Jøøn 1:13 - Wëël Jwøk

¹³ Ni jøøgøøni atïmö na nyïï Jwøk kiper mana tïïc Jwøki ki dëëre, ni paa kiper na nywøl ge na tuuŋ, wala kiper mana cac dëër dhaanhe, wala kiper mana caar dhaanhe nee tïïe ee keere.

Jøøn 1:13 Iomraidhean Croise

Wïlöölö 25:22

'Ba obwöre atïmö ni ge cäbö yi Rebëëka; ni kööe, na «?Aŋø, a teeŋ gïnaŋø no otägö dëëra en?» Køøre ena aay ni läme ni pëëny Wuuö Jwøk.

Wïlöölö 25:28

'Ba Aydhak mëër ki Icøø døc ni kaala Jeekap, kiper yie met ki rïŋ mo wø käle jïre ki baŋ dwaar ni wø came. 'Ba Rebëëka mëër ka Jeekap døc ni kaala Icøø.

Wïlöölö 27:33

Køøre Aydhak dëëre atïmö ni miel døc, ni kööe, na «?Aŋata ŋa na kwøŋ öö ki rïŋö ya adïëti ni käl gø baŋa, ni cama gø bäre kanya poode niï poot kär öö, ni nø gwïëdha gø? Ni ka adïëri møn, bee eni noo gwïëth.»

Wïlöölö 27:4

ni tëënnï aani ki cam mo met døc mo yia met ki gø, ni kälï gø baŋa nee cama, kiper niï gwïëdha kany pooda naa poot kär thøw en.»

Mathiew 3:9

ni kär nou köö ki cwïnynyu, ni ‹Eeberam beeye na kwarwa.› Kiper a caana gø jïïu, ni Jwøk jïre da teek ki man jïte ki jiy jï Eeberam røk kïte moi ii.

Jøøn 3:3

'Ba aløk Jecu jïgø, ni kööe, na «Adïëri møn a caana gø jïrï, ni näk mo dhaanhø kär cäŋ nywøllø ni nyään, eni buc Jwøk ba dee maara joot.»

1 Körin 3:6

Beeye aani na pïïdhö, ni ö Apøla ni jwëën tietge ki pïï, 'ba beeye Jwøk na wëëk ge pïth.

Pilipay 2:13

Kiper beeye Jwøk ni wø tïïö cwïnynyu, ni mooya uuni ki teek ki man tïïyu moe na met yie ki ge.

Tayta 3:5

øøna pieme, ni paa kiper ni da tïïe mo beyø mo yøø tïïö, 'ba ø pieme ka met yie keere, kanya ööe ni lwøk cwïnynyø ni døøc ge mo nyärö, kanya døøc ge mo nyärö ki ri Jwïëc Jwøk na en kur keere,

Jeemeth 1:18

Ni beeye ki køør mana manynye ki wïïe keere na cwääc øøni ki køør luum adïëri nøø tïmø ni ø caala thwöth beel ri moa cwääe.

1 Piter 1:23

Kiper uuna cäŋ nywøllø nou nyärö, nou ba nywöli ka ri kunh wø ränynyi, 'ba u nywöli ka ri kunh wø ba maar ränynyö, ki køør luum Jwøk na kwøw ni wø bëëdö na bäre bäre.

1 Piter 1:3

Pwøc en jï Jwøk, eni na Wää Kwääyø ma Jecu Krictø; kiper beeye ki køør met yie na dwøŋ na cäŋ ø nywøllø ni ø nyärö, ni jït cwïnynyø ki ŋäädhe mo kwøw ki køør duun Jecu Krictø wøk ki yi thøø.

1 Piter 2:2

Ni tïmu kaamar obwöre mo marr, nou manynya caak, ni beeye caak mana näk luum Jwøk na näk bäŋ gïn mo raac yie, nou døøŋŋu ki gø ki ri pïëm mana piem uuni ki gø,

1 Jøøn 3:9

Ni bäŋe ŋat mo onywøl Jwøki mo bëëdö ni bääö, kiper bëët Jwøk ena cwïnye, ni eni ba maar bëëdö ni bääö kiper mana nywøli ya Jwøki.

1 Jøøn 4:7

Omëëya, beerra man mëërø ki røgø, kiper mëër a mar Jwøk. Ni ŋat wø mëër nywøla Jwøki ni ŋäc Jwøk.

1 Jøøn 5:1

Jiy bëët mo wø jïëy ni Jecu beeye Krictø, gena nyïï Jwøk, ni jiy bëët mo wø mëër ki wuuö, ge mëër ki nyey thuwø.

1 Jøøn 5:18

Ni ŋääø ni ŋat mo onywøl Jwøki bäŋ wø bëëdö ni bääö, kiper mano gwøgi ya O Jwøki, ni ba guti ya ŋata raaci.

1 Jøøn 5:4

Kiper ŋat wø näk nywøla Jwøki, piny wø bööte böötö. 'Ba gïn wø bööt piny ki gø beeye ŋäädhe marø.