Jool 3:16 - Wëël Jwøk

¹⁶ Wuuö Jwøk määr ki yi Dhayan, ni dwøre wïnyi ka yi Jerucalem, ni ö maalli ki piny ni tïmge ni jäŋŋi. 'Ba Wuuö Jwøk bëëdö na kar kan røk jï jiye, ni eni caala kiir mo ogeerø ni teek jï jø Icriel.

Jool 3:16 Iomraidhean Croise

Pwöc Leec Wïc 18:10

Wuuö Jwøk beeye kiir mo teek, ni ŋata mare beer wø reŋŋa yie ni bëëde no ogwøø.

Aydheea 33:16

Teeŋ ŋatøgø, kar bëëtö mare otïmö ni ena maal bäät kïdi, ni tïm kïdi na kar gwøk røk mare, ni tïm cam mare ni di cïbö jïre, ni pïï moe moo maadhe ba cöök.

Aydheea 33:21

'Ba kar kaaca, Wuuö Jwøk otïmö ni bee teek marwa ni tïme kaamar kany mo da näm, ki nyeŋ näm mo okønynyø ni døøŋŋø, ni bäŋ ŋat mo cør yïthge ki jää leny man wø kiiw ko opääli, ni bäŋ jïëth leny mo teek mo pöödhi ki yïthge.

Aydheea 42:13

Wuuö Jwøk dønynya wøk kaamar oteen leny, eni këëyö mare nyoodhe nyoodhø kaamar ŋat leny; eni twäätö ri leny, twäätö møn ni dwøre ena maal. Eni ööa maal bäät nyïïmän moe ni bööt geni.

Aydheea 51:16

Aani, luup 'moa akïtha dhøgu, ni rïëba uuni ki tïpö mar cera. Bee aani na cïp maal kare, na wëëk tier piny këët piny ni teek, na köö ki jø Dhayan, ni ‹Uuna jiy 'moa.› »

Jeremaya 16:19

Wui Wuuö Jwøk, ï na teek mara, ï na kar gwøk røk jïra, na kar kan røk kany wø pïïc gïï mo lethi bääta, wïth juurre öa baŋï ki kwör mo bäyö, ni köge, ni «Kwäcwa bäŋ Jwøk jïge, 'ba beege juu mo oballe jaak mo bäŋ gïn duuge.»

Jeremaya 17:17

Kär dëëra wëëk kwanynyi nyïmï, kiper beeye ïïni na kar kan røk jïra kany wø pïïc gïï mo lethi bääta.

Edhikiel 38:19

'Ba ki køør këëny cwïny mara ki wëër mara ni wø liel kaamar maac, a caana gø ni dïcäŋögø otïmö ni da dïjäŋ piny mo dwøŋ døc yi ŋööm Icriel.

Odheea 11:10

'Ba uuno cäädhi køøra, a na Wuuö Jwøk, ni mära kaamar ŋuu. 'Ba kanyo mära, jiya oput öö ni dëëtge kwanynyi ki kur pänh-cäŋ.

Amøc 1:2

Ena köö, ni «Wuuö Jwøk märö yi Dhayan, ni køp dwøre yi Jerucalem; ni ö kwör wø kwaac dïëk yïthge ni talge, ni ö luummi mana en bäät Kïn Karmël ni bäbe.»

Amøc 3:8

'Ba ennø, ŋuu anø määr; ?A ŋata ŋa ni ba lwäyi? Wuuö Jwøk mare anø caane; ?Aŋa no män ree ki man køp luummögø?

Neeyam 1:7

Wuuö Jwøk beer, ni ena teek mar jiye cäŋ gïï mo leth. Jiy mo wø kan rege buute di gwøø.

Agëë 2:6

«Wuuö Jwøk, eni na wïth jammi bëët, aköö, ni ‹Ki kany mo thiinh, aani, maal ki piny, ki näpa døøŋŋø, ki ŋøøm moa no otal cäŋa ka jäŋŋö ki yie aciel keere.

Agëë 2:7

Ni jäŋa wïth juurre bëët, ni ö jap kwär mo wïth juurre bëët ni käli; køøre a na Wuuö Jwøk, na en wïth jammi bëët, øtø man pääŋa pääŋö ka ajiem.

Dhekaraya 10:12

'Ba a na Wuuö Jwøk, geno mooa ki teek, ni ö geni ni bëëtge ni ge wøøra nyeŋŋa.» Manøgø bee dwør Wuuö Jwøk.

Dhekaraya 10:6

«Aani jø dhi øt Juuda wëëga tëënnö, ni piema jø dhi øt Jocep. Aani bëëtö marge dwøga kare, kiper bäth ec mara yaa nyoodhø bäätge. Geno bëëdö kaamar jiy mo kede ge kära kwøŋ kwier, kiper aana Wuuö Jwøk, Jwøk marge. Aani lam man wø lämge ki gø løøa løø jïge.

Dhekaraya 9:12

Wui, u na jø twöc mo cwïnyge da ŋäädhe en, døøu kar gwøk røk mana teek; kiper a caana gø jïïu dïcäŋi ni jammi moa jwørru coola coolø jïïu ki gwïëth mo opöödhö.

Ibaru 12:26

Kanyøca piny atïïc dwøre ni jäŋŋi, 'ba kawaane ena bugö, ni «Poot da aciel mør, kanyo cäŋa piny tïïyö ni jäŋŋi, ni paa piny keere, 'ba këël maalø thuwø.»

Mana Nyooth 11:13

Kanyøgø piny atïmö ni jäŋŋi døc yi caannøca. Ni ö paac thääŋ päänynyi ni pädhe. Ni ö jiyi ma kume abïriiø ni nääi ki dïjäŋ piny, ni ö moa dööŋŋi ni lwäcge døc, ni jiemge Jwø maalø.

Mana Nyooth 11:19

Kanyøgø Øt Jwøk Mana Dwøŋ maalø ajap, ni ö acanduki mar luumme na tuude ki jiy ni neeni yi Øt Jwøk Mana Dwøŋ. Ni tïm agaackøthi ni mal, ni piny dïmmi døc, ki køth mo märö, ki dïjäŋ piny, ki piiø mo päl.

Mana Nyooth 16:18

Ni tïm agaackøthi ni mal, ni piny dïmmi døc, ni køth märö, ni piny jäŋŋi ki dïjäŋ piny mo dwøŋ døc, mo teeŋe kär tägö cøøn ki mana bëët jiyi bäät piny. Kiper dïjäŋ piny manøca dwøŋ døc.

1 Camiel 15:29

'Ba Jwø Icriel ni wø bëëdö ni dwøre ba dak ba cäänö ki tööt, na acaara mare ba wiile; kiper eni ba caal dhaanhø na acaara mare di wiilø.»