Jøøn 1:15 - Wëël Jwøk

¹⁵ Jøøn acäänö ki gïre, ni cwödö, ni «Man beeye ŋata gïre caana, ni ‹Eni no ööi køøra dwøŋŋa eni ki aani, kiper eni nutö cøøn naa poodi.› »

Jøøn 1:15 Iomraidhean Croise

Pwöc Leec Wïc 8:22

«Ki mana täge wïlöölö, aani na leec wïc, a bëëdö na mar Wuuö Jwøk, kanya poode dïkwøŋ ni jammi bëët poot käre cwääö.

Aydheea 9:6

Kiper nyilaal onywöli jïïø, nyilaal ma dïcwøø ocïp jïïø, ni tïm teeki ni ena cere, ni cwøli ni beeye ŋat wø rëëm ec ni wø bwøth jiy ka acaare mo beyø, ni beeye Jwøa teeka eni, ni beeye Wuuö mano bëëdö na bäre bäre, ni beeye Kwääc bëët-mëër.

Mikiya 5:2

'Ba Wuuö Jwøk aköö, ni «Ï na Bethelem na en Eeparata, këël na bëëdï ni thiinhnha ïïni dï mïëc tuuŋ Juuda, ŋato käär jø Icriel othïïŋa kiper tïïc mara, ni eni ööi ki riï; ni öö mare käla ya acääŋŋe cøøn yïth nïra dïkwøŋ.»

Mathiew 3:11

«Aani, dëëtu lwøa ka pïï na nyuudhi kiper løk cwïny, 'ba ŋato ööi køøra dwøŋŋa eni ki aani, ni këël wac tiete kiree a ba rømi ki man käära ge ki cera. Eni uuno lwøe na nyuudhi ki Jwïëc Jwøk na en kur keere ki maac.

Maak 1:7

Ni køp gø, ni «Køøra da dhaanhø mo öö mo dwøŋŋa eni ki aani, ni këël thøøth waye ba doo mïërö jïra ki man pïïa piny ni päda ge wøk tiete.

Luk 3:16

Jøøn mare acaane jïge bëët, ni kööe, ni «Aani, dëëtu lwøa ka pïï na nyuudhi, 'ba da ŋat mo dwøŋŋa eni ki aani mo öö, mo thøøth waye ba doo mïërö jïra ki man päda ge wøk. Eni uuno lwøe na nyuudhi ki Jwïëc Jwøk na en kur keere ki maac.

Jøøn 1:27

ni beeye eni noo ööi køøra, ŋata näk thøøth waye ba doo mïërö jïra ki man päda ge wøk tiete.»

Jøøn 17:5

'Ba kawaane, Wuuö, jiem aani buutï ka ajiem mana kwøŋï aani jiem ki gø na pooda buutï, ni piny poot kär cwääö.

Jøøn 8:58

Ni løgi ya Jecu jïge, na «Adïëri møn a caana gø jïïu, kanya poot Eeberammi ni poot kär nywølø, a nutö.»

Köløcia 1:17

Ni beeye eni na nut kanya poot jammi bëët. Ni beeye eni na ö jammi bëët na kuutge ree.

Ibaru 13:8

'Ba Jecu Krictø poot na kare, ya awääre ki dïcäŋi, këël na bäre bäre.

Mana Nyooth 1:11

ni cäänö, ni «Göör gïn ni neetï en yi wëëlö, ni jääŋŋï gø baŋ acook Jwøk karge bïriedi, ni beeye yi Epeca, ki Camerna, ki Pergamum, ki Thayatira, ki Carda, ki Piladelpia, ki Leeyödicia.»

Mana Nyooth 2:8

«Ni göötï baŋ nyïïatwiel maal mar acooŋ Jwøk mana en Camerna, ni kööï, ni «Moi beege luup ŋata dïkwøŋ ni näk aŋuudi, na thøw ni cäŋ kwøwø.