Jool 3:15 - Wëël Jwøk

¹⁵ Cäŋ ki dwääy tïmö ni cøl, ni ö ceerri ni ba rienyge këët.

Jool 3:15 Iomraidhean Croise

Luup Dïpööy 12:2

ni beeye kanyo poode ni cäŋ, ki tar, ki dwääy ki ceer poot kär tïïö ni cøl, ni pøøl maal poot käre cäŋ tïïyö ni cøl køør køth;

Aydheea 13:10

'Ba ceer mo maal ki moa näk dëëtge ege cøŋŋø otïmö ni ba cïpi ki tar. Cäŋ otïmö ni cøl kanyo tuule, ni ö dwääyi ni ba cïp tar mare.

Edhikiel 32:7

'Ba kanyo raanynya ïïni, maal puta ka rïëp, ni tïm ceerri ni cøl. Cäŋ ogëëŋa ki pøøl, ni ö dwääyi ni ba cïpe ki tar.

Jool 2:10

Kanyo poode dïkwøŋ, piny ree di jäŋö nyïmge, ni ö maalli ni tïme ni kwanynyi, ni ö cäŋŋi ki dwääy ni tïmge ni cøl, ni ö ceerri ni ba rienyge këët.

Jool 2:31

Cäŋ ree di wiilø ni cøl, ni ö dwääyi ni tïme na remø, kanyo poode ni cäŋa dwøŋ mara, a na Wuuö Jwøk, cäŋo täk lwärri yie poot kär öö.

Mathiew 24:29

«'Ba køør gïïo leth moo tägi yïth nïrögøøni, « ‹cäŋ oput tïïc ni cøl, ni ö dwääyi ni ba cïp taye, ni päänh ceerri ki maal, ni ö gïïa näk jïge da teek maal ni jäŋi.›

Maak 13:24

«'Ba ki yïth nïrögøøni noo näk køør gïïo leth yøø, « ‹cäŋ oput tïïc ni cøl, ni ö dwääyi ni ba cïp taye,›

Mana Nyooth 8:12

Ni ö ŋweer nyïïatwiet maalli ni kooth tuuŋ mare. Ni ö dää thääŋö mar cäŋ, ki dää thääŋö mar dwääy, ki dää thääŋö mar ceer ni gøøi, ni tïm dää thääŋö mar tar moge na muudhö. Ni ö dää thääŋö mar dïcäŋöca ni mäni ki man tïme ni leer, ni ö dää thääŋö mar wäär thuwø ni tïïi na enøgønø.