Jøøn 1:39 - Wëël Jwøk

³⁹ Ni kööe jïge, «Ööu nee neennu.» Ni cige ni jootge kanya bëëde yie, ni putge bëëdö kanyøce ki eni dïcäŋögø, kiper na näk cäŋ abøøya ki caae aŋween.

Jøøn 1:39 Iomraidhean Croise

Pwöc Leec Wïc 8:17

A mëër ki jø wø mëër ki aani, ni jø wø many aani ki cwïnyge bäre a wø jootge joodø.

Luk 24:29

'Ba ena kwacge, ni köge, ni «Bëëdï ki waani, kiper piny anø tïmö na abøøya, ni cäŋ onø tïmö ni thiinh.» Kanyøgø ena cøø ni bëëde ki geni.

Jøøn 1:38

Ni ö Jecu ni løk ree ni joot geni ni ge lämma køøre, ni kööe jïge, «?Agïnaŋø ni manynyu?» Ni köge jïre, ni «?Raabay,» na näk tiere beeye Dïpööy, «Ï bëëdï kaa ŋø?»

Jøøn 1:40

'Ba dëët jøø na ariiø yøø na wïny dwør Jøøn ni luubö, na läp køør Jecu, dhaanhø aciel beeye Andaru na näk cöök Cayman Piter.

Jøøn 1:46

'Ba Nathaniel aköö, ni «?Da gïn mo beer mo doo ööa wøk ki yi Nadhareth?» Ni kö Pilipi jïre, «Ööï nee neenï.»

Jøøn 4:40

Køøre na ö jø Cameria baŋe, ena pëënyge ki man bëëde ki geni. Ni ö eni ni bëëde kanyøce ki nïne ariiø.

Jøøn 6:37

'Ba jiy mo wø cïp Wära jïra bëët ööa baŋa. 'Ba ŋat wø ö baŋa, ba riemma.

Mana Nyooth 3:20

'Ba neenï, a cuŋŋa dhi øtø, naa dööŋö. 'Ba ni näk da ŋat mo wïnynya dwøra, ni jap dhi øtø, a cøøa baŋe, ni cäma ki eni, ni ö eni ni cäme ki aani.