Jøøn 1:51 - Wëël Jwøk

⁵¹ Ni cäŋ Jecu köö jïgø, na «Adïëri møn a cäänna uuni, uuni, maal oneennu ni ree ee jabø, ni nyïïatwiet maal mo Jwøk cøøa maal ni ööa piny bäät Wär Dhaanhø.»

Jøøn 1:51 Iomraidhean Croise

Wïlöölö 28:12

Køøre ena lägö kede doo ogat moo cwöth piny mo wïïe okëët maal; ni nyïïatwieli mo Jwøk cøøa maal ni duua piny ki bääte.

Edhikiel 1:1

'Ba na tïme na cwiiri ma pïëradäk, ni dwää aŋween nïre abïïc, naa ena bäät naam Kebar yïthakic jø Juuth moa no omaa ki tøŋ, maal ree ajabe, ni ö Jwøki ni nyuunh aani ki ŋïï ki yi wïïa.

Dhekaraya 13:7

Wuuö Jwøk, eni na wïth jammi bëët, aköö, «Wui, opëëllö! Ö maal ni 'nägï dïkwääy mar dïëk 'moa; 'näk eni, eni na kare cään ki aani; 'näk dïkwääy nee dïëk keethge; 'ba aani cera ocäŋa løø bäät obwöre moa therø.»

Mathiew 25:31

«'Ba kanyo ö Wär Dhaanhø ka ajiem mare ki nyïïatwiet maal bëët na aciel, kanyøca eno pï piny ni ena nyeya bäät wäl ajiem mare.

Mathiew 26:24

'Ba ennø, Wär Dhaanhø aay keda mana gööri kipere. 'Ba otïmö ni raac døc jï ŋato cïp Wär Dhaanhø ceŋ nyïïmän. Doo beerra eni kiper ŋatøce ki mana ba dii nywølø.»

Mathiew 3:16

'Ba Jecu kanya nø lwøi na nyuudhi, ena put ö wøk ki yïth pïï. Kanyøgø maal ree ajabe, ni neen Jwïëc Jwøk ni ööa piny kaamar akuuru ni pï bääte.

Mathiew 4:11

Kanyøgønø, ena wec anägö, ni put nyïïatwiet maalli öö, ni tïnyge eni.

Mathiew 8:20

'Ba Jecu aköö jïgø, no «Othööe jïge da buri, ni weny jïge da uudi, 'ba Wär Dhaanhø, bäŋ kany mo nyaaŋ thääŋŋe yi gø.»

Mathiew 9:6

'Ba kiper nee ŋäyu nø ni Wär Dhaanhø jïre da teek bäät piny ki man wec raay,» ena köö jï ŋata näk obäp, ni «Ö maal, ni lwørï pëëmï, ni ciï paac.»

Maak 1:10

'Ba kanya ö Jecu wøk ki yïth pïï, maal aput raŋ ni ree ee jabø, ni neen Jwïëc Jwøk ni ööa piny bääte kaamar akuuru.

Maak 14:62

Ni kö Jecu, ni «Beeye aani. 'Ba Wär Dhaanhø oneennu no opï bäät cer cwïï Jwøk na en teeki jïre, ni eni öö ki yïth pøøt maal.»

Luk 2:13

Kanyøgø nyïïatwiet maal ma lwaak mo päl aput öö ni dwätge ki maya. Ni ge pwøya Jwøk, ni köge,

Luk 2:9

'Ba kanyøgø nyïïatwiel maal mar Wuuö dëëre anyoodhe jïge, ni ö ajiem Wuuö ni rienye bäätge, ni lwäcge døc.

Luk 22:43

Kanyøgø, nyïïatwiel maal aö baŋe, ni cøm cwïny gø.

Luk 22:69

'Ba køør man ennø, Wär Dhaanhø opï piny bäät cwïï Jwøk kuna en teek Jwøki yie.»

Luk 24:4

'Ba kanya cuŋge ni yïthge othäŋŋö kiper gïnögø, jiy ariiø acuŋŋö buutge, mo dëëtge da abïïe mo ŋwaŋŋi.

Luk 3:21

'Ba kanya lwøk jiy na nyuudhi, Jecu alwøk thuwø; 'ba na ö Jecu na läme, maal ree ajabe,

Jøøn 1:50

Ni løgi ya Jecu jïre, na «?Aŋø, kiper na caana gø jïrï ni ïïna jooda tier olaam, beeye na jïëyï? Ïïni gïï mo døøŋŋø geni ki moi oneenï.»

Jøøn 10:1

'Ba Jecu aköö, na «Adïëri møn, a caana gø jïïu, ni ŋat wø ba dønyi ki dhi kal mar dïëk, 'ba eni edhi ka jöö mør, ŋatøgø beeye kuu ni näk dïtwïëdi.

Jøøn 10:7

Kiper manøgøøni Jecu acäŋ köö jïge, na «Adïëri møn a caana gø jïïu, ni beeye aani na dhi øt dïëk.

Jøøn 13:16

Adïëri møn, a caana gø jïïu, ni ŋat tïïc ba dwøŋŋa eni ki kwääye, wala eni na jääŋŋi ba dwøŋŋa eni ki ŋata jääŋ gø.

Jøøn 13:38

Ni løgi ya Jecu, na «?Aŋø, ïïni jwïëyï diï cïbö kipera? Adïëri møn, a caana gø jïrï, ni gwienø ba doo köök, ni riï poot kärï mooŋø ki aani kwöre adäk naa kuyï.»

Jøøn 14:12

«Adïëri møn, a caana gø jïïu, ni ŋat wø jïëy ni ŋääth aani, tïïe moa tïïa otïïe thuwø, ni tïïe mo døøŋŋø geni ki moi otïïe, kiper a cøøa baŋ Wära.

Jøøn 16:20

Adïëri møn a caana gø jïïu, ni uuno jwöŋi ni dhööŋŋu kööthu, 'ba jø piny yïthge omïnni. Uuni cwïnynyu opädhi, 'ba pänh cwïny maru oløk na met ec.

Jøøn 16:23

'Ba dïcäŋöca bäŋ gïn mo pëënynyu a ki gø. Adïëri møn, a caana gø jïïu, ni gïn wäro pëënynyu Wuuö ki gø ki nyeŋŋa, ocïbe jïïu.

Jøøn 21:18

Adïëri møn, a caana gø jïrï, ni kanya poodï ni ïïna wøp, ï wø ruyö ka abïï, ni ciï kany wø manynyï. 'Ba kanyo jalï, ceŋŋï orwaagï baŋ dhaanhø mør ni kïth abïïnï dëërï, ni kïth ïïni kany mo kärï parø ki man ciï yie.»

Jøøn 3:3

'Ba aløk Jecu jïgø, ni kööe, na «Adïëri møn a caana gø jïrï, ni näk mo dhaanhø kär cäŋ nywøllø ni nyään, eni buc Jwøk ba dee maara joot.»

Jøøn 3:5

'Ba aløk Jecu jïre, na «Adïëri møn, a caana gø jïrï, ni näk mo dhaanhø kär nywølø ki pïï ki Jwïëc Jwøk, eni ba doo maara døny yi buc Jwøk.

Jøøn 5:19

'Ba Jecu aköö jïge, na «Adïëri møn, a caana gø jïïu, ni Wäädö bäŋ gïn mo dee maara tïïc ki wïïe keere, 'ba gïn wø neene ni wø tïïc Wuue beeye wø tïïe thuwø. Kiper gïn wø tïïc Wuue beeye wø tïïc Wäädö thuwø.

Jøøn 5:27

Ni wëëk teek mar ŋøl luup cer gø, kiper na näk ena Wär Dhaanhø.

Jøøn 6:26

Ni løgi ya Jecu jïge, na «Adïëri møn, a caana gø jïïu, naa ba cayu kaper ŋïïce moa neennu, 'ba a cayu kaper muunni moa cammu ni jäŋŋu.

Jøøn 6:32

'Ba Jecu aköö jïge, na «Adïëri møn, a caana gø jïïu, ni paa Modhe na mooc uuni ki møø mana öö ki maal, 'ba beeye Wära wø cïp møø mana näk adïëri jïïu ni wø ööi ki maal.

Jøøn 6:47

Adïëri møn a caana gø jïïu, ni ŋat wø jïëy ni ŋäädhe, ree da kwøw mana näk adïëri mo bäŋ cuŋŋe.

Jøøn 6:53

Kiper manøgønø, Jecu aköö jïge, na «Adïëri møn a caana gø jïïu, ni näk dëër Wär Dhaanhø ba cammu, ni maathu remme, bäŋ kwøw dëëtu.

Jøøn 8:34

Ni løgi ya Jecu jïge, na «Adïëri møn, a caana gø jïïu, ni jiy bëët mo wø tïïc gïïa reyø, gena laaŋe mo raay.

Jøøn 8:51

Adïëri møn, a caana gø jïïu, noo dee ŋat mo gwøk luumma, eni thøø ba dee belø.»

Jøøn 8:58

Ni løgi ya Jecu jïge, na «Adïëri møn a caana gø jïïu, kanya poot Eeberammi ni poot kär nywølø, a nutö.»

Moa Tïïc Nyïïatwieli 10:11

ni neen maal ni ree ee jabø, ni gïn mør mo caala aleeŋŋa mo dwøŋ ööa piny, ni lwär piny no omaa ki dhøge ŋweeni.

Moa Tïïc Nyïïatwieli 7:56

Ni kööe, ni «Neennu, maal ajooda ni ree ee jabø, ni Wär Dhaanhø cuŋŋa bäät cwïï Jwøk»

2 Thecalönika 1:7

ni cïp jwömö jïïu ki waani bëët, u ni en yïth gïï mo leth enø, kanyo nyooth Kwäärö ma Jecu ki maal, ki nyïïatwiet maal moe na teek, ki yi maac mo liel,

2 Thecalönika 1:9

'Ba geno ränynyi ki ränynyö mo bäŋ cuŋŋe, ni riem ge wøk nyïm Kwäärö, ni ö teege na näk ree da ajiem ni ba jootge gø këët,

1 Timöthi 3:16

Ajïëø møn, ni gïna näk tiere okwøŋ kan mar lam marø, dwøŋ møn. Kiper øøna jïëy, ni ena nyooth kanya tïme na dhaanhø, ni ŋunni ya Jwïëc Jwøki, ni ena neen nyïïatwiet maalli, ni nyeŋŋe okøbø dï mïëri, ni jïëc nyeŋŋe dï piny, ni kïthi maal ka ajiem.

Ibaru 1:14

?Aŋø, ge paa jwïëy bëët ni wø tïny Jwøk, ni wø jääŋŋi kiper nee jø wø jïti ki pïëm man piem ge ki gø, nee bëënyge?

Juut 1:14

Ni poot na jøøgø thuwø na gïïge køp Inøki, ŋata en ri bïriet beenhnhe moa nywøl køør Adam, na kööe, ni «Neennu, Kwäärö aöö ki nyïïatwiet maal moe na en kur keerge na näk kume mo thööth døc,

Mana Nyooth 19:11

Kanyøgø maal aneena ni ŋaam, ni neena okweeny mo tar. 'Ba ŋata en bääte cwøl ni Ŋat mo oŋäädhö ni näk Adïëri. Ni näk mare ŋøl luubö wala tïïya leny, moe beege adïëri.

Mana Nyooth 4:1

'Ba køør gïïögø aana nëënnö, ni jooda dhøk mo ŋaam maal. 'Ba dwøl mana kwøŋa wïnynyö na cäänö ki aani ni caala dwør tuuŋ aköö, ni «Ö maal baŋa kany. 'Ba ïïno nyutha gïïo tägi køør moi ii.»