Jøøn 1:38 - Wëël Jwøk

³⁸ Ni ö Jecu ni løk ree ni joot geni ni ge lämma køøre, ni kööe jïge, «?Agïnaŋø ni manynyu?» Ni köge jïre, ni «?Raabay,» na näk tiere beeye Dïpööy, «Ï bëëdï kaa ŋø?»

Jøøn 1:38 Iomraidhean Croise

1 Nyeye 10:8

A met ec mo nyïëdi ni en jï jiy moï ki jiy moa näk iï cuumö ni wø en buutï cooth, ni wø wïny luup mo wø caanï ki køør leec wïc marï!

Pwöc Leec Wïc 13:20

Ŋat wø cäädhi ki jøøa wïthge leer, wïïe tïmö ni leer, 'ba nyawat jøøa wïthge känni wø joota gïï mo reyø.

Pwöc Leec Wïc 3:18

Ena jaath kwøw jï jø wø göök ree, ni jø wø mak gø di gwïëdhö.

Pwöc Leec Wïc 8:34

Gwïëth en jï ŋat wø cek ïthe ki mara, ni wø raŋ dhi kal mara ki yïth nïne bëët, ni wø kurö dhi øtø mara.

Wëël Kïmmö 5:19

Wui, ï na Wuuö Jwøk, bura marï bëëdö na bäre bäre, ni ö wälu marï ni këët røk beenhnhe moo ööi bëët.

Luk 10:39

'Ba nyaanøgø jïre da coki ma nyakøø mo nyeŋŋe Meeri, na pï tiet Kwäärö ni wïnynya pwöc mo gø.

Luk 14:25

'Ba kanyøgø lwaak mo päl aläp køør Jecu, ni ö eni ni løø nyïme baŋge, ni kööe jïge,

Luk 15:20

Ni ö maal ni tïŋŋe ni ci baŋ wänni. 'Ba kanya poode ni kare bäär, ena joot wänni, ni päth cwïnye ki gïr gø, ni reŋe ni gääm gø, ni nuum dhi gø.

Luk 19:5

'Ba Jecu na pïïe kanyøce, alwïthö maal, ni kööe jïgø, ni «Dhekiya, laar ö piny, kiper a pïïa paarï dïcäŋi.»

Luk 22:61

Ni ö Kwäärö ni løk ree ni lwiith Piter. Ni ö Piterri ni put wïïe par ki luumma caan Kwäärö, na kööe jïgø, ni «Dïcäŋi ni gwienø poot kär köök, riï mooŋï mooŋø ki aani ki kwöre adäk naa kuyï.»

Luk 8:38

'Ba ŋata aay anäge wøk dëëre Jecu akwaae, nee eni bëëde ki gø. 'Ba ena wëëk Jecu wääth, ni kööe jïgø,

Jøøn 1:37

'Ba na wïnynyi ya bääŋi riet ni caana gïnögø, gena läp køør Jecu.

Jøøn 1:39

Ni kööe jïge, «Ööu nee neennu.» Ni cige ni jootge kanya bëëde yie, ni putge bëëdö kanyøce ki eni dïcäŋögø, kiper na näk cäŋ abøøya ki caae aŋween.

Jøøn 1:49

Ni løgi ya Nathanielli jïre, «Dïpööy, beeye ïïni na O Jwøk, na näk Nyeya mar Icriel.»

Jøøn 12:21

Ni öge baŋ Pilip na näk nyï Betheeda, paac mo ena yi Galili, ni köge jïre, «Ŋat dwøŋ, wa caya man neenwa Jecu.»

Jøøn 18:4

'Ba Jecu kiper na ŋäc japo pïï dëëre, ena ci nyïm ni kööe jï jøøgø, na «?Aŋa ni cayu?»

Jøøn 18:7

Ni cäŋ ge pëënynyö, na «?Aŋa ni cayu?» Ni köge, ni «Wa caya Jecu nyï Nadhareth.»

Jøøn 3:2

Ŋatøgø aö baŋ Jecu ki wäär ni kööe jïre, ni «Dïpööy, ŋäcwa ni ïïna dïpööy mo käla baŋ Jwøk, kiper bäŋ dhaanhø mo doo maara tïïö ki ŋïïce moøgø ni wø tïïyï yøø, ni näk Jwøk tøør buute.»

Jøøn 3:26

Ni öge baŋ Jøøn ni köge jïre, ni «Dïpööy, ŋata bëëdö ki ïïni løø Naam Jördan løøga, na gïre køpï, ena kany ni löö na nyuudhi, ni jiy bëët cøøa baŋe.»

Jøøn 4:31

'Ba kanya poot dhaage ni kär duuö, bääge aö baŋe ni köge, ni «Dïpööy, ööï, ocämï.»

Jøøn 6:25

'Ba na jootge eni løøga, gena köö jïre, «?Dïpööy, ïïno ö kany yi wäne?»

Moa Tïïc Nyïïatwieli 10:21

Ni ö Piterri ni ci piny baŋ jøøgø ni kööe, ni «Aani en, na cayu. ?Agïnaŋø na ööu kipere?»

Moa Tïïc Nyïïatwieli 10:29

Kiper manøgønø, na öönnï baŋa, aana öö ni bäŋ gïn mo yaa pëënynyö. 'Ba beeye ni pëëa ennø, na ?Aperŋø na öönnï baŋa?»

Ruuth 1:16

'Ba Ruuth aköö, ni «Kärï köö jaak ni aa buutï, niï köömma aani ni køørï kär løpa; kiper kanyo ciï yie jaak a cøøa yie, ni kanyo bëëdï yie aano bëëdö yie thuwø; jiy moï geno tïmö na jiy 'moa, ni ö Jwøk marï ni tïme na Jwøk mara.