Jøøn 1:45 - Wëël Jwøk

⁴⁵ 'Ba Pilip Nathaniel ajoode ni kööe jïgø, «Waani, ŋata gööt Modhe kipere yi wëël Ciik Jwøk na näk da luup thuwø mo ogöör nyïïkuk Jwøki kipere, ajootwa, ni beeye Jecu nyï Nadhareth na näk o Jocep.»

Jøøn 1:45 Iomraidhean Croise

Wïlöölö 22:18

Ni ö wïth juurre mo bäät piny bëët ni gwïëdhi ki køør nyïïkwaayï, kiper mana leŋï dwøra.› »

Wïlöölö 3:15

Yïthakiyu ki dhaagø omooa ki män, ni mooa yïthakic nyïïï ki nyïïe ki män thuwø. eni wïïï onyadhe, ni ö ïïni ni dwøŋï opuny tiere.»

Wïlöölö 49:10

Athøc kwär ba aay cer Juuda, ni kwär ba aay dhi øde, këël mano ö ŋat ma athøc kwär dööŋ jïre; ni tïm jiyi bëët ni leŋa ciik moe.

Aydheea 4:2

'Ba dïcäŋeca, lwinh Wuuö Jwøk onëëni ni mïërö ni ree da ajiem, ni ö nyeyi mano joot yi ŋöömö ni tïme na gïr ajiem na gïr atöör jï jø Icriel moo dööŋ ni kwøw.

Aydheea 53:2

Kiper dhaanh Wuuö Jwøk na näk ee jierø adøøŋŋø nyïm Wuuö Jwøk kaaman wø løth bat jaathi ri gutö, ni caala lweet jaath mo tuya yïth ŋøøm mo otal. 'Ba eni ba nëëni ni kare dwøŋ, ni bäŋ kït mïërö jïre ki man mäk nyeŋ jiyi dëëre, ni kïdö mare, jiy ba tuude ki man raŋi.

Aydheea 7:14

Kiper manøgønø, Kwäärö Wuuö Jwøk ki dëëre cïpö jïïu ki nyuudhi; ka adïëri møn, nyakøø mo dëër dïcwøø poot kuue ojïti ki nyilaal ni lwaare ki gø na dïcwøø, ni cak nyeŋ gø ni Imanuwel.

Aydheea 9:6

Kiper nyilaal onywöli jïïø, nyilaal ma dïcwøø ocïp jïïø, ni tïm teeki ni ena cere, ni cwøli ni beeye ŋat wø rëëm ec ni wø bwøth jiy ka acaare mo beyø, ni beeye Jwøa teeka eni, ni beeye Wuuö mano bëëdö na bäre bäre, ni beeye Kwääc bëët-mëër.

Mikiya 5:2

'Ba Wuuö Jwøk aköö, ni «Ï na Bethelem na en Eeparata, këël na bëëdï ni thiinhnha ïïni dï mïëc tuuŋ Juuda, ŋato käär jø Icriel othïïŋa kiper tïïc mara, ni eni ööi ki riï; ni öö mare käla ya acääŋŋe cøøn yïth nïra dïkwøŋ.»

Dhekaraya 6:12

Ni caanï gø jïre ni man bee dwør Wuuö Jwøk, eni na wïth jammi bëët, ena köö, ni ‹Man bee dhaanhø mo nyeŋŋe cwøl ni Lwinh Jaath; eno løth kaamar lwinh jaath kanya en yie, ni geer øtø mar Wuuö Jwøk.

Dhekaraya 9:9

«Wui, Dhayan, iï mïnne døc! Ni kwöŋŋï ki met ec, ni bee ï na Jerucalem! Raŋï, nyeya marï ööa baŋï, ŋat mo mare beeye adïëri, mo käära pïëm man piem jiy ki gø; eni mwöl, ni ena bäät arëën, ni beeye bäät nya arëën mana thiinh.

Mathiew 10:3

ki Pilip, ki Barthølömu, ki Tøma, ki Mathiew ŋat ajwäk, ki Jeemeth wär Alpia, ki Thadia,

Mathiew 13:55

?Aŋø, nyenøgø paa wär dïjëëth opämi? ?A menni, paa Meeri? ?A nyïïmenni, paa Jeemeth ki Jocep, ki Cayman, ki Juudac?

Mathiew 2:23

Ni cøøe ni bëëde yi päänya cwøl ni Nadhareth, nee mana caan nyïïkuk Jwøki thur kare, na køp, ni «Eno cwøl ni nyï Nadhareth.»

Mathiew 21:11

Ni kö lwaaki, ni «Man beeye nyikuŋ Jwøk ma Jecu nyï Nadhareth na en Galili.»

Maak 14:67

'Ba na neen Piter ni jøŋa dëëre ki maac, jïgø aneene, ni kööe, «Ïïni thuwø, ï ena buut Jecu nyï Nadhareth.»

Maak 6:3

?Aŋø, paa eni na dïjëëth opämi? ?Eni paa o Meeri, na näk cöök Jeemeth, ki Jöce, ki Juudac, ki Cayman? ?A nyïïmenni moa näk mään bäŋ wø bëëdö kany ki øøni?» Ni taakge gïr gø.

Luk 18:37

Ni caange gø jïgø, ni «Jecu nyï Nadhareth beeye ni pöödhi en.»

Luk 2:4

'Ba Jocep thuwø, ena tïŋŋö yi Galili yi paac mo cwøl ni Nadhareth, ni cøøa Bethelem po Deebit, na en yi Judia, kiper eni käla dhi øt Deebit,

Luk 2:48

'Ba kanya ö wänni ki menni na jootge gø, yïthge athäŋŋö, ni kö menni jïgø, ni «?Nyie, wääda, aŋø ni tïïyï wa na enønø en? Neenï, wäru ki aani, wa bëëdö ni wa caya ïïni ni cwïnywa opädhö døc.»

Luk 24:27

Ni par luup bëët jïge moa en yïth weet Jwøk na näk ocaanø kipere, ni tääe ka luup Modhe këël mo nyïïkuk Jwøk bëët.

Luk 24:44

Kanyøgø ena köö jïge, ni «Moi beege luupa na caana jïïu kanya pooda naa bëëdö ka uuni, ni luup bëët moa näk ogöörö kipera ri ciik Modhe, ki mo nyïïkuk Jwøk, ki moa en yi Dut Pwøc thura karge.»

Luk 3:23

'Ba kanya täk Jecu ki tïïc mare, cwiiye jïtö ki pïëradäk, ni bëëdö ni keda o Jocep, ki køør acaara mar jø møøk. 'Ba Jocep ena wär Eeli,

Luk 4:22

Ni ö jiyi bëët ni pwøcge gø, ni yïthge orëëm ki luup moa met na ö wøk ki dhee. 'Ba gena köö, na «?Aŋø, ŋati paa o Jocep?»

Jøøn 1:44

'Ba Pilip beeye nyï Betheeda po jø Andaru ki Piter.

Jøøn 12:21

Ni öge baŋ Pilip na näk nyï Betheeda, paac mo ena yi Galili, ni köge jïre, «Ŋat dwøŋ, wa caya man neenwa Jecu.»

Jøøn 14:8

'Ba Pilip aköö jïre, «Kwäärö, nyooth Wuuö jïwa, nee cwïnywa pïge piny.»

Jøøn 18:5

Ni løkge gø jïre, ni «Wa caya Jecu nyï Nadhareth.» Ni kö Jecu jïge, «Beeye aani en.» 'Ba Juudac na cïp gø ceŋge cuŋŋa dïge.

Jøøn 18:7

Ni cäŋ ge pëënynyö, na «?Aŋa ni cayu?» Ni köge, ni «Wa caya Jecu nyï Nadhareth.»

Jøøn 19:19

'Ba Paylat agöödö ki luubö, ni kïth gø wï jaadha no odëëdö. Ni luumma gööre beeye en, «Ŋati en beeye Jecu nyï Nadhareth na näk nyeny jø Juuth.»

Jøøn 21:2

Cayman Piter, ki Tøma na cwøl na Acwiek, ki Nathaniel nyï Keena paana en yi Galili, ki wäät Dhebedi, ki bääge ariiø møøk, geno dwät kanya ciel bëët.

Jøøn 6:42

'Ba gena köö, na «?Aŋø, ŋati en paa Jecu o Jocep na wänni ki menni ŋääø? ?Aperŋø ni caan gïnögø kawaane, ni ‹Aana öö ki maal ni ööa piny›?»

Jøøn 6:5

'Ba na ö Jecu na tïŋ wïïe maalø, ni joot lwaak ni ööa baŋe, ena köö jï Pilip, «?Øøno ŋëëwø kaa ki muunni kiper nee cam jøøi ni thööth ii?»

Jøøn 6:7

Ni løgi ya Pilipi, «Gwel ma dïpe ariiø ba doo rømø ki ŋïëw ki muunni kiper nee ŋati man nø jïte ki mo thiinh.»

Moa Tïïc Nyïïatwieli 10:38

ki mana ö Jwøki na jør Jecu nyï Nadhareth ki Jwïëc Jwøk na en kur keere, ni mooc gø ki teek, ki kanya cäädhe ni tïïya gïï mo beyø, ni køny jøøa näk oraany anägö bëët. Kiper Jwøk ena buute.

Moa Tïïc Nyïïatwieli 2:22

«U na jø Icriel, wïnynyu luupi ii. Aani, a cäänna uuni kiper Jecu nyï Nadhareth, ŋata nyooth Jwøki jïïu ki tïïe mo døøŋŋø ki gïï mo rëëma ec ki ŋïïce moa tïïc Jwøki dïïu ki køøre, kaa mana ŋäyu gø ki dëëtu.

Moa Tïïc Nyïïatwieli 22:8

«'Ba aana köö, ni ‹?Ïïna ŋa, Kwäärö?› «Ni kööe jïra, ni ‹Aana Jecu nyï Nadhareth ni gëëmï ki gø enø.›

Moa Tïïc Nyïïatwieli 26:9

«Këël aani ki dëëra acaara ni doo beer jïra ki man tïïa ki gïï mo thööth naa raanynya nyeŋ Jecu nyï Nadhareth.

Moa Tïïc Nyïïatwieli 3:6

'Ba Piter aköö, ni «Aani jïra bäŋ gwel, 'ba gïn en jïra en mëëga ïïni. Ki nyeŋ Jecu Krictø nyï Nadhareth, cäädhï!»