jammi bëët, na jääŋ aani baŋu.

Mathiew 17:5

'Ba kanya poode ni cäänö, pöölö mo tar anijïïm bäätge. Ni ö dwølli ki yi pööllögø, ni caana gø, ni «Man beeye Wääda na mëëra ki gø, na met yia ki mare. Wïnynyu luumme.»

Luk 15:8

«?A dhaaŋŋe mane ni jïre da gwel apaar, ni näk ma aciel orwäänyö dëëre, ni ba nyep lamba ni jwiec øtø ni cac gø døøc, këël mano joot gø?

Jøøn 10:11

Aana dïkwääy mana näk adïëri. 'Ba dïkwääy mana näk adïëri jwïëye cïbe cïbö kiper dïëk.

Jøøn 10:2

'Ba ŋat wø dønyi ki dhi kal beeye dïkwääy dïëk.

Jøøn 10:27

'Ba dïëga dwøra wø wïnyge wïnynyö, ni ŋääa geni, ni ö geni ni cääthge køøra.

Jøøn 10:3

Ni ö ŋat wø koor dhi kal ni jap gø jïre. Ni ö dïëki ni wïnyge dwøre. Ni eni dïëge wø cøøre cøørø ki nyeŋge, ni bwøth geni wøk.

Jøøn 10:4

'Ba wø nø käl moe wøk bëët, eni cøøa nyïmge, ni ö dïëki ni cääthge køøre, kiper na ŋäcge dwør gø.

Jøøn 10:5

Ni geni ba doo cäädhö køør ŋat mo path, 'ba ge bwøk, kiper na kucge dööt jiy mo path.»

Jøøn 11:52

ni paa kiper paac keere, 'ba kiper nee nyïï Jwøk moa näk okeethø tiet mïëri møøk nee cooŋ kanya ciel.

Jøøn 17:20

«'Ba a ba kwääö kaper jøøi keerge, 'ba a kwääö thuwø kaper jiy moo jïëy ni ŋääthge aani ki køør luumge,

Jøøn 6:37

'Ba jiy mo wø cïp Wära jïra bëët ööa baŋa. 'Ba ŋat wø ö baŋa, ba riemma.

Moa Tïïc Nyïïatwieli 15:14

Luum kanya ö Jwøki dïkwøŋ na liim juurre, nee kwänye dïge ki jiy kiper nyeŋŋe, acaan Caymanni jïïu.

Moa Tïïc Nyïïatwieli 18:10

Kiper aani, a nutö buutï, ni bäŋ dhaanhø mo ï dee røødhø mo tïïö dëërï ki gïn mo raac. Kiper jïra da jiy mo thööth yi paani en.»

Moa Tïïc Nyïïatwieli 22:14

Ni kööe, ‹Jwø kwäyø ïïna jiere ki man ŋäyï mana manynye, ni neenï ŋata mare beer, ni wïnynyï dwøl mana öö ki dhee.

Wëëlö Mana Göör Pøølli Baŋ Jø Röm 11:25

'Ba nyïïmera, a manynya uuni man ŋäyu gïn en na näk tiere okwøŋ kan, kiper nou ba töödu ni reegø nyeŋŋu. Kiper thäk jø Icriel møøk cwïnyge adøøc mo teek këël mano ci kwään juurre moa wäŋŋi yie.

2 Thecalönika 2:13

'Ba nyïïmera, u na mëër Wuue ki uuni, met ec marwa ba maarwa wec ki man dwøkwa gø jï Jwøk cooth kiperu. Kiper u jiera Jwøki cøøn wïlöölö nou pieme, kaawat mana tïïc uuni nou ena kur keeru ki køør Jwïëc Jwøk, ni ŋääthu gïna näk adïëri.

Ibaru 13:20

'Ba kawaane Jwøa näk Jwø bëët-mëër, ŋata duu Kwääyø ma Jecu wøk ki yi thøø, na näk dïkwääy dïëk mana dwøŋ, ki ri rem luumma tuut na näk bäŋ cuŋŋe,

1 Piter 2:10

'Ba dïkwøŋ u patha jiy mo nyeŋŋu ŋäc, 'ba kawaane uuna tïmö ni uuna jic Jwøk. Ni dïkwøŋ bäŋ køny mo you joodø, 'ba kawaane uuna jïtö ki køny.

1 Piter 2:25

Kiper uuna kwøŋ bëëdö kaamar rööm mo orwäänyö, 'ba kawaane uuna duu baŋ Dïkwääy na näk Dïkuri mar jwïëyu.

1 Piter 5:4

'Ba kanyo nyooth Kwääy dïkwääye, uuno jïti ka adun ajiem man wø ba jøøl.

Mana Nyooth 3:20

'Ba neenï, a cuŋŋa dhi øtø, naa dööŋö. 'Ba ni näk da ŋat mo wïnynya dwøra, ni jap dhi øtø, a cøøa baŋe, ni cäma ki eni, ni ö eni ni cäme ki aani.