Jøøn 1:14 - Wëël Jwøk

¹⁴ Ni ö Dwørøgøøni ni tïme na dhaanhø ni bëëde dïïø, ni mëër ka adïëri okääthö jïre. Ni waani ajiem mare ewa neenø, ajiema en jï Wäädö na näk aciel jï Wuuö.

Jøøn 1:14 Iomraidhean Croise

Aydheea 40:5

Køøre nø, ajiem mar Wuuö Jwøk onyooth, ni ö jiyi bëët ni putge gø raŋ ge bëët. Luummögø caana Wuuö Jwøki ki dhee kiree.»

Aydheea 53:2

Kiper dhaanh Wuuö Jwøk na näk ee jierø adøøŋŋø nyïm Wuuö Jwøk kaaman wø løth bat jaathi ri gutö, ni caala lweet jaath mo tuya yïth ŋøøm mo otal. 'Ba eni ba nëëni ni kare dwøŋ, ni bäŋ kït mïërö jïre ki man mäk nyeŋ jiyi dëëre, ni kïdö mare, jiy ba tuude ki man raŋi.

Aydheea 7:14

Kiper manøgønø, Kwäärö Wuuö Jwøk ki dëëre cïpö jïïu ki nyuudhi; ka adïëri møn, nyakøø mo dëër dïcwøø poot kuue ojïti ki nyilaal ni lwaare ki gø na dïcwøø, ni cak nyeŋ gø ni Imanuwel.

Edhikiel 37:27

Kar bëëtö mara otïmö ni ena dïge; ni bëëda ni aana Jwøk marge, ni bëëtge ni gena jiy 'moa.

Mathiew 1:16

'Ba Jeekap beeye wää Jocep, ni Jocep manøgø beeye cø Meeri, na mii Jecu, Jecu na cwøl ni Krictø.

Luk 2:11

Kiper dïcäŋi Pïëmi anywøl jïïu yi po Deebit, ni beeye Krictø na näk Kwäärö.

Luk 2:7

Ni lwaare ki kanynye ma nyilaal ma dïcwøø, ni rïëp gø ka abïïe ni pïël gø yi pöö, kiper na tïme ni bäŋ kany mo rømge yie yi øt wëëlle.

Luk 9:32

'Ba kanyøgø Piter ki jøøa en buute, nyeŋge da niine mo thööth, 'ba kanya päcge, ajieme ajootge ni jootge jøøa näk ariiø na cuŋŋö buute.

Jøøn 1:1

Wïlöölö Dwøl nutö, ni Dwørøgøøni ena kanya ciel ki Jwøk, ni Dwørøgøøni beeye Jwøk.

Jøøn 11:40

Ni kö Jecu jïre, «?Aŋø, kära caana jïrï, ni ‹Ni näk ïïno jïëy ni ŋäädhï, ajiem Jwøk diï neenø›?»

Jøøn 14:6

Ni kö Jecu jïre, «Beeye aani na jöö, ni näga adïëri, ni näga kwøw. Ni bäŋ ŋat mo ö baŋ Wuuö ni näk eni ba ööi ka raa.

Jøøn 14:9

Ni kö Jecu jïre, «?Aŋø, a kär bëëdö ki uuni ki kany mo bäär? ?A poot kuyï en, Pilip? Ŋat maa ee neenø, Wuuö ee nø neen. ?Aŋø ni kööï, ni ‹Nyuth wa Wuuö›?

Jøøn 17:22

'Ba ajiem mana cïpï jïra acïba jïge, nee ge tïmge na aciel kaawat marø na nägø aciel,

Jøøn 17:24

Awuuö, a manynya geni thuwø, ge na cïpï jïra, nee bëëtge ki aani na aciel kanyo ena yie, na ajiem mana cïpï jïra nee neenge, kaawat mana mëërï ki aani, ki mana täge ni piny poot kär caa.

Jøøn 18:37

Ni kö Paylati jïre, «?Aŋø, ïïna nyeya nø?» Ni løgi ya Jecu jïre, na «Acaanï na kare ni aana nyeya. Ni beeye na nywöl a kipere, ni beeye gïna ööa piny kipere, naa køpa gïr adïëri. 'Ba jiy bëët mo wø en ra adïëri, dwøra wø leŋge leŋø.»

Jøøn 2:11

Manøgø beeye ŋïï mana tïïc Jecu dïkwøŋ yi Keena yi Galili, ni nyootha ajieme. Ni ö bääge ni jïëcge ki eni ni ŋääthge gøøni.

Jøøn 3:16

«Kiper Jwøk mëër ki jø piny døc, ni beeye na cïp Wääde ma aciel, kiper nee ŋato wäro jïëy ki eni ni ŋääth gø nee kwøe ki kwøw mana näk adïëri mo bäŋ cuŋŋe, nee ba ränynye.

Jøøn 3:18

'Ba ŋat wø jïëy ki eni ni ŋääth gø, bäŋ ajäla bääte këët. 'Ba ŋat wø ba jïëy ki eni ni ŋääth gø, eno nø jääl kawaane ennø, kiper na käre jïëy ni ŋääth nyeŋ O Jwøk na näk aciel.

Jøøn 6:51

'Ba beeye aani na møk kwøw mana öö ki maal na ö piny. Noo dee ŋat mo cam møgøgøøni, eni okwøw na bäre bäre. 'Ba møgo cïba kiper nee jø piny kwøwge, beeye dëëra.»

Jøøn 8:32

Ni dou adïëri ŋääö ni ö adïëri ni pät uuni.»

Moa Tïïc Nyïïatwieli 13:33

'Ba luummögø awëëk Jwøki thur kare røgø, ø na näk nyïïkwaacge, kanya tïŋ Jecu maal. Kaawat mana gööri ri riet Dut Pwøc thuwø, «ni ‹Ïïna wääda, ni dïcäŋi en aana tïmö ni aana wäru.›

Wëëlö Mana Göör Pøølli Baŋ Jø Röm 8:3

Kiper gïna ba maar lønyø jï ciik Jwøk ki man tïïc gø kiper mana døøyi ya dëëlli mo jääk, atïïc Jwøki kanya jääŋ Wääde kiree, ki dëël mo caala dëër dhaanhø ni da raay en, ni tïme no olämi kiper raay, ni jääl raay ri dëël.

Wëëlö Mana Göör Pøølli Baŋ Jø Röm 9:5

ni kwäre moa døøŋŋø beege moge. Ni bee ki rege na nywøl Krictø na dhaanhø, eni na Jwøk na en bäät jammi bëët na doo pwøø na bäre bäre. Enøgønø.

1 Körin 15:47

Kiper dhaanhø mana dïkwøŋ käla piny, ni beeye dhaanhø mo käla ri ŋøøm. 'Ba ŋata en cään, käla maal.

2 Körin 12:9

'Ba ena köö jïra, ni «Met ec mara orømø kiperï, kiper teek mara wø thur kare ka ri jäk.» Kiper manøgønø, yia met døc ki man tööda kiper jäk mara, kiper nee teek Krictø tïme ni bëëdö bääta.

Galeecia 4:4

'Ba na ö kanya wäŋŋi na thur kare, Jwøk Wääde ajääŋŋe, ni nywøli ya dhaage ni ciik Jwøk ena bääte,

Epeca 3:8

'Ba aani, këël na thiinh kara døc dï jø Jwøk bëët, met ec manøgø awëëk aani, nee gïr kwär mar Krictø na näk bäŋ teeŋe køba jï juurre,

Köløcia 1:19

Ni beeye eni na mïn yi Jwøki ki man bëëde ree ki dëëre bäre.

Köløcia 2:3

ŋata näk jap kwärö mo leec wïc ki kwänynyö bäre okan ree.

Köløcia 2:9

Kiper bëët Jwøk bäre bëëdö dëër Krictø.

1 Timöthi 3:16

Ajïëø møn, ni gïna näk tiere okwøŋ kan mar lam marø, dwøŋ møn. Kiper øøna jïëy, ni ena nyooth kanya tïme na dhaanhø, ni ŋunni ya Jwïëc Jwøki, ni ena neen nyïïatwiet maalli, ni nyeŋŋe okøbø dï mïëri, ni jïëc nyeŋŋe dï piny, ni kïthi maal ka ajiem.

Ibaru 1:3

ŋata joot ajiem Jwøk dëëre, ni kït Jwøk kiree ena dëëre, ŋata bëën jammi bëët ki dwøre na teek. 'Ba eni, kanya nø wëën ajäl raay, ena pï piny bäät cwïï Kwääya dwøŋ ni en maalø.

Ibaru 1:5

?Kiper a nyïïatwiel maal mane na cään Jwøki ki gø, ni «Ïïna Wääda, ni ïïna tïïa ni ïïna Wääda dïcäŋi en»? Wala oköö, ni «Aano tïmö ni aana Wuuö jïre, ni tïme ni ena Wäädö jïra.»

Ibaru 10:5

Kiper manøgøøni, kanya ö Krictø piny, ena köö, no «Olämme ki muuce, paa gïïa manynyï. 'Ba da dëël mo iï tïïö kipera.

Ibaru 2:11

Kiper eni ni wø tïïc jiy ni ena kur keerge, ki jøøa no otïïö ni ena kur keerge yøø, wääge aciel. Ni beeye tiere ni ba laac wïïe ki man cwøl geni ni nyïïmenni,

Ibaru 5:5

Kaawat manøgø thuwø, Krictø dëëre käre thïïŋö e keere nee tïme na Kwääy Lam Mana Dwøŋ. 'Ba eni jiera Jwøki, na luum gø, ni «Ïïna Wääda; dïcäŋi aana tïmö na Wuuö jïrï.»

1 Jøøn 4:14

'Ba mana neenwa ni wø køpwa beeye ni Wuuö Wääde ajääŋŋe na Pïëmi mar piny.

1 Jøøn 4:9

Ni beeye gïn en na nyooth mëëc Jwøk dïïø, kiper mana ö Jwøki na jääŋ Wääde na näk aciel piny kiper nøø kwøø ki køøre.

2 Jøøn 1:7

Kiper jø cwøk mo thööth okeethø dï piny, jøøa näk kär jïëy ni Jecu Krictø oöö ni da dëël. Teeŋ ŋatøgø nø, beeye dïcuuy ni ena nyimän Krictø.

Mana Nyooth 19:13

Ni eni käära abïï mo ocøt yi remø. 'Ba nyeŋŋa cøøri ki gø beeye Dwør Jwøk.

Mana Nyooth 21:3

Ni wïnynya dwøl mør mo päl mo ööi ki bäät wälu, ni kööe, ni «Kar bëët Jwøk atïmö ni bëëdö ka jiy. Eno bëëdö ki geni ni tïmge na jiye. 'Ba Jwøk ki dëëre obëëdö ki geni,