Jøøn 1:29 - Wëël Jwøk

²⁹ 'Ba na tïme na aruunnø man, Jøøn Jecu aneene ni ööa baŋe, ni kööe, ni «Neennu, Nyidier Jwøk ŋato wëën raay mo jø piny.

Jøøn 1:29 Iomraidhean Croise

Bwøth Wøk 28:38

Ni ö gïnögø ni bëëde täärnyïm Aran; ni ö Aranni ni lwør ajäl raay mana doo en bäät jø Icriel ki køør gïï wø cïpge ni patha karge røk japa en kur keerge bëët mo wø kälge baŋa. Ni ö gïnögø ni bëëde täärnyïm Aran cooth, nee gïïo cïpge jïëa, a na Wuuö Jwøk.

Aydheea 53:10

'Ba beeye mana many Wuuö Jwøki ki man wëëk gø caarø ni jwør gïï mo leth, ni cïp jwïëc gø no olämi man wëën bääyö mar jiy ki gø. 'Ba cwiiye otïmö ni thööth, ni neen beenhnhø mano en yi nyïm. Gïïa met yi Jwøki ki ge otïïe ni wëëk ge thur karge.

Aydheea 53:11

Wuuö Jwøk aköö, ni «Køør gïïa jwøre ki cwïnye, yie omïnni kanyo joot gïno beer. Eni na dhaanhnha na mare beer, ki køør leec wïc mare, jiy mo thööth ojïëe ni marge beer ki køør mana käär raay moge.

Aydheea 53:7

Ena caari ni wëëgi jwør gïï mo leth, 'ba eni dhee käre tuuö; ena lïŋö kaamar nyidiel mo køøla baŋ ŋaal, ni neekïïl kaamar røømmø mo ena nyïm jø wø nyaar jïëye, ni dhee käre tuuö.

Odheea 14:2

Duu baŋ Wuuö Jwøk, ni kööu jïre, ni «Wëën raay mowa bëët, ni jïëyï waani ki met ec marï, nee wa cïpwa ki pwøc no olämme.

Ciik Kiper Dïlämme 10:17

na «?Aperŋø na ba cammu olämi mar wëën raay yi kanya en kur keere? Kiper eni ena kur keere ni pere leth; ena cïp jïïu nee bääyö mar jø Icriel tïme ni ena bääte ki mana tïï no okïdi kiperge nyïm Wuuö Jwøk.

Dhekaraya 13:1

Wuuö Jwøk aköö, ni «Noo tïme na dïcäŋöca jøøro ojap jï dhi øt Deebit ki jø wø bëëdö Jerucalem kiper nee raay moge pïny wøk ni tïïc ge ni waany.»

Kwään Jiy 18:1

Køøre Wuuö Jwøk acäänö ka Aran, ni kööe, na «Ajäl gïï mo patha karge mo wø tägi yo oduŋkaany røømmø ki ri tïï japa en kur keerge oen bäätï ki wäätï ki dhi øt wäru bäre. Këël ï na Aran, ajäl gïï mo patha karge mo wø tägi bëët ki ri tïï dïlämme oen bäätï ki wäätï u keeru.

Kwään Jiy 18:23

'Ba beeye jø tuuŋ Libay keerge noo tïny oduŋkaany røømmø, ni ö ajäl gïï mo patha karge mo wø tägi yie ni tïme ni ena bäätge. Manøgø obëëdö na ciik këël yïth beenhnhe mou bëët. 'Ba bäŋ ŋøøm mo cïp jïge yïthakic jø Icriel mo maara dööŋŋe jï nyïïkwaacge;

Kwään Jiy 21:9

Ni ö Modhe ni tïïe ki thwör jwïël ni lïër gø bäät jaath mo ocwöth piny; ni ö jøøa näk okaac thwöre bëët ni jïtge ki køny kanya neenge gø.

Kwään Jiy 7:27

ni cïpe ki rwaath aciel, ki nywø røømmø aciel, ki nyidiel aciel ma røømmø ma nywøk mo cwiine aciel no olämme mo wø waaŋ bäre;

Kwään Jiy 7:39

ni cïpe ki rwaath aciel, ki nywø røømmø aciel, ki nyidiel aciel ma røømmø ma nywøk mo cwiine aciel no olämme mo wø waaŋ bäre;

Mathiew 1:21

Eno lwaar ki nyilaal ma cïïŋŋö; 'ba nyeŋŋe ocwølï ni Jecu, kiper beeye eni noo piem jiye yïth raay moge.»

Mathiew 20:28

kaawat man bëët Wär Dhaanhø en ni kär öö nee tïnynyi, 'ba eni ööi kaper nee jø møøk tïnynye, ni cïpa jwïëye na wïïdi kiper jiy mo thööth.»

Jøøn 1:35

'Ba na tïme na aruunnø maya, Jøøn acäŋ cuŋŋö ki bääge ariiø,

Jøøn 1:36

ni neen Jecu ni cäädhö, ni kööe, «Neennu, Nyidier Jwøk.»

Jøøn 1:43

'Ba na tïme na aruunnø man, Jecu aköö ni eni cøøa Galili. Ni joot Pilip ni kööe jïgø, ni «Ööï ni cäädhï køøra.»

Jøøn 2:1

'Ba na tïme na ri dää nïne da nywöm ma atïïc yi Keena yi Galili. 'Ba mii Jecu ena kanyøce.

Jøøn 3:16

«Kiper Jwøk mëër ki jø piny døc, ni beeye na cïp Wääde ma aciel, kiper nee ŋato wäro jïëy ki eni ni ŋääth gø nee kwøe ki kwøw mana näk adïëri mo bäŋ cuŋŋe, nee ba ränynye.

Jøøn 4:42

Ni köge jï dhaagø, ni «Paa kiper luummï këët na jïëcwa ki gøøni ni ŋääthwa gø, 'ba luumme awïnywa ki dëëtwa, ni beeye na jïëcwa ni ŋääthwa gøøni en. Ni ŋäcwa gø na adïëri møn ni beeye eni na Pïëmi mar piny bäre.»

Jøøn 6:51

'Ba beeye aani na møk kwøw mana öö ki maal na ö piny. Noo dee ŋat mo cam møgøgøøni, eni okwøw na bäre bäre. 'Ba møgo cïba kiper nee jø piny kwøwge, beeye dëëra.»

Moa Tïïc Nyïïatwieli 13:39

Ni beeye ki køøre no ö jøw ojïëy bëët ni ŋääthge noo pädi yïth jammi bëët moa ba doo maar lønyø jï ciik Modhe ki man pät uuni.

Moa Tïïc Nyïïatwieli 8:32

'Ba luupa kwaane yi wëël Jwøk beege ii, ni «Eni dhee käre jaalø, keda diel mo køøla baŋ ŋaal, wala nyidiel mo lïŋö cer ŋat wø nyaar jïëye.

1 Körin 15:3

'Ba mana pere letha eni beeye na cïba jïïu, ni beeye mana wëëk aani thuwø, ni Krictø athuunh raayø, kaawat mana no ogöörö yïth Weet Jwøk,

2 Körin 5:21

Kiper ŋata kuc raay atïïe na ŋat raay kiperø, kiper nee ø bëënynyø ki beeny Jwøk ki køøre.

Galeecia 1:4

ŋata cïp dëëre kiper raay moø, nee ø pieme yi piny man en ni raac en, kaawat mana many Jwøø na näk Wääø,

Galeecia 3:13

'Ba Krictø acïëni mana doo en bäätø kiper ciik Jwøk, awëënne, kiper mana tïme ni cien kaperø. Kiper ogöörö, na «Acïëni oen bäät jiy bëët mo wø 'näk no oŋaap bäät jaath.»

1 Timöthi 2:6

ŋata wïïr ree nyeŋ kwöc jiy bëët, ni gïre ocaanø ki kanya näk kare.

Tayta 2:14

ŋata cïp ree kiperø, nee ø wïïl wøk yïth raay bëët, ni tïïc øøni ni ø waany na moe, na jiy mo cwïnyge ege cïp køør tïïe moa beyø.

Ibaru 1:3

ŋata joot ajiem Jwøk dëëre, ni kït Jwøk kiree ena dëëre, ŋata bëën jammi bëët ki dwøre na teek. 'Ba eni, kanya nø wëën ajäl raay, ena pï piny bäät cwïï Kwääya dwøŋ ni en maalø.

Ibaru 2:17

Ni beeye tiere na kwøŋi tïïc ni caala nyïïmenni ki yi bëëte bäre, kiper nee eni tïme na Kwääy Lam Mo Dwøŋ yi tïï Jwøk, mo yie bäth mo oŋäädhö, nee raac jiy wëënne.

Ibaru 9:28

Kaawat manøgø thuwø Krictø na cïp yie aciel keere nee raac jiy mo thööth kääre, ocäŋ duuö, ni ba ööi kaper raay nee kääre, 'ba oööi ni piema jø wø koor eni.

1 Piter 1:19

'Ba u wiil ka rem Krictø na näk pere leth, na caal rem nyidiel mo bäŋ kany mo jøøŋŋi dëëre, wala kïdö mo raac.

1 Piter 2:24

'Ba eni ki dëëre raay 'moø akääre ki rïŋ dëëre bäät jaath nee ø ba bëënnø raay, 'ba nee ø bëënnø moa beyø. Ni beeye ŋwiili moe na wëëk dëëtø jöönnö.

1 Piter 3:18

Kiper Krictø thuwø athøw kiper raay yie aciel na bäre bäre, ŋata beer na thuunh jøøa reyø, kiper nee ø kïth baŋ Jwøk, ki køør mana 'näk dëëre ni cäŋi wëëk kwøw ki ri jwïëy.

1 Jøøn 2:2

Ni beeye eni no olämi kiper raay moø, 'ba patha per raay 'moø keerø, 'ba beeye kiper raay mo jø piny bäre.

1 Jøøn 3:5

'Ba ŋäyu ni ena ö kuna wëën raay. Ni eni bäŋ raay dëëre.

1 Jøøn 4:10

'Ba mëër beeye en, ni patha øøni na mëër ki Jwøk, 'ba beeye eni na mëër ki øøni ni jääŋ Wääde nee tïme no olämi kiper raay moø.

Mana Nyooth 1:5

ki baŋ Jecu Krictø, na näk lïŋi mana näk adïëri, ŋata kwøŋ duu wøk ki yi thøø, eni na wïth nyeye mo piny. Ajiem ki rööny en jïre këël na bäre bäre, ŋata mëër ki øøni, na pät øøni ki remme yïth raay moø,

Mana Nyooth 12:11

'Ba ena böötge ki køør rem Nyidiel ki luum Jwøk na køpge, ni per jwïëcge ba leth jïge, këël doo cööpa ri thøø.

Mana Nyooth 13:8

'Ba eno wøør jø wø bëëdö bäät piny, ni beege jiy bëët moa näk nyeŋge kär göör yi wëël kwøw mar Nyidiel na bëëdö no onää ki kanya poot pinynyi ni kär caa.

Mana Nyooth 14:1

Kanyøgø aana nëënnö, ni jooda Nyidiel ni cuŋŋö bäät Kïn Dhayan, ni buute da jiy ma kume ma dïpa ki pïëraŋween kurŋween, jøøa näk nyeŋŋe ki nyeŋ Wänni ogöör täärnyïmge.

Mana Nyooth 14:10

ŋatøgø thuwø, omäthi ki køøŋ nyïïomøki mar wëëc Jwøk, mo okøny yaa athöönh wëër mare, ni bäŋ gïn mo ojääbö ki gø. 'Ba eno caari ki maac, ki maac mør mo jïye keec ni lïëth døc nyïm nyïïatwiet maal na en kur keerge, ki nyïm Nyidiel.

Mana Nyooth 14:4

Beeye jøøa näk dëëtge kärge raanynyø ki mään. Kiper dëët mään kucge. Ni beeye geni wø caath køør Nyidiel kany wø ci yie jaak. Geni, ge wïïl wøk ka røk teeŋ jiy bëët, na këël wï Jwøk jï Jwøk ki Nyidiel.

Mana Nyooth 15:3

Ni ge wära duut Modhe, na näk laŋ Jwøk, ki duut Nyidiel, ni ge köö, ni «Ï na Kwäärö Wuuö Jwøk na en teeki jïrï, Nyeny piny bäre, tïïe moï døøŋŋø, ni beege gïï mo rëëma ec. Ni luup moï beyø ni näkge adïëri.

Mana Nyooth 17:14

'Ba geno määnynyi baŋ Nyidiel, ni ö geni ni bööti ya Nyidielli, kiper ena Kwääy kwääri, ni ena Nyeny nyeye, ni jøøo en buute, gena jøøa cwøl, na jier, na jiy mo oŋäädhö.»

Mana Nyooth 19:7

Yïthø mïnge ni kanynyø ni jiemø eni, kiper nywöm mar Nyidiel apïï, ni dhaagø thiinh mare dëëre ee nø jiiŋŋø.

Mana Nyooth 19:9

Ni ö nyïïatwiel maal manøgø ni kööe jïra, «Göör gïn: Gwïëth en jï jøøa cwøl baŋ cam nywöm mar Nyidiel.» Ni kööe jïra, ni «Moi beege luup Jwøk na näk adïëri.»

Mana Nyooth 21:14

'Ba kiir paanøgøøni odhïŋe opeedhø ki kïte apaar kurriiø moa cwäc bäätge, ni nyeŋ nyïïatwiet Nyidiel karge paari kurriiø ogöör bäätge.

Mana Nyooth 21:27

Ni bäŋe gïn mo raac mo døny yie, wala ŋat mo tïïya gïï mo määnö wala twöt. 'Ba beege jøøa näk nyeŋge ogöör yi Wëël Kwøw mar Nyidiel keerge noo ci yie.

Mana Nyooth 21:9

Kanyøgø nyïïatwiel aciel røk nyïïatwiet maal moa näk abïriiø, jøøa käär kuuya näk abïriiø na päŋ ki jap räny piny moa näk abïriiø na näk aŋuudi ena öö ni luupe ki aani, ni kööe, ni «Ööï, nee dhaagø thiinh na näk cï Nyidiel nyutha ïïni.»

Mana Nyooth 5:6

'Ba yïthakic wälu ki gïïa kwøw karge ŋweeni ki dï jaae aana nëënnö ki Nyidiel mo cuŋŋö, mo kede onää, dëëre ki tuŋi abïriiø ki nyeŋ abïriiø na näk Jwïëc Jwøk karge bïriedi mo ojääŋŋö dï piny bäre.

Mana Nyooth 5:8

'Ba na nø lwør wëëlö, gïïa kwøw karge ŋweeni ki jaae na näk pïërariiø kurŋween gena päth nyïm Nyidiel, ni ŋati man nø cere da thoom ki kuura ma warkey mo päŋ ki gïï wø jïcge ŋwääi ni met, na näk laam mo jø Jwøk.

Mana Nyooth 6:1

Kanyøgø aana nëënnö kanya ö Nyidielli na jap mööni aciel røk möönne abïriiø, ni wïnynya dwør aciel røk gïïa kwøw karge ŋweeni, ni cäänni ka dwøl mo keda määc køth, ni kööe, ni «Ööï.»

Mana Nyooth 6:16

ni ge cøøra kïte ko ogeeme, ni «Päthu bäätwa ni kannu waani ki waŋ ŋat en bäät wälu, ki wëëc Nyidiel.

Mana Nyooth 7:14

Ni dwøga gø jïre, ni «Ŋäyï, kwäärö.» Ni duu gø jïra, ni «Jøøgø beege jøøa ö wøk ki yi gïna leth døc na wäŋŋi. Abïïkge apenyge ni tïïcge ge ni tar ki rem Nyidiel.

Mana Nyooth 7:17

Kiper Nyidiel ni en dï thudhi tïmö na dïkwääy marge, ni nyooth geni kwör jøør mo pï kwøw, 'Ba Jwøk pï nyeŋge opwøe bëët.»