Jøøn 1:27 - Wëël Jwøk

²⁷ ni beeye eni noo ööi køøra, ŋata näk thøøth waye ba doo mïërö jïra ki man päda ge wøk tiete.»

Jøøn 1:27 Iomraidhean Croise

Wïlöölö 14:23

ni aani a ba doo løny ki man käda ki gïn mo thiinh, këël waarø wala thøør warø wala nyi gïn mør jaak ma marï; kiper kanymør ï köö jaak, na ‹Abram tïïya aani na kwäärö ki jammi.›

Mathiew 3:11

«Aani, dëëtu lwøa ka pïï na nyuudhi kiper løk cwïny, 'ba ŋato ööi køøra dwøŋŋa eni ki aani, ni këël wac tiete kiree a ba rømi ki man käära ge ki cera. Eni uuno lwøe na nyuudhi ki Jwïëc Jwøk na en kur keere ki maac.

Maak 1:7

Ni køp gø, ni «Køøra da dhaanhø mo öö mo dwøŋŋa eni ki aani, ni këël thøøth waye ba doo mïërö jïra ki man pïïa piny ni päda ge wøk tiete.

Luk 3:16

Jøøn mare acaane jïge bëët, ni kööe, ni «Aani, dëëtu lwøa ka pïï na nyuudhi, 'ba da ŋat mo dwøŋŋa eni ki aani mo öö, mo thøøth waye ba doo mïërö jïra ki man päda ge wøk. Eni uuno lwøe na nyuudhi ki Jwïëc Jwøk na en kur keere ki maac.

Jøøn 1:15

Jøøn acäänö ki gïre, ni cwödö, ni «Man beeye ŋata gïre caana, ni ‹Eni no ööi køøra dwøŋŋa eni ki aani, kiper eni nutö cøøn naa poodi.› »

Jøøn 1:30

Eni beeye na gïre køba, ni ‹Da dhaanhø mo öö køøra, mo dwøŋŋa eni ki aani, kiper eni nutö cøøn naa poodi.›

Jøøn 10:41

Ni ö jiyi mo thööth baŋe ni ge köö, ni «Jøøn bäŋ ŋïï mo ee tïïö, 'ba luup bëët moa car Jøønni kiper ŋatøgø athur karge na adïëri.»

Moa Tïïc Nyïïatwieli 13:25

'Ba kanya ö Jøønni ni tïme ni thööra tïïc mare, ena köö, ni ‹?Ki jïïu, u wø köö ni aana ŋa? Aani, a patha eni. Jïra bäär, 'ba da dhaanhø mo öö køøra, mo thøøth waye a ba doo mïërö ki man päda ge wøk tiete.›

Moa Tïïc Nyïïatwieli 19:4

'Ba Pøøl aköö, ni «Jøøn alöö ki lwøk na nyuudhi mar løk cwïny, ni kööm jiy ki man jïëcge ŋato ööi køøre, ni beeye Jecu.»