Jool 3:5 - Wëël Jwøk

⁵ Kiper uuni warkey mara, ki gwel-bïrö mara, ki jap kwär 'moa akällu ni kïthu ge yïth uut juu mou.

Jool 3:5 Iomraidhean Croise

2 Nyeye 12:18

'Ba Jöac nyeny Juuda jammi bëët moa no ocïp kur keerge na mo Wuuö Jwøk, ni beege moa cïp kwari ma Jøcapat, ki kwari ma Jöram, ki wänni ma Akadhiya, nyec Juuda, alwøre, këël jammi moe moa näk ee cïp kur keerge, ki warkie bëët moa joot yïth kwör kän moa en yi Øt Wuuö Jwøk ki øt nyec, ni jääŋ geni baŋ Adhaël nyeny Aram. Køøre Adhaël wääth mana dee aa Jerucalem aput wec.

2 Nyeye 16:8

Køøre, Eeyeth gwel-bïrö ki warkey moa joot Øt Wuuö Jwøk ki moa joot kwör kän moa en øt nyec, alwøre ni jääŋ ge baŋ nyeny Aciria na muuy.

2 Nyeye 24:13

Ni ö nyeny Babilønni ni käl jammi moa perge leth bëët kaace moa no okanø yi Øt Wuuö Jwøk, ki moa no okanø yi øt nyeya, ni ŋør jap paac bëët moa näk tïïc ka warkey na tïïc Cølömanni nyeny Icriel yi Øt Wuuö Jwøk. 'Ba gïïögø atägö kaawat mana caan Wuuö Jwøki.

Aydheea 11:11

Dïcäŋeca Wuuö Jwøk cere cäŋe ka tïŋ maal ri rietge ki man duu jiye baŋe moa no odööŋ ni kwøw ya Aciria, ki Ijep, ki thääŋ ŋööm Ijep mana cwøl ni Patröc, ki moa no odööŋ Kuuc, ki Ilam, ki Babiløn, ka Amath, ki deŋ naama dwøŋ.

Jeremaya 23:7

«Kiper manøgønø, mana caan Wuuö Jwøki beeye ni da nïne mo öö, mo jiy ba kööŋ këët, ni ‹Ŋëët Wuuö Jwøk, Jwøa kwøw, na käl jø Icriel wøk ki Ijep,›

Jeremaya 50:28

Dwøl owïnyi, ni beeye dööt jiy moo rïŋŋi noo päny wøk ki Babiløn, ni caange cuut kwör mar Wuuö Jwøk, Jwøk marø, yi Dhayan, ni beeye cuut kwör mar øtø mare.

Jeremaya 51:11

«Athëëre mou wär paagu, ni pääŋŋu yïth købe ki geni. Wuuö Jwøk yïth nyeye mo Mëdön anø theŋe, kiper acaara mare beeye ki man raany Babiløn. Kiper Wuuö Jwøk cudö ki kwör, ni beeye cuut kwör mar øtø mare.

Edhikiel 37:12

Kiper manøgønø, caanï jï dhi øt Icriel ni kööï, ni man beeye luumma caan Kwäärö Wuuö Jwøki kiperu, ena köö, ni ‹Ka adïëri møn, u na jiya, bwör mou jaba jabø, ni tïïa uuni nou ööu wøk ki yïth bwör mou, ni kïtha uuni yi ŋööm Icriel.

Daniel 11:38

Ni ki mana dee ge wøørø, eni tïmö ni wøøra jwø wø gëëŋ kwör gwøk røk, na jwøk mo kuc kwäye noo wøøre ki warkey, ki gwel-bïrö, ki nyeŋ kïte mo perge leth, ki muuce mo perge leth.

Obadiya 1:17

'Ba da jiy mo bøth mo dööŋ bäät Kïn Dhayan; 'ba Kïn Dhayan otïmö ni ena kur keere, ni ö jø dhi øt Jeekap ni lwørge gø na kurge.