Jool 3:19 - Wëël Jwøk

¹⁹ Ijep ränynyö ni tïme na tëën, ni ö Ëdömmi ni tïme na paap mo otal, kiper gïïa leth na tïïcge dëët jø Juuda, ni beeye yi ŋöömma kønyge rem jiy piny yie mo bäŋ gïn mo ege baaø.

Jool 3:19 Iomraidhean Croise

Aydheea 11:14

'Ba geni bëët geno løøc piny baŋ jø Pilitin, ni läätge bäätge jï løø kur pänh-cäŋ. Dëëtge odwalge ni twierge jiy mo wø en jï løø kur tuul-cäŋ, ni tïm jø Ëdömmi ki jø Möap ni ena tietge, ni tïm jø Amönni ni bëënna geni.

Aydheea 11:15

Wuuö Jwøk weel naama dwøŋ mar Ijep taale taalø; cere tïŋe maal bäät Naam Upareeti ki jamø mo lïëth, ni put gø ŋørø na nyeŋŋi abïriiø, ni put tïmö ni ŋøl jiyi ŋølø ki war jaak.

Jeremaya 49:17

«Ëdöm otïmö na gïn mo cwïny jiy böö ki gïno tägi dëëre; ni ö jiyi bëët moo pöödhi ki buute ni thäŋ yïthge ni buuge gø kiper gïïa leth bëët noo pïï bääte.

Jeremaya 51:35

Jø powa ma Dhayan, ni beege jø Jerucalem, ge cäänö, ni «Beerra man ö gïna lethi na tïïc dëëtwa ni tïï dëër Babiløn, ni beerra man ö kwör remø marwa ni en bäätge, geni na jø Kaldia.»

Wëël Kïmmö 4:21

Wui, jø Ëdöm, yïthu mïnge ni kanynyu nø, u ni wø bëëdö yi ŋööm Uc; 'ba uuni athöönh ajäla di jääŋŋö baŋu thuwø, ni mäthu ni meerru ni dööŋŋu ki dëëtu.

Obadiya 1:1

Man beeye luumma nyooth jï Obadaya, ni beeye gïna caan Kwäärö Wuuö Jwøk kiper jø Ëdöm. Da luubö ma awïnywa ki baŋ Wuuö Jwøk, ni da dhaanhø mo ojääŋŋö baŋ wïth juurre, mo käära dwøl mo köö na ennø nø, ni «Ööu maal ni cøø baŋ leny ki jø Ëdöm!»

Abakuk 2:17

Kiper gïna raac na tïïyï dëër lur Libaanø di coolø dëërï, ki mana raanynyï lääy ni wëëgï ge lwär, kiper mana kønynyï rem jiy piny, ni tïïï ki gïï mo leth yi ŋöömö, ki yïth päänye, ki dëët jiy moa bëëdö yïthge.

Dhekaraya 10:10

Aani, ge duua duuö ki yi ŋööm Ijep, ni gwäära geni ki ya Aciria. Ni ööa ni dääa ge yi ŋööm Gelät ki Libaanø, ni tïme ni bäŋ kany mo di joodø mo ge røma yie.

2 Thecalönika 1:6

Kiper ocaan Jwøki møn, ni beer jïre ki man cool kwöri dëët jø wø tïïc gïï mo leth dëëtu,