Jool 3:2 - Wëël Jwøk

² aani wïth juurre bëët cooŋa kanya ciel, ni kïtha ge goor Jøcapath. Ni ööa ni caana luup ŋøl dëëtge kaace naa ena løø jiya ma jø Icriel na näk thööga, kiper beege na keeth jiya dï wïth juurre, ni ö geni na wïth juurre ni pääŋge ŋöömö mara yïthakicge keerge.

Jool 3:2 Iomraidhean Croise

2 Luup Nyeye 20:26

'Ba na tïme na ri ŋweer nïne gena jïtö ka acooŋa yi gool mana cakge na Goor Gwïëth, ni pwøcge Wuuö Jwøk yi gø. Køøre nyeŋ kaace aputge cak ni Goor Gwïëth këël dïcäŋi.

Aydheea 66:16

Kiper Wuuö Jwøk jiy bëët jääle jäälö ki maac ko opëëllö mare, ni ö jiyi moo nääe ni tïmge ni thööth.

Aydheea 66:18

«'Ba kiper mana ŋääa tïïe moge ka acaare moge, aani a öö ni cooŋa wïth juurre ki teeŋ dhøgi bëët; ni öge ni putge ajiem mara joot.

Jeremaya 12:14

Mana caan Wuuö Jwøki beeye en, ena köö, ni «Ka adïëri møn, mïëc wïth juurre moa reyø na kïïö ki jiya, na tuk paac mana cïba jï jiya ma jø Icriel, ge cööda wøk yïth ŋøøpge, ni cööda jø Juuda wøk thuwø yïthakicge.

Jeremaya 25:31

Dïŋaŋ okëët ya aŋuun piny bäre, kiper Wuuö Jwøk jïre da løøk ki wïth juurre bëët. eni mar jiy bëët ŋøle ŋølø, ni cïp jøøa reyø dho opëëllö. Luummögø caana Wuuö Jwøki.› »

Jeremaya 49:1

'Ba man beeye luumma caan Wuuö Jwøki kiper jø Amön, ena köö, na «?Aŋø, Icriel bäŋ nyïïkwaaye? ?Aŋø, Icriel jïre bäŋ lwiidhi? ?Aperŋø nø na ö jø wø lam Milköm ni macge ŋööm Icriel mar jø tuuŋ Gaat en, ni bëëtge yïth päänye moe?

Jeremaya 50:17

«Jø Icriel akeeth nyïïmänni, kaamar dïëk moo keeth ŋuuwi. Ŋata kwøŋ geni raanynyø beeye nyeny Aciria, ni ŋata näk aŋuudi na tøc cuuge beeye Nabukedenecör nyeny Babiløn.

Edhikiel 25:8

«Man beeye luumma caan Kwäärö Wuuö Jwøki, ena köö, ni ‹Kiper mana kö jø Möapi ki jø Cëër, ni «Neenï, dhi øt Juuda atïmö kaamar wïth juurre møøk jaak,»

Edhikiel 34:6

Pïïth dïëk 'moa gena thääyö bäät kïte bëët, ki bäät thuuri moa bäyö bëët. Gena keethø bäät piny bäre ni bäŋ ŋat moo many geni›.

Edhikiel 35:10

« ‹Kiper ïïna köö, ni «Wïth juurre moi na ariiø ii ki ŋøøm moge, ni beege jø Juuda ki jø Icriel, ge tïmö na 'moa, nee putge dööŋŋö jïwa na thöökwa,» këël na bëëde ni Wuuö Jwøk nut yïthge.

Edhikiel 36:1

«Wär dhaanhø, cään kïte mo Icriel ni kööï, ‹Wui, u na kïte mo Icriel, wïnynyu dwør Wuuö Jwøk.›

Edhikiel 36:5

gïna caan Kwäärö Wuuö Jwøki jïïu bee en, ena köö: ni Aani, a cäänö ni cwïnya okëënynyö ki wïth juurre møga ki jø Ëdöm bëët. Geni, ŋöömö mara akälge kiper dëëtge ni cwïnyge päŋ ki met ec ki män, nee japa beyø na en yie twierge.›

Edhikiel 38:22

Ni jääla geni ki täw mo leth ki køny remø piny. Aani køth mo dwøŋ mo ree da pey mo caala kïte, ki tør mo liel, ojääŋŋa bääte, ni pänh bääte ki jø leny moe ki bäät wïth juurre moa thööth mo wø cäädhi ki eni.

Edhikiel 39:11

« ‹'Ba noo tïme na dïcäŋeca, aano cïpi ki kar bwörö yi ŋööm Icriel kiper Göök. Ni bee yi gool man wø ŋutö ki yie ki jï løø kur tuul-cäŋ mar Naam Acäbö. 'Ba øtjöö manøgø oput cïëgö, kiper mano koony Göök ki lwaae moe yie kaace. Køøre nø, oput cwøl ni Goor Lwaa Göök.

Jool 3:12

«Beerra man ö wïth juurre ni öge maal ni cige goor Jøcapath, kiper aani, a pïïa piny kaace ni caana luup ŋøl dëët wïth juurre bëët moa kwörge cärö.

Jool 3:14

Wui lwaak, lwaa päl, u ena goor ŋøl luup, kiper cäŋ Wuuö Jwøk kare acäännö goor ŋøl luup.

Amøc 1:11

Wuuö Jwøk aköö na ennø, ni «Kiper mana ö jø Ëdömmi na kaathge bääyö marge, a ba døø ŋääa ki man jääla geni, kiper na ŋwiecge køør nyïïmëëkge ma jø Icriel ki tøøŋi, ni wecge bäth cwïny mana dege tïïö. Ni ö wëërri marge ni pälle, ni bëëde ni nut cooth.

Mikiya 4:12

'Ba geni, gïna nø caara, a na Wuuö Jwøk, kucge, ni gïïo tïïa, tiere kär ci cwïnyge. Aani gena cooŋa kanya ciel kaawat man wø cooŋ ŋaaŋe yi laara, ni gïnögø tïïa naa jääla geni.

Jepaniya 3:8

Kiper manøgønø, Wuuö Jwøk aköö, ni «Koorru aani, kiper dïcäŋo cuŋŋa naa cäänna uuni. Aani, anø ŋøla ki man cooŋa wïth juurre ge ki buc nyeye bëët, nee wëër mara bäre ni wø liel kaamar maac nee kønynya bäätge. 'Ba jø bäät piny bäre geno put maaci thöör mar këëny cwïny mara.

Mana Nyooth 11:18

'Ba mïëri abëëdö ni wëëyö. 'Ba wëëyï apïï, ki kanya di luum jøøa näk othøw ŋølø, ki kanyo ŋat laagï yie ma nyïïkuk Jwøk ki jø Jwøk, ki jø wø lwäär ki nyeŋŋï, moa døøŋŋø ki moa therø, ni beeye kanyo raany jøøa raany piny.»

Mana Nyooth 16:14

Kiper gena jwïëy anäge mo tïïö ki ŋïïce mo wø ci wøk baŋ nyec piny bäre, kuna cooŋge geni kanya ciel kiper leny mar cäŋo dwøŋ mar Jwøk na en teeki jïre.

Mana Nyooth 16:16

Ni ö jwïëyögø ni cooŋge nyeye kanya cwøl ni Armagedøn ki dhi Ibaru.

Mana Nyooth 16:6

Kiper jiy rem jø Jwøk ki mo nyïïkuk Jwøk akønyge piny, ni läwï ge wëëk remø nee maathge. Ni beeye mana røm rege.»

Mana Nyooth 20:8

ni ö wøk kuna cøøk mïëri ni en wïth tuk piny karge ŋweeni, ni beeye Gøg ki Magøg. Ni eni cøøga geni nee ge cooŋe kiper leny. 'Ba kwäänge caala akwöny deŋ naama dwøŋ.